ಕನ್ನಡದ 'ಕೆಜಿಎಫ್'ಗೆ ಚಕ್ರವ್ಯೂಹ ನಿರ್ಮಿಸಿದೆ ಈ 6 ಬಿಗ್ಗೆಸ್ಟ್ ಚಿತ್ರಗಳು.!

ಮೋಹನ್ ಲಾಲ್ ಸಿನಿಮಾ

ಕೆಜಿಎಫ್ ಸಿನಿಮಾ ಮಲಯಾಳಂ ಭಾಷೆಯಲ್ಲೂ ಬರ್ತಿದೆ. ಇದು ಸಹಜವಾಗಿ ಮಲಯಾಳಂ ಪ್ರೇಕ್ಷಕರ ಗಮನ ಸೆಳೆಯಲು ಕೆಜಿಎಫ್ ಸಿದ್ಧವಾಗಿದೆ. ಆದ್ರೆ, ಕೆಜಿಎಫ್ ಗೂ ಒಂದು ವಾರ ಮುಂಚೆ ಮಲಯಾಳಂ ಸೂಪರ್ ಸ್ಟಾರ್ ಮೋಹನ್ ಲಾಲ್ ಅಭಿನಯದ 'ಒಡಿಯನ್' ಸಿನಿಮಾ ಬಿಡುಗಡೆಯಾಗ್ತಿರುವುದು ಕೆಜಿಎಫ್ ಗೆ ಸ್ವಲ್ಪ ಹಿನ್ನೆಡೆಯಾಗಬಹುದು.

ಕೆಜಿಎಫ್ ದಿನವೇ 'ಯಾತ್ರ' ಆರಂಭ

ಡಿಸೆಂಬರ್ 21 ರಂದು ಕೆಜಿಎಫ್ ತೆಲುಗು ಭಾಷೆಯಲ್ಲೂ ರಿಲೀಸ್ ಆಗ್ತಿದೆ. ಆದ್ರೆ, ಅದೇ ದಿನ ತೆಲುಗಿನಲ್ಲಿ ಆಂಧ್ರಪ್ರದೇಶದ ಮಾಜಿ ಮುಖ್ಯಮಂತ್ರಿ ವೈಎಸ್ ಆರ್ ರಾಜಶೇಖರ್ ರೆಡ್ಡಿ ಅವರ ಬಯೋಗ್ರಫಿ ಸಿನಿಮಾ 'ಯಾತ್ರ' ಬಿಡುಗಡೆಯಾಗುತ್ತಿದೆ. ವೈಎಸ್ ಆರ್ ಪಾತ್ರದಲ್ಲಿ ಮೊಮ್ಮಟಿ ಅಭಿನಯಿಸಿರುವುದು ಕುತೂಹಲ ಮೂಡಿಸಿದೆ.

ಡಿಸೆಂಬರ್ ನಲ್ಲಿ 'ಮಾರಿ-2'

ಕೆಜಿಎಫ್ ಸಿನಿಮಾ ತಮಿಳಿನಲ್ಲೂ ಬಿಡುಗಡೆಯಾಗುತ್ತಿದೆ. ಆದ್ರೆ, ತಮಿಳಿನಲ್ಲಿ ಕೆಜಿಎಫ್ ಗೆ ಪೈಪೋಟಿ ನೀಡಬಹುದಾದ ಸಿನಿಮಾ 'ಮಾರಿ-2'. ಧನುಶ್ ಮತ್ತು ಸಾಯಿ ಪಲ್ಲವಿ ಅಭಿನಯದ ಈ ಚಿತ್ರ ಡಿಸೆಂಬರ್ ಗೆ ಬರುವುದಾಗಿ ಹೇಳಿಕೊಂಡಿದೆ. ಆದ್ರೆ, ಖಚಿತವಾದ ದಿನಾಂಕ ಘೋಷಿಸಿಲ್ಲ.

ಶಾರೂಖ್ 'ಜೀರೋ'

ಇನ್ನು ಬಾಲಿವುಡ್ ನಲ್ಲಿ ಈಗಾಗಲೇ ಗೊತ್ತಿರುವಾಗೆ ಶಾರೂಖ್ ಖಾನ್ ಅಭಿನಯದ ಜೀರೋ ಸಿನಿಮಾ ಡಿಸೆಂಬರ್ 21ಕ್ಕೆ ಅಂದ್ರೆ, ಕೆಜಿಎಫ್ ದಿನವೇ ಬರ್ತಿದೆ. ಇದು ಬಹಳ ದೊಡ್ಡ ಮಟ್ಟದಲ್ಲಿ ಸಂಚಲನ ಸೃಷ್ಟಿಸಿದೆ.

ರಣ್ವೀರ್ ಸಿಂಗ್ 'ಸಿಂಬ'

ಶಾರೂಖ್ ಖಾನ್ ಅಭಿನಯದ ಜೀರೋ, ಕೆಜಿಎಫ್ ಜೊತೆಯೇ ಬಿಡುಗಡೆಯಾದ್ರೆ, ರಣ್ವೀರ್ ಸಿಂಗ್ ಅಭಿನಯದ 'ಸಿಂಬ' ಒಂದು ವಾರ ಮುಂದಕ್ಕೆ ರಿಲೀಸ್ ಆಗಲಿದೆ. ಇದು ತೆಲುಗಿನಲ್ಲಿ ಎನ್.ಟಿ.ಆರ್ ಅಭಿನಯಿಸಿದ್ದ 'ಟೆಂಪರ್' ಚಿತ್ರದ ಹಿಂದಿ ರೀಮೇಕ್. ಡಿಸೆಂಬರ್ 28 ರಂದು ಈ ಸಿನಿಮಾ ಥಿಯೇಟರ್ ಗೆ ಬರ್ತಿದೆ.

ವಿಜಯ್ ಸೇತುಪತಿ ಸಿನಿಮಾ

ಧನುಶ್ ಅಭಿನಯದ 'ಮಾರಿ-2' ದಿನಾಂಕ ಪಕ್ಕಾ ಇಲ್ಲ. ಆದ್ರೆ, ವಿಜಯ್ ಸೇತುಪತಿ ಅಭಿನಯದ 'ಸೀತಾಕತಿ' ಸಿನಿಮಾ ಡಿಸೆಂಬರ್ 20ಕ್ಕೆ ತೆರೆಗೆ ಬರಲಿದೆ. ಕೆಜಿಎಫ್ ಚಿತ್ರಕ್ಕಿಂತ ಒಂದು ದಿನ ಮುಂಚೆ. ಹೀಗಾಗಿ, ಈ ಚಿತ್ರವೂ ಯಶ್ ಚಿತ್ರಕ್ಕೆ ಪೈಪೋಟಿ ನೀಡಬಹುದು. ಈ ಎಲ್ಲಾ ಚಿತ್ರಗಳು ಕೆಜಿಎಫ್ ಗೆ ಒಂದಲ್ಲ ಒಂದು ರೀತಿ ಕಾಂಪಿಟೇಶನ್ ನೋಡೋದು ಪಕ್ಕಾ.