ಮೊದಲ ನಾಲ್ಕು ದಿನದಲ್ಲಿ ಕೋಟಿ ಕೋಟಿ ಬಾಚಿದ ವಜ್ರಕಾಯ!

ಎರಡು ಪರಭಾಷಾ ಚಿತ್ರಗಳ ನಡುವೆ

ಜ್ಯುರಾಸಿಕ್ ವರ್ಲ್ಡ್ ಮತ್ತು ಹಮಾರಿ ಅಧೂರಿ ಕಹಾನಿ ಚಿತ್ರ ಹೋದ ವಾರದಲ್ಲಿ ಬಿಡುಗಡೆಯಾಗಿದ್ದರೂ, ವಜ್ರಕಾಯ ಚಿತ್ರಕ್ಕೆ ಇದರಿಂದ ಯಾವುದೇ ರೀತಿಯ ತೊಂದರೆಯಾಗಿಲ್ಲ ಎನ್ನುವುದು ಗಾಂಧಿನಗರದ ಮಾತು.

ವಜ್ರಕಾಯ ಮೊದಲ ದಿನದ ಗಳಿಕೆ

ಈಗಾಗಲೇ ಹೇಳಿದಂತೆ ಇದು ಕರಾರುವಕ್ಕಾದ ಕಲೆಕ್ಷನ್ ರಿಪೋರ್ಟ್ ಅಲ್ಲದಿದ್ದರೂ, ಒಟ್ಟಾರೆ ಶೋಗಳ ಆಧಾರದ ಮೇಲೆ ಗಾಂಧಿನಗರದ ಪ್ರಕಾರ ಚಿತ್ರ ಮೊದಲ ದಿನದಲ್ಲಿ 3.36 ಕೋಟಿ ಗಳಿಕೆ ಕಂಡಿದೆ.

ಎರಡನೇ ದಿನದ ಗಳಿಕೆ

ಚಿತ್ರಕ್ಕೆ ಶನಿವಾರವೂ ರಾಜ್ಯಾದ್ಯಂತ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಗಾಂಧಿನಗರದ ಪ್ರಕಾರ ಎರಡನೇ ದಿನ ಚಿತ್ರಕ್ಕೆ 3.15 ಕೋಟಿ ಕಲೆಕ್ಷನ್ ಆಗಿದೆ.

ಮೂರನೇ ದಿನವೂ ನಿರಾಂತಕ

ಭಾನುವಾರ ಎರಡು ದಿನಕ್ಕಿಂತ ಇನ್ನೂ ಹೆಚ್ಚಿನ ಗಳಿಕೆ ಕಾಣುವಲ್ಲಿ ವಜ್ರಕಾಯ ಚಿತ್ರ ಯಶಸ್ವಿಯಾಗಿದೆ. ಮೂಲಗಳ ಪ್ರಕಾರ ಮೂರನೇ ದಿನ ಚಿತ್ರ ಅಂದಾಜು 3.60 ಕೋಟಿ ಗಳಿಕೆ ಕಂಡಿದೆ.

ನಾಲ್ಕನೇ ದಿನ

ಚಿತ್ರಕ್ಕೆ ಸೋಮವಾರದಂದು 2.63 ಕೋಟಿ ಕಲೆಕ್ಷನ್ ಆಗಿದೆ.

ಒಟ್ಟಾರೆ ಹನ್ನೆರಡು ಕೋಟಿ ಕ್ಲಬ್ಬಿಗೆ ವಜ್ರಕಾಯ

ಶುಕ್ರವಾರ (3.36), ಶನಿವಾರ (3.15), ಭಾನುವಾರ (3.60), ಸೋಮವಾರ (2.63) ಕೋಟಿ ಗಳಿಕೆಯ ಪ್ರಕಾರ ನಾಲ್ಕು ದಿನದಲ್ಲಿ ಚಿತ್ರ ಒಟ್ಟು 12.74 ಕೋಟಿ ಗಳಿಕೆ ಕಂಡಿದೆ.

ದೊಡ್ಡ ಸಿನಿಮಾ ಇಲ್ಲ

ಪರಭಾಷೆಯ ಅಥವಾ ಕನ್ನಡದ ದೊಡ್ಡ ಸಿನಿಮಾ ಈ ವಾರವೂ ಬಿಡುಗಡೆಯಾಗದೇ ಇರುವುದರಿಂದ ವಜ್ರಕಾಯ ಮತ್ತು ರನ್ನ ಚಿತ್ರದ ಗಳಿಕೆಗೆ ಅಷ್ಟೇನೂ ತೊಂದರೆಯಾಗುವುದಿಲ್ಲ ಎನ್ನುವುದು ಗಾಂಧಿನಗರದ ಲೆಕ್ಕಾಚಾರ.