'ಬಿಗ್ ಬಾಸ್' ಖ್ಯಾತಿಯ ಶೀತಲ್ ಶೆಟ್ಟಿಗೆ 'ಪತಿಬೇಕಂತೆ'.!

ಹೊಸ ಸಿನಿಮಾದಲ್ಲಿ ಶೀತಲ್ ಶೆಟ್ಟಿ

ಹೊಸ ಚಿತ್ರವೊಂದರಲ್ಲಿ ನಟಿಸಲು ಶೀತಲ್ ಶೆಟ್ಟಿ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಆ ಚಿತ್ರದ ಹೆಸರೇ 'ಪತಿಬೇಕು.ಕಾಮ್'.!

ಮಹಿಳಾ ಪ್ರಧಾನ ಸಿನಿಮಾ

'ಪತಿಬೇಕು.ಕಾಮ್'... ಮಹಿಳಾ ಪ್ರಧಾನ ಸಿನಿಮಾ. ಈ ಚಿತ್ರದಲ್ಲಿ ಶೀತಲ್ ಶೆಟ್ಟಿ ಅವರದ್ದೇ ಪ್ರಮುಖ ಪಾತ್ರ. ಯುವತಿಯೊಬ್ಬಳು ಮದುವೆಗಾಗಿ ನಡೆಸುವ ಪರದಾಟವೇ ಈ ಸಿನಿಮಾದ ಕಥಾಹಂದರ.

'ಪತಿಬೇಕು.ಕಾಮ್' ಚಿತ್ರತಂಡದ ಕುರಿತು...

'ಪತಿಬೇಕು.ಕಾಮ್' ಚಿತ್ರವನ್ನು ರಾಕೇಶ್ ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಿಂದೆ 'ತರ್ಲೆ ನನ್ಮಕ್ಳು' ಚಿತ್ರ ನಿರ್ಮಿಸಿದ್ದ ರಾಕೇಶ್ ಹಾಗೂ ಅವರ ಗೆಳೆಯರಾದ ಶ್ರೀನಿವಾಸ್, ಮಂಜುನಾಥ್, ವೀರೇಂದ್ರ ಈ ಚಿತ್ರಕ್ಕೆ ಬಂಡವಾಳ ಹಾಕುತ್ತಿದ್ದಾರೆ.

ಮುಂದಿನ ತಿಂಗಳಿನಿಂದ ಚಿತ್ರೀಕರಣ ಆರಂಭ

ಇತ್ತೀಚೆಗಷ್ಟೇ ಮುಹೂರ್ತ ಮುಗಿಸಿದ 'ಪತಿಬೇಕು.ಕಾಮ್' ಚಿತ್ರದ ಚಿತ್ರೀಕರಣ ಜುಲೈ 8 ರಿಂದ ಆರಂಭವಾಗಲಿದೆ.