ಕರ್ನಾಟಕದ ಗಲ್ಲಾಪೆಟ್ಟಿಗೆ ಶೇಕ್ ಮಾಡಿದ 'ಸರ್ಕಾರ್', ಎರಡೇ ದಿನಕ್ಕೆ ದಾಖಲೆ.!

ಕರ್ನಾಟಕದಲ್ಲಿ ಮೊದಲ ದಿನ ಸರ್ಕಾರ್.?

ಕನ್ನಡ ಚಿತ್ರಗಳಿಗೆ ಸರಿಸಮನಾಗಿ ವಿಜಯ್ ಅಭಿನಯದ 'ಸರ್ಕಾರ್' ಸಿನಿಮಾ ಕರ್ನಾಟಕದಲ್ಲಿ ತೆರೆಕಂಡಿದೆ. ಮೊದಲ ದಿನ ಸುಮಾರು 630+ ಶೋಗಳನ್ನು ಚಿತ್ರಕ್ಕೆ ನೀಡಲಾಗಿದೆ. ಬೆಂಗಳೂರಿನ ಸುಮಾರು 80ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಸರ್ಕಾರ್ ಬಿಡುಗಡೆಯಾಗಿದೆ. ಇದರ ಪರಿಣಾಮ ಮೊದಲ ದಿನ ಕರ್ನಾಟಕದಲ್ಲಿ 6.15 ಕೋಟಿ ಗಳಿಕೆ ಕಂಡಿದೆ.

ಎರಡನೇ ದಿನಕ್ಕೆ ದಾಖಲೆ.!

ಮೊದಲ ದಿನವೇ 6 ಕೋಟಿಗೂ ಹೆಚ್ಚು ಗಳಿಕೆ ಕಂಡ ಸರ್ಕಾರ್, ಎರಡನೇ ದಿನವೂ ತನ್ನ ಆರ್ಭಟ ನಿಲ್ಲಿಸಲಿಲ್ಲ. ತಮಿಳಿನ ಖ್ಯಾತ ಚಿತ್ರ ವಿಶ್ಲೇಷಕ ರಮೇಶ್ ಬಾಲಾ ಅವರು ಹೇಳಿರುವ ಪ್ರಕಾರ, ಕರ್ನಾಟಕದಲ್ಲಿ ಎರಡನೇ ದಿನ ಸರ್ಕಾರ್ ಸಿನಿಮಾ 3 ಕೋಟಿ ಗಳಿಸಿದೆಯಂತೆ. ಅಲ್ಲಿಗೆ ಕೇವಲ ಎರಡು ದಿನಕ್ಕೆ ಕರ್ನಾಟಕದಲ್ಲಿ ಸರ್ಕಾರ್ ಕಲೆಕ್ಷನ್ 9.15 ಕೋಟಿ.

100 ಕೋಟಿ ದಾಟಿದೆ ಸರ್ಕಾರ್ ಗಳಿಕೆ

ಸರ್ಕಾರ್ ಚಿತ್ರಕ್ಕೆ ತಮಿಳುನಾಡಿನಲ್ಲಿ ವಿರೋಧ ವ್ಯಕ್ತವಾಗಿದೆ. ಎಐಡಿಎಂಕೆ ಪಕ್ಷದಿಂದ ವಿರೋಧ ಎದುರಿಸುತ್ತಿದೆ. ಇದರ ಪರಿಣಾಮ ಚಿತ್ರದ ಕೆಲವು ದೃಶ್ಯಗಳಿಗೆ ಕತ್ತರಿ ಬೀಳಲಿದೆ ಮತ್ತು ಹಲವು ಕಡೆ ಥಿಯೇಟರ್ ನಲ್ಲಿ ಗಲಾಟೆ ಆಗಿದೆ ಎಂದು ವರದಿಯಾಗಿದೆ. ಹೀಗಿದ್ದರೂ, ಎರಡೇ ದಿನದಲ್ಲಿ ಸರ್ಕಾರ್ ಕಲೆಕ್ಷನ್ 100 ಕೋಟಿ ದಾಟಿದೆ ಎನ್ನಲಾಗಿದೆ.

ತಮಿಳಿನ 'ಸರ್ಕಾರ್‌' ಚಿತ್ರದ ವಿರುದ್ಧ 'ಅಮ್ಮಾ' ಅಭಿಮಾನಿಗಳ ಪ್ರತಿಭಟನೆ

ಕನ್ನಡ ಸಿನಿಮಾಗಳಿಗೆ ಅನ್ಯಾಯ.?

ಹೀಗೆ, ಪರಭಾಷೆ ಚಿತ್ರಗಳಿಗೆ ಹೆಚ್ಚು ಸ್ಕ್ರೀನ್ ಬಿಟ್ಟುಕೊಟ್ರೆ, ಕನ್ನಡ ಸಿನಿಮಾಗಳಿಗೆ ಚಿತ್ರಮಂದಿರ ಎಲ್ಲಿ ಸಿಗುತ್ತೆ.? ಎಲ್ಲರೂ ಅಂದುಕೊಂಡಂತೆ ಕರ್ನಾಟಕದಲ್ಲಿ ಮಾರುಕಟ್ಟೆ ಚಿಕ್ಕದಾಗಿಲ್ಲ, ಅದನ್ನ ಪರಭಾಷೆ ಸಿನಿಮಾಗಳು ಸದುಪಯೋಗಪಡಿಸಿಕೊಳ್ಳುತ್ತಿದೆ ಅಷ್ಟೇ. ಕನ್ನಡ ವಿತರಕರು, ತಮಿಳು ಹಾಗೂ ತೆಲುಗಿನ ದೊಡ್ಡ ಚಿತ್ರಗಳನ್ನ ಇಲ್ಲಿ ದೊಡ್ಟ ಮಟ್ಟದಲ್ಲಿ ಬಿಡುಗಡೆ ಮಾಡಿ ಕನ್ನಡ ಸಿನಿಮಾಗಳಿಗೆ ಶತ್ರುಗಳಾಗಿ ಬದಲಾಗ್ತಿದ್ದಾರೆ ಅಂದ್ರೆ ತಪ್ಪಾಗಲಾರದು.