ಸ್ಟಾರ್ ನಟನ ಮಗಳ ಜೊತೆ ರಾಜಮೌಳಿ ಮಗನ ಮದುವೆ

ಮದುವೆ ಸಂಭ್ರಮದಲ್ಲಿ ರಾಜಮೌಳಿ ಕುಟುಂಬ

ನಿರ್ದೇಶಕ ರಾಜಮೌಳಿ ಮನೆಯಲ್ಲಿ ಮದುವೆ ತಯಾರಿ ಶುರು ಆಗಿದೆ. ಪುತ್ರ ಕಾರ್ತಿಕೇಯ ಅವರ ವಿವಾಹದ ತಯಾರಿ ಮಾಡಿಕೊಳ್ಳುತ್ತಿರುವ ಕುಟುಂಬಸ್ಥರು ಟಾಲಿವುಡ್ ನಾಯಕ ಮಗಳನ್ನು ಸೊಸೆ ಮಾಡಿಕೊಳ್ಳುತ್ತಿದ್ದಾರೆ.

ರಾಮ್ ಪ್ರಸಾದ್ ಪುತ್ರಿಯೇ ಸೊಸೆ

ಕಾರ್ತಿಕೇಯ ಮದುವೆ ಆಗುತ್ತಿರುವ ಹುಡುಗಿ ಸ್ಟಾರ್ ನಟ ಜಗಪತಿ ಬಾಬು ಅವರ ಸಹೋದರನ ಮಗಳು. ಪೂಜಾ ಪ್ರಸಾದ್ ಹಾಗೂ ಕಾರ್ತಿಕೇಯ ನಿಶ್ಚಿತಾರ್ಥ ನಿನ್ನೆಯಷ್ಟೆ ನಡೆದಿದ್ದು ಕುಟುಂಬಸ್ಥರು ಆತ್ಮೀಯರು ಮಾತ್ರ ಭಾಗಿ ಆಗಿದ್ದಾರೆ.

ಶಾಸ್ತ್ರೀಯ ಸಂಗೀತ ಕ್ಷೇತ್ರದಲ್ಲಿ ಹೆಸರು

ಪೂಜಾ ಪ್ರಸಾದ್ ಶಾಸ್ತ್ರೀಯ ಸಂಗೀತ ಕ್ಷೇತ್ರದಲ್ಲಿ ಈಗಾಗಲೇ ಉತ್ತಮ ಹೆಸರು ಪಡೆದುಕೊಂಡಿದ್ದಾರೆ. ಸಂಗೀತ ಲೋಕದಲ್ಲಿ ಭಕ್ತಿಗೀತೆಗಳನ್ನು ಹಾಡುವ ಮೂಲಕ ತನ್ನದೇ ಆದ ಛಾಪು ಮೂಡಿಸಿದ್ದಾರೆ.

ವರ್ಷಾಂತ್ಯದಲ್ಲಿ ಮದುವೆ

ಮೂಲಗಳ ಪ್ರಕಾರ ಕಾರ್ತಿಕೇಯ ಹಾಗೂ ಪೂಜಾ ಪ್ರಸಾದ್ ಮದುವೆ ಈ ವರ್ಷದ ಅಂತ್ಯ ನಡೆಯಲಿದೆಯಂತೆ. ಸಿನಿಮಾವನ್ನು ತೆರೆ ಮೇಲೆ ಅದ್ಬುತವಾಗಿ ಕಟ್ಟಿಕೊಡುವ ರಾಜಮೌಳಿ ಹಾಗೂ ಪತ್ನಿ ತಮ್ಮ ಮಗನ ಮದುವೆ ಯಾವ ರೀತಿಯಲ್ಲಿ ಮಾಡುತ್ತಾರೆ ಎನ್ನುವುದೇ ಕುತೂಹಲ.

ಯೂನಿಟ್ ಡೈರೆಕ್ಟರ್ ಕಾರ್ತಿಕೇಯ

ಕಾರ್ತಿಕೇಯ ಕೂಡ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡಿದ್ದು 'ಬಾಹುಬಲಿ' ಸಿನಿಮಾದಲ್ಲಿ ಯೂನಿಟ್ ನಿರ್ದೇಶಕನಾಗಿ ತಂದೆ ರಾಜಮೌಳಿ ಜೊತೆ ಕೆಲಸ ಮಾಡಿದ್ದಾರೆ. ಸದ್ಯ ನಿಶ್ಚಿತಾರ್ಥದ ವಿಚಾರವನ್ನು ಕಾರ್ತಿಕೇಯ ಟ್ವಿಟ್ಟರ್ ಮೂಲಕ ಖಚಿತ ಪಡಿಸಿದ್ದಾರೆ.