ಶ್ರಿಯಾ ಪತಿಗೆ ಕೊರೊನಾ ಲಕ್ಷಣ: ಆಸ್ಪತ್ರೆಗೆ ದಾಖಲಿಸಿಕೊಳ್ಳಲು ನಿರಾಕರಿಸಿದ ವೈದ್ಯರು

ಆಸ್ಪತ್ರೆಗೆ ದಾಖಲಿಸಿಕೊಳ್ಳಲು ನಿರಾಕರಿಸಿದ ವೈದ್ಯರು

ಆಂಡ್ರೆ ಅನ್ನು ಆಸ್ಪತ್ರೆಗೆ ದಾಖಲಿಸಿಕೊಳ್ಳಲು ನಿರಾಕರಿಸಿದ ವೈದ್ಯರು, 'ನಿಮಗೆ ಕೊರೊನಾ ಬಂದಿಲ್ಲವಾದರೂ ಆಸ್ಪತ್ರೆಗೆ ಬಂದರೆ ಕೊರೊನಾ ಬರುವ ಸಾಧ್ಯತೆ ಇದೆ. ಹಾಗಾಗಿ ನೀವು ಆಸ್ಪತ್ರೆಗೆ ಬರುವುದು ಬೇಡ, ಮನೆಯಲ್ಲಿಯೇ ಕ್ವಾರಂಟೈನ್‌ನಲ್ಲಿ ಇರಿ'' ಎಂದು ಹೇಳಿ ಕಳುಹಿಸಿದ್ದಾರೆ.

ವೈದ್ಯರ ಸಲಹೆ ಪಾಲಿಸಿದ ಶ್ರಿಯಾ ದಂಪತಿ

ವೈದ್ಯರ ಸಲಹೆ ಪಾಲಿಸಿದ ಶ್ರಿಯಾ ಮತ್ತು ಆಂಡ್ರೆ ಮನೆಗೆ ತೆರಳಿ ಸೆಲ್ಫ್ ಕ್ವಾರೆಂಟೈನ್‌ನಲ್ಲಿದ್ದಾರೆ. ಇಬ್ಬರೂ ಬೇರೆ-ಬೇರೆ ರೂಂ ಗಳಲ್ಲಿ ಮಲಗುತ್ತಾರಂತೆ. ಪರಸ್ಪರ ಅಂತರ ಕಾಯ್ದುಕೊಳ್ಳುತ್ತಿದ್ದಾರಂತೆ. 'ಆಂಡ್ರೆ ಈಗ ಸುಧಾರಿಸಿಕೊಳ್ಳುತ್ತಿದ್ದಾರೆ' ಎಂದು ಶ್ರಿಯಾ ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ಪರಿಸ್ಥಿತಿಯ ತೀವ್ರತೆ ಅರ್ಥವಾಗಿದ್ದೇ ಆವಾಗ

ಮಾರ್ಚ್ 13 ರಂದು ಶ್ರಿಯಾ ಮತ್ತು ಆಂಡ್ರೆ ಅವರ ಎರಡನೇ ವಿವಾಹ ವಾರ್ಷಿಕೋತ್ಸವ ಇತ್ತಂತೆ. ಸಂಭ್ರಮದಿಂದ ಆಚರಿಸಲು ಇಬ್ಬರೂ ತಯಾರಾಗಿದ್ದರಂತೆ. ಅದಕ್ಕೆಂದು ಹೋಟೆಲ್ ಸಹ ಬುಕ್ ಮಾಡಿದ್ದರಂತೆ, ಆದರೆ ಅಷ್ಟರಲ್ಲೇ ಕೊರೊನಾ ವ್ಯಾಪಿಸಿದ ಕಾರಣ ಹೋಟೆಲ್‌ಗಳು ಬಂದ್ ಆಗಿವೆ. ಆಗಲೇ ಶ್ರಿಯಾ ಅವರಿಗೆ ಪರಿಸ್ಥಿತಿಯ ಗಂಭೀರತೆ ಅರಿವಾಗಿದ್ದಂತೆ.

ಹಿಂದು ಸಂಪ್ರದಾಯದಂತೆ ಮದುವೆಯಾಗಿದ್ದ ಶ್ರಿಯಾ ಸರಣ್

ಶ್ರಿಯಾ ಸರಣ್ ಹಾಗೂ ಆಂಡ್ರೆ ಹಿಂದು ಸಂಪ್ರದಾಯದಂತೆ ಮದುವೆಯಾಗಿದ್ದರು. ಮದುವೆಯ ನಂತರ ಶ್ರಿಯಾ ಸಿನಿಮಾದಿಂದ ಬಹುತೇಕ ದೂರವೇ ಉಳಿದಿದ್ದಾರೆ. ಕಳೆದ ವರ್ಷ ತೆಲುಗು ಸಿನಿಮಾವೊಂದರಲ್ಲಿ ಅತಿಥಿ ಪಾತ್ರ ನಿರ್ವಹಿಸಿದ್ದರಷ್ಟೆ. ಪತಿ ಆಂಡ್ರೆ ದೊಡ್ಡ ಬ್ಯುಸಿನೆಸ್‌ ಮನ್ ಜೊತೆಗೆ ಟೆನ್ನಿಸ್ ಆಟಗಾರ ಸಹ ಆಗಿದ್ದಾರೆ.