ಈ ತಾರೆಗಳು ನಾಪತ್ತೆ; ದೂರು ಕೊಡೋರೇ ಇಲ್ಲ!

ಗಾಂವ್ ನಲ್ಲೂ ಇಲ್ಲ ಸಿಟಿಯಲ್ಲೂ ಇಲ್ಲ ಮೇಘನಾ

ಕೇವಲ ಸಿನಿಮಾ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ತಾರೆ ಮೇಘನಾ ಗಾಂವ್ಕರ್. ಆದರೆ ಸಿನಿಮಾದಲ್ಲಿ ಕಾಣಿಸಿಕೊಳ್ತಿಲ್ಲ. ಚಾರ್ಮಿನಾರ್ ಸಿನಿಮಾ ಬಂದು ಫೆಬ್ರವರಿ ಏಳಕ್ಕೆ ಒಂದು ವರ್ಷವಾಗ್ತಿದೆ. ಸಿನಿಮಾ ಗೆದ್ರೂ ಮೇಘನಾ ಯಾಸಿನಿಮಾದಲ್ಲೂಕಾಣಿಸಿಕೊಂಡಿಲ್ಲ. ಎಲ್ಲಿ ಹೋದರು ಮೇಘನಾ?

ನಿಖೇಶಾ ಪಟೇಲ್ ಎಲ್ಲಾದ್ರೂ ನೋಡಿದ್ರಾ?

ಒಂದೆರೆಡು ಸಿನಿಮಾದಲ್ಲಿ ಕಾಣಿಸಿಕೊಂಡ ಮಿಲ್ಕಿ ಬ್ಯೂಟಿ ನಿಖೇಶಾ ಪಟೇಲ್ ಪತ್ತೇನೇ ಇಲ್ಲ. ಹಾಗೆ ನೋಡಿದ್ರೆ ಕಿಚ್ಚ ಸುದೀಪ್, ಚಿರಂಜೀವಿ ಸರ್ಜಾ ಅಭಿನಯದ ಸಿನಿಮಾ 'ವರದನಾಯಕ' ಗುರುತಿಸಿಕೊಂಡಿದ್ದ ಸಿನಿಮಾ ಆದರೆ ನಿಖೇಶಾ ಸಿನಿಮಾ ಮುಗಿದ ನಂತರ ಮತ್ಯಾವ ಸಿನಿಮಾದಲ್ಲೂ ಕಾಣಿಸ್ತಿಲ್ಲ.

ಬಿರುಗಾಳಿಯಲ್ಲಿ ಕಳೆದು ಹೋಯ್ತಾ ಮೈನಾದ ಚೇತನ

ಮೈನಾದಲ್ಲಿ ಗೆಲುವಿನ ಬಿರುಗಾಳಿ ಎಬ್ಬಿಸದ ಚಿಕಾಗೋ ಸ್ಟಾರ್ ಚೇತನ್ ಈಗೆಲ್ಲಿ? ಚೇತನ್ ಮೈನಾ ಸಿನಿಮಾ ಗೆದ್ದ ನಂತರ ಮತ್ಯಾವ ಸಿನಿಮಾಗೂ ಓಕೆ ಮಾಡಿಲ್ಲ. ಗಾಂಧಿನಗರದಲ್ಲೂ ಕಾಣಿಸ್ತಿಲ್ಲ. ಚಿಕಾಗೋಗೇ ವಾಪಾಸ್ ಹೋದ್ರಾ ಗೊತ್ತಿಲ್ಲ.

ಕನ್ನಡದ ನಿಧಿ ಕಳೆದು ಹೋಗಿದೆ ಹುಡುಕಿ ಕೊಡಿ

ನಿಧಿ ಸುಬ್ಬಯ್ಯ ಅನ್ನೋ ಕೊಡಗಿನ ಬೆಡಗಿ ಸಿಸಿಎಲ್ ಫೋಟೋ ಶೂಟ್ ನಲ್ಲಿ ಹಾಟ್ ಆಗಿದ್ದೇ ತಡ ಬಾಲಿವುಡ್ ಗೂ ಲಗ್ಗೆ ಇಟ್ರು. ಜಾಕಿ ಭಗ್ನಾನಿ ಜೊತೆ ಕಲರ್ ಫುಲ್ ಸಿನಿಮಾ ಮಾಡಿದ ಪಂಚರಂಗಿ ಆಮೇಲೆ ಪತ್ತೇನೇ ಇಲ್ಲ.

ಬಚ್ಚನ್ ಭಾವನಾ ಬಚ್ಚಿಟ್ಟುಕೊಂಡಿದ್ದೆಲ್ಲಿ?

2010ರಿಂದ 2013ರ ವರೆಗೂ ಕನ್ನಡದಲ್ಲಿ ವರ್ಷಕ್ಕೆ ಎರಡು ಮೂರು ಸಿನಿಮಾ ಮಾಡಿದ ಭಾವನಾ ಈಗೆಲ್ಲಿದ್ದಾರೆ. ಭಾವನಾ ಕನ್ನಡದ ಮಟ್ಟಿಗೆ ಫ್ಲಾಪ್ ನಟಿಯೇನಲ್ಲ. ಆದರೂ ಗಾಂಧಿನಗರದಲ್ಲೆಲ್ಲೂ ಈ ಹೆಸರಿಲ್ಲ.