ನಟಿ ಮೇಲಿನ ದೌರ್ಜನ್ಯದ ವಿರುದ್ಧ ಶಿಲ್ಪಾ ಗಣೇಶ್ ಕೆಂಡಾಮಂಡಲ

ನಟಿಯ ಬೆಂಬಲಕ್ಕೆ ನಿಂತ ಶಿಲ್ಪಾ ಗಣೇಶ್

ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಪತ್ನಿ ಶಿಲ್ಪಾ ಗಣೇಶ್, ಬಹುಭಾಷಾ ನಟಿಯ ಬೆಂಬಲಕ್ಕೆ ನಿಂತಿದ್ದು, ದೌರ್ಜನ್ಯವೆಸಗಿದ ದುಷ್ಕರ್ಮಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.[ನಟಿಗೆ ಲೈಂಗಿಕ ಕಿರುಕುಳ: ಸಿಡಿದೆದ್ದ ಸ್ಯಾಂಡಲ್ ವುಡ್ ನಾಯಕಿಯರು]

ಉಗ್ರವಾದ ಶಿಕ್ಷೆ ಆಗಬೇಕು!

''ಒಬ್ಬ ನಟಿ ಈ ಪರಿಯ ದೌರ್ಜನ್ಯಕ್ಕೆ ಒಳಗಾಗುತ್ತಾರೆಂದರೆ, ಈ ಸಮಾಜದಲ್ಲಿ ಸಾಮಾನ್ಯ ಜನರ ಗತಿಯೇನು? ನಟಿ ಮೇಲೆ ದೌರ್ಜನ್ಯ ಎಸೆಗಿದವರಿಗೆ ಉಗ್ರ ಶಿಕ್ಷೆ ಆಗಬೇಕು'' ಎಂದು ಶಿಲ್ಪಾ ಗಣೇಶ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

'ಗಣೇಶ್' ಸಿನಿಮಾದಲ್ಲಿ ನಟಿಸಿದ್ದ ನಟಿ

ಅಂದ್ಹಾಗೆ, ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಚಿತ್ರವೊಂದರಲ್ಲಿ ಈ ನಟಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು.

ಗಣೇಶ್ ಮನೆಗೂ ಭೇಟಿ ನೀಡಿದ್ದ ನಟಿ

ಶೂಟಿಂಗ್ ವೇಳೆ ಹಲವು ಬಾರಿ ಈ ನಟಿ ಗಣೇಶ್ ಅವರ ಮನೆಗೆ ಭೇಟಿ ನೀಡಿದ್ದರಂತೆ. ಹೀಗಾಗಿ ಶಿಲ್ಪಾ ಗಣೇಶ್ ಹಾಗೂ ಈ ನಟಿಯ ನಡುವೆ ಉತ್ತಮ ಬಾಂಧವ್ಯವಿದೆ. ಈ ನಟಿಯನ್ನ ಶಿಲ್ಪಾ ಗಣೇಶ್ ಅವರು ತೀರಾ ಹತ್ತಿರದಿಂದ ಬಲ್ಲವರಾಗಿದ್ದಾರೆ.

ನಟಿಯ ಭೇಟಿಗೆ ನಿರ್ಧಾರ!

ಸದ್ಯ, ಈ ಘಟನೆಯಿಂದ ನೊಂದಿರುವ ನಟಿಯನ್ನ ಶಿಲ್ಪಾ ಗಣೇಶ್ ಭೇಟಿ ಮಾಡಲು ನಿರ್ಧರಿಸಿದ್ದು, ಇನ್ನೆರಡು ದಿನಗಳಲ್ಲಿ ಅವರ ಮನೆಗೆ ಹೋಗಲಿದ್ದಾರಂತೆ.