'777 ಚಾರ್ಲಿ' ವೀಕೆಂಡ್ ಕಲೆಕ್ಷನ್ ಎಷ್ಟು? 9ನೇ ದಿನ ಚಾರ್ಲಿ ಅಬ್ಬರ ಹೇಗಿತ್ತು?

9ನೇ ದಿನ ಚಾರ್ಲಿ ಅಬ್ಬರ ಹೇಗಿತ್ತು?

ಚಾರ್ಲಿ ಹಾಗೂ ರಕ್ಷಿತ್ ಶೆಟ್ಟಿಯ '777 ಚಾರ್ಲಿ' ಎರಡನೇ ವಾರ ಬಾಕ್ಸಾಫೀಸ್‌ನಲ್ಲಿ ಸ್ಟಡಿಯಾಗಿದೆ. ಮೌತ್ ಪಬ್ಲಿಸಿಟಿ ಸಿನಿಮಾಗೆ ವರ್ಕ್‌ಔಟ್ ಆಗಿದೆ. ಅದರಲ್ಲೂ ಎರಡನೇ ವಾರ '777 ಚಾರ್ಲಿ'ಯನ್ನು ಬೇರೆ ಬೇರೆ ತಾರೆಯರೇ ಪ್ರಮೋಟ್ ಮಾಡುತ್ತಿದ್ದಾರೆ. ಹೀಗಾಗಿ ಸಿನಿಮಾಗೆ ವೀಕೆಂಡ್‌ನಲ್ಲಿ ಸಖತ್ ರೆಸ್ಪಾನ್ಸ್ ಸಿಕ್ಕಿದೆ. ಎರಡನೇ ವೀಕೆಂಡ್ ಅಂದರೆ, ಶನಿವಾರ '777 ಚಾರ್ಲಿ' ಕಲೆಕ್ಷನ್ ಇಂಪ್ರೆಸಿವ್ ಆಗಿದೆ. 9ನೇ ದಿನ ( ಜೂನ್ 18)ಕ್ಕೆ ಸಿನಿಮಾದ ಗಳಿಕೆ 5.75 ಕೋಟಿ ರೂ. ದಾಟಿದೆ. ಈ ಕಾರಣಕ್ಕೆ ಭಾನುವಾರ ( ಜೂನ್ 19) ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ.

'777 ಚಾರ್ಲಿ' ಒಟ್ಟು ಗಳಿಕೆ ಎಷ್ಟು?

ಕನ್ನಡದ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾ ಬ್ಲಾಕ್ ಬಸ್ಟರ್ ಅಂತ ಸಾಬೀತಾಗಿದೆ. ಪಕ್ಕಾ ಕ್ಲಾಸ್ ಸಿನಿಮಾ ವೀಕೆಂಡ್‌ನಲ್ಲಿ ಉತ್ತಮ ಕಲೆಕ್ಷನ್ ಮಾಡಿದೆ. ಈ ಎರಡು ವಾರಗಳಲ್ಲಿ '777 ಚಾರ್ಲಿ' ಭಾರತದಾದ್ಯಂತ ಸುಮಾರು 43.50 ಕೋಟಿ ರೂ. ಗಳಿಸಿದೆ ಎನ್ನುತ್ತಿದ್ದಾರೆ ಟ್ರೇಡ್ ಅನಲಿಸ್ಟ್.

ಮೊದಲ ವಾರ 34.50 ಕೋಟಿ ರೂ.

2ನೇ ಶುಕ್ರವಾರ 3.25 ಕೋಟಿ ರೂ.
2ನೇ ಶನಿವಾರ 5.75 ಕೋಟಿ ರೂ.

ಒಟ್ಟು 43.50 ಕೋಟಿ ರೂ.

ಚಾರ್ಲಿ ಯಾವ ರಾಜ್ಯದಲ್ಲಿ ಎಷ್ಟೆಷ್ಟು?

ಚಾರ್ಲಿ ಗಳಿಕೆಯಲ್ಲಿ ಹೆಚ್ಚು ಪಾಲು ಬಂದಿದ್ದು ಕರ್ನಾಟಕದಿಂದಲೇ. ಉಳಿದಂತೆ ನಾಲ್ಕು ಭಾಷೆಗಳಲ್ಲಿ ಸಿನಿಮಾಗೆ ಅದ್ಬುತ ರೆಸ್ಪಾನ್ಸ್ ಸಿಗದೇ ಹೋದರೂ, ಆಂಧ್ರ-ತೆಲಂಗಾಣ, ಕೇರಳ, ತಮಿಳುನಾಡು, ಉತ್ತರ ಭಾರತದ ಸಿಕ್ಕ ರೆಸ್ಪಾನ್ಸ್ ಸೂಪರ್ ಎನ್ನುತ್ತಿದ್ದಾರೆ.

ಕರ್ನಾಟಕ 32.25 ಕೋಟಿ ರೂ.
ಆಂಧ್ರ/ತೆಲಂಗಾಣ 3.85 ಕೋಟಿ ರೂ.
ಕೇರಳ 2.40 ಕೋಟಿ ರೂ.
ತಮಿಳುನಾಡು 1.75 ಕೋಟಿ ರೂ.
ಉತ್ತರ ಭಾರತ 3.25 ಕೋಟಿ ರೂ.

ಒಟ್ಟು 43.50 ಕೋಟಿ ರೂ.

50 ಕೋಟಿ ಕ್ಲಬ್ ಸೇರುತ್ತಾ ಚಾರ್ಲಿ?

'777 ಚಾರ್ಲಿ' ಕರ್ನಾಟಕ ಬಿಟ್ಟು ಬೇರೆ ಭಾಷೆಯಲ್ಲಿ ಎರಡನೇ ವಾರದಲ್ಲಿ ಚೇತರಿಕೆ ಕಂಡಿದೆ. ಅದರಲ್ಲೂ ಬಾಲಿವುಡ್‌ನಲ್ಲಿ ಜಾನ್ ಅಬ್ರಹಾಂ, ಬೋನಿಕಪೂರ್, ರಕುಲ್ ಪ್ರೀತ್ ಸಿಂಗ್ ಸೇರಿದಂತೆ ಸೆಲೆಬ್ರೆಟಿಗಳು ಇಷ್ಟಪಟ್ಟು ಪಾಸಿಟಿವ್ ಆಗಿ ಮಾತಾಡಿದ್ದಾರೆ. ಈ ಕಾರಣಕ್ಕೆ ಈ ವೀಕೆಂಡ್‌ನಲ್ಲಿ ಸಿನಿಮಾದ ಗಳಿಕೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ ಈ ವಾರ '777 ಚಾರ್ಲಿ' ಭಾರತದಲ್ಲಿ 50 ಕೋಟಿ ಕ್ಲಬ್ ಸೇರಲಿದ್ದು, ಒಟ್ಟು ಗಳಿಕೆ 60 ಕೋಟಿಗೂ ಅಧಿಕ ಆಗಬಹುದು ಎಂದು ಅಂದಾಜಿಸಿದ್ದಾರೆ.