'ಯಜಮಾನ'ನ ಜೊತೆಗೆ ಗೂಳಿಗಳು ಇರೋದಕ್ಕೆ ಒಂದು ಕಾರಣ ಇದೆ!

ದರ್ಶನ್ ಪಾತ್ರ ಗೂಳಿಯ ಹಾಗಿದೆ

'ಯಜಮಾನ' ಸಿನಿಮಾದ ಪೋಸ್ಟರ್ ಗಳಲ್ಲಿ ದರ್ಶನ್ ಅವರ ಜೊತೆಗೆ ಗೂಳಿಗಳು ಸಂಕೇತಿಕವಾಗಿವೆಯಂತೆ. ಚಿತ್ರದಲ್ಲಿ ದರ್ಶನ್ ಪಾತ್ರ ಗೂಳಿಗಳ ರೀತಿ ಇದೆ ಎನ್ನುವುದನ್ನು ಈ ರೀತಿಯಲ್ಲಿ ಪ್ರೇಕ್ಷಕರಿಗೆ ತಲುಪಿಸುತ್ತಿದೆ ಚಿತ್ರತಂಡ. ಅದೇ ಕಾರಣಕ್ಕೆ ಪೋಸ್ಟರ್, ಹಾಡಿನ ಪ್ರೊಮೋ ಗಳಲ್ಲಿ ಗೂಳಿಯನ್ನು ಬಳಸಿಕೊಳ್ಳಲಾಗಿದೆಯಂತೆ.

'ಯಜಮಾನ' ಧರ್ಮದ ಪರ

ದರ್ಶನ್ ಪಾತ್ರ ಚಿತ್ರದಲ್ಲಿ ಧರ್ಮದ ಪರ ನಿಲ್ಲುತ್ತದೆಯಂತೆ. ಗೂಳಿಯ ರೀತಿ ಆ ಪಾತ್ರ ಸ್ಟ್ರಾಂಗ್ ಆಗಿದ್ದು, ಅನ್ಯಾಯ ಮತ್ತು ತಪ್ಪುಗಳ ನಡೆದರೆ, ಗೂಳಿಯಂತೆ ನುಗ್ಗಿ ಅದರ ವಿರುದ್ಧ ಹೋರಾಡುವ ಸ್ವಭಾವ ಆ ಪಾತ್ರದಾಗಿದೆಯಂತೆ. ಆದ್ದರಿಂದ ಸಿನಿಮಾದ ಕೆಲವು ದೃಶ್ಯಗಳಲ್ಲಿಯೂ ಗೂಳಿ ಇರುತ್ತದೆ.

2 ಮಿಲಿಯನ್, ಟ್ರೆಂಡಿಂಗ್ 1

'ಯಜಮಾನ' ಸಿನಿಮಾದ ಹಾಡು ಸದ್ಯ ಯೂಟ್ಯೂಬ್ ನಲ್ಲಿ 2 ಮಿಲಿಯನ್ ಹಿಟ್ಸ್ ಪಡೆದುಕೊಂಡು ಮುನ್ನುಗುತ್ತಿದೆ. ನಿನ್ನೆಯಿಂದ ಈ ಹಾಡು ಟ್ರೆಂಡಿಂಗ್ 1 ನಲ್ಲಿದೆ. 1 ಲಕ್ಷ 94 ಸಾವಿರ ಜನರು ಹಾಡು ಇಷ್ಟ ಪಟ್ಟು ಲೈಕ್ ಮಾಡಿದ್ದಾರೆ. ಈ ಹಾಡನ್ನು ಚೇತನ್ ಕುಮಾರ್ ಬರೆದಿದ್ದು, ಹರಿಕೃಷ್ಣ ಸಂಗೀತ ನೀಡಿದ್ದಾರೆ.

'ಯಜಮಾನ'ನ ಕುಟುಂಬ

'ಯಜಮಾನ' ದರ್ಶನ್ ಅಭಿನಯದ ಈ ವರ್ಷದ ಬಹು ನಿರೀಕ್ಷಿತ ಸಿನಿಮಾವಾಗಿದೆ. ರಶ್ಮಿಕಾ ಮಂದಣ್ಣ ಹಾಗೂ ತಾನ್ಯ ಚಿತ್ರದ ನಾಯಕಿಯರಾಗಿದ್ದಾರೆ. ಶೈಲಾಜ ನಾಗ್ ನಿರ್ಮಾಣ ಮಾಡಿದ್ದಾರೆ. ಪಿ ಕುಮಾರ್ ಹಾಗೂ ವಿ ಹರಿಕೃಷ್ಣ ಚಿತ್ರದ ನಿರ್ದೇಶನದ ಜವಾಬ್ದಾರಿ ತೆಗೆದುಕೊಂಡಿದ್ದಾರೆ.