ಸಂಯುಕ್ತ ಹೆಗ್ಡೆ ಕನ್ನಡದ ನೀಲಿ ತಾರೆ, ಗಂಡುಬೀರಿ ಎಂದ ಯುವ ನಿರ್ದೇಶಕ.!

ಯಾರೀ ಕೀರ್ತನ್ ಶೆಟ್ಟಿ.?

'ಮೀಟೂ ವಿತ್ ಫೈಟೂ' ಎಂಬ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲು ಮುಂದಾಗಿರುವವರು ಕೀರ್ತನ್ ಶೆಟ್ಟಿ. 'ಮೀಟೂ ವಿತ್ ಫೈಟೂ' ಚಿತ್ರದಲ್ಲಿ ಟಾಲಿವುಡ್ ನ ಶ್ರೀರೆಡ್ಡಿ ಅಭಿನಯಿಸಲು ಒಪ್ಪಿಕೊಂಡಿದ್ದಾರಂತೆ. ಅಲ್ಲದೇ, ಇದೇ ಸಿನಿಮಾದಲ್ಲಿ ಸಂಯುಕ್ತ ಹೆಗ್ಡೆ ತರಹದ ಒಂದು ಪಾತ್ರ ಕೂಡ ಇದ್ಯಂತೆ. ಇದನ್ನ ಬಹಿರಂಗ ಪಡಿಸುವ ಸಲುವಾಗಿ ಫೇಸ್ ಬುಕ್ ನಲ್ಲಿ ಕೀರ್ತನ್ ಶೆಟ್ಟಿ ಒಂದು ಪೋಸ್ಟ್ ಹಾಕಿದ್ದರು. ಅದರಲ್ಲಿ ಸಂಯುಕ್ತ ಹೆಗ್ಡೆ ಬಗ್ಗೆ ಕೀರ್ತನ್ ಶೆಟ್ಟಿ ಗಂಭೀರ ಆರೋಪ ಮಾಡಿದ್ದಾರೆ.

ಫೇಸ್ ಬುಕ್ ಪೋಸ್ಟ್ ನಲ್ಲಿ ಏನಿದೆ.?

''ಶ್ರೀರೆಡ್ಡಿಯದ್ದು ಯಾವ ಪಾತ್ರ ಯಾರ ಪಾತ್ರ ಅಂತ ನಾನು ಖಂಡಿತ ಹೇಳಲ್ಲ. ನನ್ನ ಚಿತ್ರದಲ್ಲಿ ಕಿರಿಕ್ ಹುಡ್ಗಿ ಬಜಾರಿ ಅಂತ ಹೆಸರುವಾಸಿಯಾದ ಗಂಡುಬೀರಿ ಸಂಯುಕ್ತ ಹೆಗ್ಡೆ ತರಹದ ಒಂದು ಪಾತ್ರ ಇದೆ. ಆ ಪಾತ್ರವನ್ನು ಇವಾಗ 'ಬಿಗ್ ಬಾಸ್' ಮನೆಯಲ್ಲಿರುವ ಸೋನು ಪಾಟೀಲ್ ಅವರು ಹೊರಗಡೆ ಬಂದಾಗ ಅವರತ್ರ ಮಾತಾಡಿ, ಅವರತ್ರ ಮಾಡಿಸುವ ಪ್ಲಾನ್ ನಮ್ಮದು. ಸೋನು ಪಾಟೀಲ್ ನನಗೆ ವೈಯುಕ್ತಿಕವಾಗಿ ಗೊತ್ತಿರುವ ಹುಡುಗಿ'' ಎಂದು ಫೇಸ್ ಬುಕ್ ಪೋಸ್ಟ್ ನಲ್ಲಿ ಕೀರ್ತನ್ ಶೆಟ್ಟಿ ಬರೆದುಕೊಂಡಿದ್ದಾರೆ.

ಸಂಯುಕ್ತ ಹೆಗ್ಡೆ ಬಗ್ಗೆ ಆರೋಪ.!

ಇದೇ ಪೋಸ್ಟ್ ನಲ್ಲಿ ''ಸಂಯುಕ್ತ ಹೆಗ್ಡೆ ಒಬ್ಬಳು ಕೆಟ್ಟ ಹುಡುಗಿ. ಅವಳಿಗೆ ಎಣ್ಣೆ, ಗಾಂಜಾ, ಸಿಗರೇಟ್ ಎಲ್ಲಾ ಕೆಟ್ಟ ಚಟ ಇರುವ ಹುಡುಗಿ. ಅಂಥವರಿಂದ ನಮ್ಮ ಚಿತ್ರರಂಗ ಹಾಳಾಗುತ್ತಿದೆ. ದಯಮಾಡಿ ನನ್ನ ಚಿತ್ರದಲ್ಲಿ ಯಾವುದೇ ಕೆಟ್ಟ ಸಂದೇಶ ಇಲ್ಲ. ಚಿತ್ರರಂಗವನ್ನು ಉಳಿಸುವ ಪ್ರಯತ್ನ ಮತ್ತು ನಿಜವಾದ ಕಥೆಯಾಧಾರಿತ ಸಿನಿಮಾ. ಸಂಯುಕ್ತ ಹೆಗ್ಡೆ ಕನ್ನಡದ ನೀಲಿ ತಾರೆ. ಹಿಂದಿಯಲ್ಲಿ ಸನ್ನಿ ಲಿಯೋನ್ ಹೆಂಗೋ, ಕರ್ನಾಟಕದಲ್ಲಿ ಸಂಯುಕ್ತ ಹೆಗ್ಡೆ ಹಂಗೆ. ಗಂಡುಬೀರಿ ಸಂಯುಕ್ತ'' ಎಂದು ಕೀರ್ತನ್ ಶೆಟ್ಟಿ ಫೇಸ್ ಬುಕ್ ನಲ್ಲಿ ಹಾಕಿದ್ದರು.

ಪೋಸ್ಟ್ ಡಿಲೀಟ್.!

ಇದೇ ಪೋಸ್ಟ್ ಬಗ್ಗೆ ಮಾಧ್ಯಮಗಳಲ್ಲಿ ಸುದ್ದಿ ಆಗುತ್ತಿದ್ದರಂತೆ, ಅದನ್ನ ಕೀರ್ತನ್ ಶೆಟ್ಟಿ ಡಿಲೀಟ್ ಮಾಡಿದ್ದಾರೆ. ಸಂಯುಕ್ತ ಹೆಗ್ಡೆ ಬಗ್ಗೆ ಕೀರ್ತನ್ ಶೆಟ್ಟಿ ಹೀಗೆಲ್ಲಾ ಯಾಕೆ ಬರೆದುಕೊಂಡಿದ್ದಾರೆ ಎಂಬುದರ ಬಗ್ಗೆ ಸ್ಪಷ್ಟನೆ ಸಿಕ್ಕಿಲ್ಲ.