ಸುಮ್ ಸುಮ್ನೆ ಸುಸುರ್ಬತ್ತಿ ಅಂಟಿಸುವ 'ವಿಘ್ನ'ಸಂತೋಷಿಗಳೇ.. ಸ್ವಲ್ಪ ಶಿವಣ್ಣ ಮಾತು ಕೇಳಿ...

ಎಲ್ಲವೂ ಸುಳ್ಳು....

''ಸುದೀಪ್ ಹಾಗೂ ನನ್ನ ನಡುವೆ ಏನೋ ಆಗಿದೆ ಅಂತೆಲ್ಲ ಚಿಕ್ಕ ಚಿಕ್ಕ ಮಾತುಗಳು ಕೇಳಿಬರುತ್ತವೆ. ಅದೆಲ್ಲವೂ ಸುಳ್ಳು'' ಎಂದು 'ಪಬ್ಲಿಕ್ ಟಿವಿ'ಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಶಿವರಾಜ್ ಕುಮಾರ್ ಹೇಳಿದ್ದಾರೆ.

ಎಲ್ಲವೂ ಕ್ಷಣಿಕ

''ಕೋಪದ ಟೈಮ್ ನಲ್ಲಿ ನಾನು ಮಾತನಾಡಿರಬಹುದು, ಅವರೂ ಮಾತನಾಡಿರಬಹುದು. ಆದರೆ ಅದೆಲ್ಲವೂ ಕ್ಷಣಿಕ. ನಾವೆಲ್ಲ ಚೆನ್ನಾಗಿ ಇದ್ದೇವೆ. ನಾವೆಲ್ಲ ಒಳ್ಳೆ ಸ್ನೇಹಿತರು, ಒಟ್ಟಿಗೆ ಸಿನಿಮಾ ಮಾಡುತ್ತಿದ್ದೇವೆ'' ಎನ್ನುವ ಮೂಲಕ ತಮ್ಮ ಒಗ್ಗಟ್ಟನ್ನ ಶಿವಣ್ಣ ಪ್ರದರ್ಶಿಸಿದ್ದಾರೆ.

ದರ್ಶನ್ ಜೊತೆ ಸಿನಿಮಾ ಮಾಡುವೆ

''ದರ್ಶನ್ ಜೊತೆ ಸಿನಿಮಾ ಮಾಡಬೇಕು ಅಂದರೂ ಮಾಡುತ್ತೇನೆ. ನಾನು ಯಾಕೆ ಇಲ್ಲ ಅಂತ ಹೇಳಲಿ. ನಾನು ಎಲ್ಲರೊಂದಿಗೆ ಇರಲು ಇಷ್ಟ ಪಡುತ್ತೇನೆ'' ಎಂದಿದ್ದಾರೆ ಶಿವಣ್ಣ

ಅಭಿಮಾನಿಗಳೇ... ಈ ಮಾತು ನಿಮಗೆ ನೆನಪಿರಲಿ...

ಸಾಮಾಜಿಕ ಜಾಲತಾಣಗಳಲ್ಲಿ ಸ್ಟಾರ್ ನಟರುಗಳ ಅಭಿಮಾನಿಗಳ ನಡುವೆ ಸಣ್ಣ ಪುಟ್ಟ ವಿಷಯಗಳಿಗೆ ಕಿತ್ತಾಟ-ಜಗಳ ನಡೆಯುತ್ತಲೇ ಇರುತ್ತದೆ. ಹಾಗೆ ಕಿತ್ತಾಡುವ ಅಭಿಮಾನಿಗಳೇ... ಶಿವಣ್ಣ ರವರ ಈ ಮಾತುಗಳನ್ನ ನೆನಪಿನಲ್ಲಿ ಇಟ್ಟುಕೊಳ್ಳಿ.. ಎಲ್ಲಾ ನಟರೂ ಗೆಳೆಯರಾಗಿರುವಾಗ, ಅಭಿಮಾನಿಗಳಾಗಿ ನೀವ್ಯಾಕೆ ಕಿತ್ತಾಡುತ್ತೀರಿ...