ಮುಂದಿನ ಪಂದ್ಯದಲ್ಲಿ ಆರ್.ಸಿ.ಬಿ ಗೆಲ್ಲೊ ಲಕ್ಷಣಗಳಿವೆ: ಸುನಿ ಭವಿಷ್ಯ

Recommended Video

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸೋಲಿನ ಆಟ ಮುಂದುವರಿದಿದೆ. ಈ ಆವೃತ್ತಿಯಲ್ಲಿ ಮೊದಲ ನಾಲ್ಕು ಪಂದ್ಯವನ್ನ ಕೈಚೆಲ್ಲಿರುವ ಆರ್.ಸಿ.ಬಿ ತಂಡ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ.

ಚೆನ್ನೈ, ಮುಂಬೈ, ಹೈದ್ರಾಬಾದ್, ರಾಜಸ್ತಾನ ತಂಡಗಳ ವಿರುದ್ಧ ಸೋತಿರುವ ಆರ್.ಸಿ.ಬಿ ತಂಡ ಬಗ್ಗೆ ಅಭಿಮಾನಿಗಳು ಕೂಡ ನಂಬಿಕೆ ಕಳೆದುಕೊಂಡಿದ್ದಾರೆ. ಪಂದ್ಯ ಆರಂಭಕ್ಕೂ ಮುನ್ನ ಈ ಸಲ ಕಪ್ ನಮ್ದೆ ನಮ್ದೆ ಎನ್ನುತ್ತಿದ್ದ ಬೆಂಗಳೂರಿಯನ್ಸ್ ಈಗ ಈ ಸಲನೂ ಕಪ್ ನಮ್ದಲ್ಲ ಎನ್ನುವಂತಾಗಿದೆ.

ಇಂತಹ ಆರ್.ಸಿ.ಬಿ ತಂಡದ ಅಪ್ಪಟ ಅಭಿಮಾನಿಯಲ್ಲೊಬ್ಬರು ನಿರ್ದೇಶಕ ಸಿಂಪಲ್ ಸುನಿ. ಆರ್.ಸಿ.ಬಿ ಎಷ್ಟೇ ಪಂದ್ಯ ಸೋತರು, ನಮ್ಮ ಒಲವು ನಮ್ಮ ತಂಡಕ್ಕೆ ಮಾತ್ರ' ಎಂಬ ವಿಶ್ವಾಸದಲ್ಲಿರುವ ಸುನಿ, 'ಮುಂದಿನ ಪಂದ್ಯದಲ್ಲಿ ಆರ್.ಸಿ.ಬಿ ಗೆಲ್ಲೊ ಲಕ್ಷಣಗಳಿವೆ' ಎಂದು ಭವಿಷ್ಯ ನುಡಿದಿದ್ದಾರೆ.

ಸುನಿ ಅವರ ಈ ಮಾತಿಗೆ ರಾಯಲ್ ಚಾಲೆಂಜರ್ಸ್ ಅಭಿಮಾನಿಗಳು ಫುಲ್ ಖುಷಿಯಾಗಿದ್ದು, ಈ ಮಾತು ನಿಜ ಆಗ್ಲಿ ಎಂದು ಆಶಯ ವ್ಯಕ್ತಪಡಿಸುತ್ತಿದ್ದಾರೆ. ಸತತ 4 ಪಂದ್ಯ ಸೋತು ನಿರಾಸೆಯಲ್ಲಿರುವ ಆರ್.ಸಿ.ಬಿ ಮುಂದಿನ ಇಂದಿನಿಂದ ಗೆಲುವಿನ ದಾರಿಗೆ ಮರುಳಲಿದೆ ಎಂಬ ನಿರೀಕ್ಷೆ ಹೆಚ್ಚಾಗಿದೆ.

ನಾಳೆ ರಾತ್ರಿ 8 ಗಂಟೆಗೆ ಕೆಕೆಆರ್ ವಿರುದ್ಧ ಆರ್.ಸಿ.ಬಿ ಐದನೇ ಪಂದ್ಯವಾಡಲಿದೆ. ಸುನಿ ಅವರು ಮಾತು ನಿಜಾ ಆಗುತ್ತಾ ಅಥವಾ ಮತ್ತೆ ಅದೇ ಸೋಲಿನಿಂದ ಅಭಿಮಾನಿಗಳನ್ನ ನಿರಾಸೆ ಮಾಡುತ್ತಾ ಕಾದು ನೋಡೋಣ.