ರಶ್ಮಿಕಾ ಬಗ್ಗೆ 'ಸುಳ್ಳು ಸುದ್ದಿ ಸೃಷ್ಟಿಸುವುದನ್ನು ನಿಲ್ಲಿಸಿ' ಎಂದ ಭಾವಿ ಪತಿ ರಕ್ಷಿತ್ ಶೆಟ್ಟಿ

ರಶ್ಮಿಕಾ ಬಗ್ಗೆ ಹೀಗೊಂದು ಸುದ್ದಿ

''ರಶ್ಮಿಕಾ ಮಂದಣ್ಣ ಚಿತ್ರರಂಗದಿಂದ ದೂರವಾಗುತ್ತಾರೆ. ಇದೇ ಕಾರಣದಿಂದ ಅವರು 'ಚಮಕ್' ಮತ್ತು 'ಅಂಜನೀಪುತ್ರ' ಚಿತ್ರದ ಶೂಟಿಂಗ್ ಮುಗಿದಿದ್ದರೂ ಯಾವುದೇ ಚಿತ್ರವನ್ನು ಒಪ್ಪಿಕೊಂಡಿಲ್ಲ. ಹಾಗೂ ಕನ್ನಡಕ್ಕಿಂತ ಹೆಚ್ಚಾಗಿ ತೆಲುಗು ಚಿತ್ರಗಳಿಗೆ ರಶ್ಮಿಕಾ ಒಲವು ತೋರುತ್ತಿದ್ದಾರೆ'' ಎನ್ನುವ ಸುದ್ದಿ ಹರಿದಾಡಿತ್ತು.

ಟ್ವಿಟ್ಟರ್ ಖಾತೆಯಲ್ಲಿ ಉತ್ತರ

ರಶ್ಮಿಕಾ ಮಂದಣ್ಣ ಬಗ್ಗೆ ಕೇಳಿ ಬಂದ ಈ ಸುದ್ದಿಗೆ ರಕ್ಷಿತ್ ಶೆಟ್ಟಿ ಟ್ವೀಟ್ ಮಾಡುವ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.

'ಇದು ಸತ್ಯ ಅಲ್ಲ'

''ಇದು ಸತ್ಯ ಅಲ್ಲ.. ರಶ್ಮಿಕಾ ತನ್ನ ಸಿನಿಮಾ ಕೆಲಸಗಳನ್ನು ಮುಂದುವರೆಸಿಕೊಂಡು ಹೋಗುತ್ತಾರೆ. ಜೊತೆಗೆ ಎಂದಿಗೂ ಆಕೆಯ ಮೊದಲ ಆದ್ಯತೆ ಕನ್ನಡ ಸಿನಿಮಾಗಳಿಗೆ ಇದೆ'' ಎಂದು ರಕ್ಷಿತ್ ಟ್ವೀಟ್ ಮಾಡಿದ್ದಾರೆ.

ಹೌದು ಎಂದ ರಶ್ಮಿಕಾ

ರಕ್ಷಿತ್ ಶೆಟ್ಟಿ ಟ್ವೀಟ್ ಅನ್ನು ರೀಟ್ವೀಟ್ ಮಾಡಿರುವ ರಶ್ಮಿಕಾ 'ಹೌದು' ಎಂದು ರಕ್ಷಿತ್ ಹೇಳಿಕೆಗೆ ತನ್ನ ಸಮ್ಮತಿಯನ್ನು ನೀಡಿದ್ದಾರೆ.

ಸದ್ಯದ ಸಿನಿಮಾಗಳು

ರಶ್ಮಿಕಾ ಅವರ 'ಚಮಕ್' ಮತ್ತು 'ಅಂಜನೀಪುತ್ರ' ಚಿತ್ರೀಕರಣ ಮುಗಿದಿದೆ. ಇದರ ಜೊತೆಗೆ ತೆಲುಗಿನ ಎರಡು ಸಿನಿಮಾಗಳಲ್ಲಿ ಅವರು ಸದ್ಯ ಬಿಜಿ ಇದ್ದಾರೆ.