ಮತ್ತೆ ಕನ್ನಡದಲ್ಲಿ 'ವಿಷ್ಣುವರ್ಧನ' ಟೈಟಲ್ ಗಲಾಟೆ ಶುರುವಾಗುತ್ತಾ.?

'S/O ವಿಷ್ಣುವರ್ಧನ'

ಸದ್ಯ ಕನ್ನಡದಲ್ಲಿ 'S/O ವಿಷ್ಣುವರ್ಧನ' ಎಂಬ ಸಿನಿಮಾ ಬರುತ್ತಿದ್ದು, ಚಿತ್ರದ ಟೈಟಲ್ ಬಗ್ಗೆ ಗೊಂದಲ ಉಂಟಾಗಿದೆ. ಹೋಯ್ಸಳ ಮೂರ್ತಿ ಈ ಚಿತ್ರದ ನಾಯಕ ಮತ್ತು ನಿರ್ದೇಶಕರಾಗಿದ್ದಾರೆ.

ಟೈಟಲ್ ಸಿಕ್ಕಿದೆ

''S/O ವಿಷ್ಣುವರ್ಧನ' ಎಂಬ ಟೈಟಲ್ ಈಗಾಗಲೇ ಫಿಲ್ಮ್ ಛೆಂಬರ್ ನಲ್ಲಿ ನಾವು ನೋಂದಣಿ ಮಾಡಿದ್ದೇವೆ'' ಎಂದು ಚಿತ್ರದ ನಾಯಕ ಕಂ ನಿರ್ದೇಶಕ ಹೊಯ್ಸಳ ಮೂರ್ತಿ ಹೇಳುತ್ತಾರೆ.

ಉಮೇಶ್ ಬಣಕಾರ್ ಸ್ಪಷ್ಟನೆ

ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯ ಉಪಾದ್ಯಕ್ಷ ಉಮೇಶ್ ಬಣಕಾರ್ ''S/O ವಿಷ್ಣುವರ್ಧನ' ಹೆಸರಿನಲ್ಲಿ ಯಾವುದೇ ಟೈಟಲ್ ರಿಜಿಸ್ಟರ್ ಆಗಿಲ್ಲ'' ಅಂತ 'ಫಿಲ್ಮಿಬೀಟ್ ಕನ್ನಡ'ಕ್ಕೆ ತಿಳಿಸಿದ್ದಾರೆ.

ಗೊಂದಲ ಹುಟ್ಟಿಸಿದೆ

ಚಿತ್ರದ ನಟ, ನಿರ್ದೇಶಕ ಹೊಯ್ಸಳ ಮೂರ್ತಿ ಟೈಟಲ್ ಸಿಕ್ಕಿದೆ ಅಂತ ಹೇಳಿದ್ರೆ, ಫಿಲ್ಮ್ ಛೆಂಬರ್ ಉಪಾದ್ಯಕ್ಷರು ಟೈಟಲ್ ನೊಂದಣಿ ಆಗಿಲ್ಲ ಅಂತ ಹೇಳುತ್ತಾರೆ. ಈ ಎರಡು ಹೇಳಿಕೆಗಳು ಸದ್ಯ ದೊಡ್ಡ ಗೊಂದಲವನ್ನು ಹುಟ್ಟಿಸಿದೆ.

ರಿಯಲ್ ಸ್ಟೋರಿ

ಹೊಯ್ಸಳ ಮೂರ್ತಿ ಹೇಳುವ ಪ್ರಕಾರ ಇದು ರಿಯಲ್ ಸ್ಟೋರಿಯ ಸಿನಿಮಾ. 1981 ರಲ್ಲಿ ನಡೆದ ಈ ಘಟನೆ ಅಂಡರ್ ವರ್ಲ್ಡ್ ಕಥೆ ಹೊಂದಿದೆಯಂತೆ.

ವಿವಾದ ಹುಟ್ಟಿಸುತ್ತಾ..?

ಸಿನಿಮಾದ ಕಥೆ ಒಬ್ಬ ವಿಷ್ಣುವರ್ಧನ್ ಅಭಿಮಾನಿ ಮತ್ತು ಡಾನ್ ಜಯರಾಜ್ ನಡುವೆ ನಡೆಯುವ ಕಥೆಯಂತೆ. ಈ ರೀತಿಯ ಕಥೆಗೆ 'S/O ವಿಷ್ಣುವರ್ಧನ' ಎಂಬ ಹೆಸರು ಇಟ್ಟಿರುವುದು ಮುಂದೆ ವಿವಾದ ಸೃಷ್ಟಿ ಮಾಡುತ್ತದೆಯಾ ಎಂಬ ಅನುಮಾನ ಮೂಡಿಸಿದೆ.