ಕನ್ನಡ ಆಯ್ತು ಈಗ ತೆಲುಗಿನಲ್ಲಿ '96' ರೀಮೇಕ್

ತಮಿಳಿನ ಸೂಪರ್ ಹಿಟ್ ಸಿನಿಮಾ 96 ಕನ್ನಡದಲ್ಲಿ 99 ಹೆಸರಿನಲ್ಲಿ ರೀಮೇಕ್ ಆಗ್ತಿದೆ. ತಮಿಳಿನಲ್ಲಿ ವಿಜಯ್ ಸೇತುಪತಿ ಮಾಡಿದ್ದ ಪಾತ್ರದಲ್ಲಿ ಇಲ್ಲಿ ಗಣೇಶ್ ಅಭಿನಯಿಸುತ್ತಿದ್ದಾರೆ. ತ್ರಿಷಾ ಕಾಣಿಸಿಕೊಂಡಿದ್ದ ಪಾತ್ರದಲ್ಲಿ ಭಾವನಾ ನಟಿಸುತ್ತಿದ್ದಾರೆ.

ಈಗಾಗಲೇ 99 ಸಿನಿಮಾ ಚಿತ್ರೀಕರಣ ಬಹುತೇಕ ಮುಗಿದಿದೆ. ಕನ್ನಡದಲ್ಲಿ ಪ್ರೀತಂ ಗುಬ್ಬಿ 99 ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದು, ರಾಮು ನಿರ್ಮಿಸಿದ್ದಾರೆ.

ಇದೀಗ, 96 ಚಿತ್ರ ತೆಲುಗಿನಲ್ಲೂ ರೀಮೇಕ್ ಆಗ್ತಿದೆ. ತೆಲುಗಿನಲ್ಲಿ ಶಾರ್ವಾನಂದ್ ಮತ್ತು ಸಮಂತಾ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ. ಸಿ ಪ್ರೇಮ್ ಕುಮಾರ್ ಈ ಚಿತ್ರವನ್ನ ನಿರ್ದೇಶನ ಮಾಡ್ತಿದ್ದು, ವೆಂಕಟೇಶ್ವರ ಪ್ರೊಡಕ್ಷನ್ ನಲ್ಲಿ ದಿಲ್ ರಾಜು ನಿರ್ಮಾಣ ಮಾಡ್ತಿದೆ.

ಸದ್ಯ, ಚಿತ್ರೀಕರಣಕ್ಕೆ ಎಲ್ಲ ತಯಾರಿಯಾಗಿದ್ದು, ಮಾರ್ಚ್ ತಿಂಗಳಿಂದ ಶೂಟಿಂಗ್ ಆರಂಭವಾಗಲಿದೆ. ಈ ಕಡೆ ಕನ್ನಡದಲ್ಲಿ ಅಷ್ಟೋತ್ತಿಗಾಲೇ ಸಿನಿಮಾ ತೆರೆಕಂಡರೂ ಅಚ್ಚರಿಯಿಲ್ಲ.