ರಿಷಬ್ ಶೆಟ್ಟಿ ಸಿನಿಮಾರಂಗಕ್ಕೆ ಬರಲು ಈ ಹಿರಿಯ ನಟ ಸ್ಪೂರ್ತಿ

ಚಿತ್ರರಂಗಕ್ಕೆ ಬರಲು ಮೂಲ ಪ್ರೇರಣೆಗಳಲ್ಲಿ ನೀವೂ ಒಬ್ಬರು: ರಿಷಬ್

'ಪ್ರೀತಿಯ ಜಗ್ಗಣ್ಣ, ನಾನು ಚಿತ್ರರಂಗಕ್ಕೆ ಬರಲು ಮೂಲ ಪ್ರೇರಣೆಗಳಲ್ಲಿ ನೀವೂ ಒಬ್ಬರು. 40 ವರ್ಷಗಳಿಂದ ನವರಸಗಳನ್ನುಣಿಸುತ್ತಾ ಬಂದಿದ್ದೀರಿ ಆದರೇ ನಮ್ಮ ಹಸಿವು ಇನ್ನೂ ನೀಗಿಲ್ಲ, ನಮ್ಮನ್ನು ಹೀಗೆಯೇ ಮನರಂಜಿಸುತ್ತಾ ಇರಿ' ಎಂದಿದ್ದಾರೆ ನಟ ರಿಷಬ್ ಶೆಟ್ಟಿ.

ರಿಷಬ್ ಶೆಟ್ಟಿ ಟ್ವೀಟ್‌ಗೆ ಜಗ್ಗೇಶ್ ಪ್ರತಿಕ್ರಿಯೆ

ರಿಷಬ್‌ ಶೆಟ್ಟಿ ಟ್ವೀಟ್‌ಗೆ ಪ್ರತಿಕ್ರಿಯಿಸಿರುವ ನಟ ಜಗ್ಗೇಶ್, 'ಶ್ರದ್ಧಾವಾನ್ ಲಭತೆ ಜ್ಞಾನಂ. ನಿಮ್ಮ ಶ್ರದ್ಧೆ ನಿಮ್ಮ ಕೈ ಹಿಡಿದಿದೆ, ನಿಮ್ಮ ಯಶಸ್ಸಿನ ಕಾಡ್ಗಿಚ್ಚಿಗೆ ನಾನು ಕಿಡಿಯಾಗಿದ್ದರೆ ನನಗೆ ಅದೆ ವಿಶ್ವಮಟ್ಟದ ಪಾರಿತೋಷಕ. ಧನ್ಯವಾದ ಸಹೋದರ' ಎಂದು ಪ್ರತಿಟ್ವೀಟ್ ಮಾಡಿದ್ದಾರೆ.

ನೀರಿನ ಕ್ಯಾನ್ ಬ್ಯುಸಿನೆಸ್ ಮಾಡುತ್ತಿದ್ದ ರಿಷಬ್ ಶೆಟ್ಟಿ

ರಿಷಬ್ ಶೆಟ್ಟಿ ಚಿತ್ರರಂಗಕ್ಕೆ ಬರುವ ಮುಂಚೆ ನೀರಿನ ಬ್ಯುಸಿನೆಸ್ ಮಾಡುತ್ತಿದ್ದರಂತೆ. ಮನೆಗಳಿಗೆ ತೆರಳಿ ವಾಟರ್ ಕ್ಯಾನ್ ಹಾಕುವ ಕೆಲಸ ಮಾಡುತ್ತಿದ್ದರಂತೆ. ನಂತರ ದುಬೈ ನಲ್ಲಿ ಕೆಲ ಕಾಲ ಕೆಲಸ ಮಾಡಿದ್ದಾರೆ. ನಂತರ ಸಿನಿಮಾ ರಂಗಕ್ಕೆ ಕಾಲಿಟ್ಟಿದ್ದಾರೆ.

Recommended Video

ಯಾವ ಭಾಷೆಯಲ್ಲೂ ಇಂತಹ ಧೈರ್ಯ ಯಾರು ಮಾಡಿಲ್ಲ | Pramod Shetty | Filmibeat kannada

ಹಲವು ಸಿನಿಮಾಗಳಲ್ಲಿ ರಿಷಬ್ ಬ್ಯುಸಿ

ರಿಷಬ್ ಶೆಟ್ಟಿ ಪ್ರಸ್ತುತ 'ಹರಿಕತೆ ಅಲ್ಲ ಗಿರಿ ಕತೆ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಲಾಕ್‌ಡೌನ್ ಸಮಯದಲ್ಲಿ ನಟಿಸಿರುವ ಹೀರೋ ಸಿನಿಮಾ ಬಿಡುಗಡೆ ಆಗಬೇಕಿದೆ. 'ಗರುಡಗಮನ ವೃಷಭವಾಹನ ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಬೆಲ್‌ಬಾಟಂ 2 ಸಿನಿಮಾ ಆರಂಭವಾಗಲಿದೆ. ಈ ನಡುವೆ ರುದ್ರಪ್ರಯಾಗ ಹಾಗೂ ಕಿರಿಕ್ ಪಾರ್ಟಿ 2 ಸಿನಿಮಾ ನಿರ್ದೇಶಿಸಲಿದ್ದಾರೆ ರಿಷಬ್.