ಶಿವಣ್ಣನ 125ನೇ ಸಿನಿಮಾ 'ವೇದ'ಗೆ ಭರ್ಜರಿ ಪ್ಲ್ಯಾನ್: ಇಲ್ಲಿದೆ ರಾಯಚೂರು To ಚಿತ್ರದುರ್ಗ ಇವೆಂಟ್ ಲಿಸ್ಟ್!

125ನೇ ಸಿನಿಮಾ ಸಿಕ್ಕಾಪಟ್ಟೆ ಡಿಮ್ಯಾಂಡ್

ಸೋಶಿಯಲ್ ಮೀಡಿಯಾಗಳಲ್ಲಿ ಶಿವಣ್ಣನ 125ನೇ ಸಿನಿಮಾದ ಹವಾ ಜೋರಾಗಿದೆ. 'ವೇದ'ದಲ್ಲಿ ಶಿವಣ್ಣನ ಲುಕ್, ಗೆಟಪ್ ಎಲ್ಲವೂ ಸಿನಿಪ್ರಿಯರಿಗೆ ಇಷ್ಟ ಆಗಿದೆ. ಗೀತಾ ಶಿವರಾಜ್‌ಕುಮಾರ್ ಹಾಗೂ ಜೀ ಸ್ಟುಡಿಯೋಸ್ ಜಂಟಿಯಾಗಿ 'ವೇದ' ಚಿತ್ರವನ್ನು ನಿರ್ಮಾಣ ಮಾಡಿದೆ. ಅಲ್ಲದೆ ಜೀ ಸ್ಟುಡಿಯೋಸ್ ಸಂಸ್ಥೆನೇ ವಿತರಣೆಯನ್ನೂ ಮಾಡುತ್ತಿದೆ. ಈ ಮಧ್ಯೆ ಚಿತ್ರತಂಡ 125ನೇ ಸಿನಿಮಾದ ಪ್ರಿ-ರಿಲೀಸ್ ಇವೆಂಟ್‌ ಅನ್ನು ಗ್ರ್ಯಾಂಡ್ ಆಗಿ ಸೆಲೆಬ್ರೆಟ್ ಮಾಡುವುದಕ್ಕೆ ಮುಂದಾಗಿದೆ.

ಮಂಗಳೂರಿನಲ್ಲಿ ಸಾಂಗ್ ರಿಲೀಸ್

ನಾಳೆ ( ಡಿಸೆಂಬರ್ 03) ರಿಂದ 'ವೇದ' ಸಿನಿಮಾದ ಇವೆಂಟ್‌ಗಳು ಆರಂಭ ಆಗುತ್ತಿವೆ. ಶಿವಣ್ಣ ಹಾಗೂ ಅವರ ತಂಡ ರಾಯಚೂರಿನಲ್ಲಿ ದೊಡ್ಡ ಇವೆಂಟ್ ಅನ್ನು ಹಮ್ಮಿಕೊಂಡಿದೆ. ಅಲ್ಲಿ 'ವೇದ' ಸಿನಿಮಾದ ಟೀಸರ್ ಬಿಡುಗಡೆ ಮಾಡಿದ್ದಾರೆ. ಈ ಇವೆಂಟ್ ಮುಗಿಯುತ್ತಿದ್ದಂತೆ ಮಂಗಳೂರಿಗೆ ಪಯಣ ಬೆಳೆಸಲಿದೆ. ಡಿಸೆಂಬರ್ 10ರಂದು ಮಂಗಳೂರಿನಲ್ಲಿ 'ವೇದ' ಸಿನಿಮಾದ ಸಾಂಗ್ ಅನ್ನು ಬಿಡುಗಡೆ ಮಾಡಲಿದ್ದಾರೆ. ಈ ಎರಡೂ ಇವೆಂಟ್‌ಗಳನ್ನು ದೊಡ್ಡ ಮಟ್ಟದಲ್ಲಿ ನಡೆಯುತ್ತೆ ಎನ್ನಲಾಗಿದೆ.

ಚಿತ್ರಗುರ್ಗ, ಹುಬ್ಬಳ್ಳಿಯಲ್ಲೂ ಇವೆಂಟ್

'ವೇದ' ಕಾರ್ಯಕ್ರಮಗಳ ಪಟ್ಟಿ ಇಲ್ಲಿಗೆ ಮುಗಿಯೋದಿಲ್ಲ. ಡಿಸೆಂಬರ್ 11ರಂದು ಗೆಲು ಕನ್ನಡ ಗೆಳೆಯ ಸಮಿತಿ ವತಿಯಿಂದ ವಿದ್ಯಾಪೀಠದಲ್ಲಿ ಹಮ್ಮಿಕೊಂಡಿರುವ ಕಾರ್ಯಕ್ರಮದಲ್ಲಿ ಶಿವಣ್ಣ ಅಂಡ್ ಟೀಂ ಭಾಗಿಯಾಗುತ್ತಿದೆ. ಇಲ್ಲಿ 'ವೇದ' ಚಿತ್ರದ ಟೀಸರ್ ಹಾಗೂ ಸಾಂಗ್‌ಗಳನ್ನು ಪ್ರದರ್ಶನ ಮಾಡಲಿದೆ. ಡಿಸೆಂಬರ್ 14ರಂದು ಚಿತ್ರತಂಡ ಹುಬ್ಬಳ್ಳಿಗೆ ತೆರಳಲಿದೆ. ಹಾಗೇ ಡಿಸೆಂಬರ್ 15ರಂದು ಚಿತ್ರದುರ್ಗ ತಲುಪಲಿದ್ದು, ಅಲ್ಲೂ ಒಂದು ಇವೆಂಟ್ ಪ್ಲ್ಯಾನ್ ಮಾಡಲಾಗಿದೆ.

3 ಭಾಷೆಯಲ್ಲಿ ರಿಲೀಸ್

ಶಿವರಾಜ್‌ಕುಮಾರ್ ಸಿನಿಮಾ 'ವೇದ' ಇದೇ ಡಿಸೆಂಬರ್ 23ರಂದು ದೇಶಾದ್ಯಂತ ಬಿಡುಗಡೆಯಾಗುತ್ತಿದೆ. ಇದೇ ಮೊದಲ ಬಾರಿಗೆ ಮೂರು ಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದ್ದು, ಕನ್ನಡ, ತೆಲುಗು ಹಾಗೂ ತಮಿಳು ಭಾಷೆಗಳಲ್ಲಿ ಏಕಕಾಲಕ್ಕೆ 'ವೇದ' ಬಿಡುಗಡೆಯಾಗಲಿದೆ. 'ಮಗಳು ಜಾನಕಿ' ಧಾರಾವಾಹಿ ಹಾಗೂ 'ಹೀರೊ' ಸಿನಿಮಾದಲ್ಲಿ ನಟಿಸಿರುವ ಗಾನವಿ ಲಕ್ಷ್ಮಣ್ ಹಾಗೂ ನಿರೂಪಕಿ ಶ್ವೇತಾ ಚಂಗಪ್ಪ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. 1960ರ ದಶಕದ ಕಥೆಯನ್ನು ಎ ಹರ್ಷ ತೆರೆಮೇಲೆ ತರುತ್ತಿದ್ದಾರೆ.