'ಕನ್ನಡ ಇಂಡಸ್ಟ್ರಿಯ ತಾಕತ್ ಜಗತ್ತಿಗೆ ಗೊತ್ತಾಯ್ತು': ರಾಜಮೌಳಿಗೆ ಗುನ್ನ ಕೊಟ್ಟ ವರ್ಮಾ

'ಕನ್ನಡ ಇಂಡಸ್ಟ್ರಿಯ ತಾಕತ್ ಜಗತ್ತಿಗೆ ಗೊತ್ತಾಯ್ತು'

''ಎರಡು ವರ್ಷದ ಹಿಂದೆಯವರೆಗೂ ಬಾಲಿವುಡ್ ಮಾತ್ರವಲ್ಲ ದಕ್ಷಿಣ ಚಿತ್ರರಂಗವೂ, ಕನ್ನಡ ಇಂಡಸ್ಟ್ರಿಯನ್ನು ಗಂಭೀರವಾಗಿ ಪರಿಗಣಿಸಲೇ ಇಲ್ಲ. ಈಗ ಕನ್ನಡ ಇಂಡಸ್ಟ್ರಿಯನ್ನು ವಿಶ್ವದ ಭೂಪಟದಲ್ಲಿ ಗುರುತಿಸುವಂತೆ ಮಾಡಿದ ಯಶ್-ಪ್ರಶಾಂತ್ ನೀಲ್‌ಗೆ ಸಲ್ಯೂಟ್'' ಎಂದು ರಾಮ್ ಗೋಪಾಲ್ ವರ್ಮಾ ಟ್ವೀಟ್ ಮಾಡಿದ್ದಾರೆ.

ರಾಜಮೌಳಿಗೆ ಪಂಚ್ ಕೊಟ್ಟ ಆರ್‌ಜಿವಿ

''ಬಾಹುಬಲಿ 3 ಸಿನಿಮಾ ಟ್ರೈಲರ್ 11 ಕೋಟಿ ವೀಕ್ಷಣೆ ಮಾಡಲು ಮೂರು ವರ್ಷ ತೆಗೆದುಕೊಂಡಿದೆ. ಆರ್ ಆರ್ ಆರ್ ಸಿನಿಮಾ ಟೀಸರ್ 3.8 ಕೋಟಿ ವೀಕ್ಷಣೆ ಕಾಣಲು 3 ತಿಂಗಳು ಬೇಕಾಯಿತು. ಆದರೆ, ಕೆಜಿಎಫ್ ಚಾಪ್ಟರ್ 2 ಟೀಸರ್ ಕೇವಲ ಮೂರು ದಿನದಲ್ಲಿ 14 ಕೋಟಿ ವೀಕ್ಷಣೆ ಕಂಡಿದೆ'' ಎಂದು ನೇರವಾಗಿ ರಾಜಮೌಳಿಗೆ ಆರ್‌ಜಿವಿ ಟಾಂಗ್ ನೀಡಿದ್ದಾರೆ.

ಹೊಟ್ಟೆ ಉರಿಸಿದ ಯಶ್-ಪ್ರಶಾಂತ್

''ಎಲ್ಲಾ ಕನ್ನಡಿಗರ ಪರವಾಗಿ, ಬೇರೆ ಇಂಡಸ್ಟ್ರಿಗಳಿಗೆ ನಿರ್ದೇಶಕ ಪ್ರಶಾಂತ್ ನೀಲ್ ನೀಡಿದ ಪಂಚ್ ಇದಾಗಿದೆ. ಇದರಿಂದ ಬೇರೆ ಇಂಡಸ್ಟ್ರಿ ಮಂದಿಯ ಹೊಟ್ಟೆ ಉರಿಯುತ್ತಿದೆ'' ಎಂದು ರಾಮ್ ಗೋಪಾಲ್ ವರ್ಮಾ ಟೀಕಿಸಿದ್ದಾರೆ.

ನಮ್ಮ ಟಾರ್ಗೆಟ್ ಹಾಲಿವುಡ್ ಎಂದಿದ್ದ ಯಶ್

ಕೆಜಿಎಫ್ ಚಾಪ್ಟರ್ 1ರ ಬಿಡುಗಡೆ ವೇಳೆ ಕೈಗೊಂಡಿದ್ದ ಪ್ರಚಾರಗಳಲ್ಲಿ ಮಾತನಾಡಿದ್ದ ನಟ ಯಶ್, ''ನಮ್ಮ ಸಿನಿಮಾ ಹಿಂದಿ, ತೆಲುಗು ಹಾಗೂ ಭಾರತೀಯ ಸಿನಿಮಾಗಳ ಜೊತೆ ಫೈಟ್ ಮಾಡಲ್ಲ, ನಮ್ಮ ಗುರಿ ಹಾಲಿವುಡ್ ಚಿತ್ರಗಳನ್ನು ಮೀರಿಸಬೇಕು'' ಎಂದು ಹಲವು ಬಾರಿ ಹೇಳಿದ್ದರು. ಇಂದು ಭಾರತದ ಎಲ್ಲ ಸಿನಿಮಾಗಳ ದಾಖಲೆ ಹಿಂದಿಕ್ಕಿದಲ್ಲದೇ ಹಾಲಿವುಡ್ ರೆಕಾರ್ಡ್ ಸಹ ಬ್ರೇಕ್ ಮಾಡಿದೆ.

ಸಲಾರ್ ಆರಂಭ

ಕೆಜಿಎಫ್ ಚಾಪ್ಟರ್ 2 ಶೂಟಿಂಗ್ ಮುಗಿಸಿರುವ ಪ್ರಶಾಂತ್ ನೀಲ್, ತೆಲುಗು ನಟ ಪ್ರಭಾಸ್ ಜೊತೆ ಸಲಾರ್ ಸಿನಿಮಾ ಆರಂಭಿಸುತ್ತಿದ್ದಾರೆ. ಜನವರಿ 15 ರಂದು ಸಲಾರ್ ಚಿತ್ರದ ಮುಹೂರ್ತ ಹೈದರಾಬಾದ್‌ನಲ್ಲಿ ನಡೆಯುತ್ತಿದೆ. ಈ ಚಿತ್ರದ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಮೂಡಿದೆ. ಕೆಜಿಎಫ್ ದಾಖಲೆ ಸಹ ಈ ಸಿನಿಮಾ ಹಿಂದಿಕ್ಕಲಿದೆ ಎಂಬ ಅಭಿಪ್ರಾಯಗಳು ಕೇಳಿ ಬರುತ್ತಿದೆ.