ಮುಖಪುಟ

ಸಿನಿ ಸಮಾಚಾರ

ಹಾಡಿಗಳ ಮೂಲಕ, ನಂತರ ಟೀಸರ್ ಮೂಲಕ ಗಮನ ಸೆಳೆದಿದ್ದ 'ಸೂಜಿದಾರ' ಸಿನಿಮಾ ಈಗ ಟ್ರೇಲರ್ ಮೂಲಕ ಸದ್ದು ಮಾಡುತ್ತಿದೆ. ಸಿನಿಮಾದ ರಿಲೀಸ್ ಗೆ ಕೆಲವೇ ದಿನಗಳು ಬಾಕಿ ಇದ್ದು, ಟ್ರೇಲರ್ ಈಗ ಟ್ರೆಂಡ್ ಆಗಿದೆ.

ನಿನ್ನೆ (ಮೇ 4) ಸಿನಿಮಾದ ಟ್ರೇಲರ್ ಯೂ ಟ್ಯೂಬ್ ನಲ್ಲಿ ಬಿಡುಗಡೆಯಾಗಿದೆ. ಒಂದೇ ದಿನದಲ್ಲಿ ಎರಡುವರೆ ಲಕ್ಷಕ್ಕೂ ಅಧಿಕ ಜನರು ಟ್ರೇಲರ್ ವೀಕ್ಷಣೆ ಮಾಡಿದ್ದಾರೆ. ಟ್ರೇಲರ್ ಟ್ರೆಂಡಿಂಗ್ 24ನೇ ಸ್ಥಾನದಲ್ಲಿದೆ. ಆನಂದ್ ಆಡಿಯೋ ಯೂ ಟ್ಯೂಬ್ ಬಾನಲ್ ನಲ್ಲಿ ಟ್ರೇಲರ್ ಅನ್ನು ವೀಕ್ಷಿಸಬಹುದಾಗಿದೆ.

ವಿಡಿಯೋ : 'ಸೂಜಿದಾರ' ಸಿನಿಮಾದ ಎರಡನೇ ಹಾಡು ಕೇಳಿ

ಟ್ರೇಲರ್ ನೋಡುತ್ತಿದ್ದರೆ ಸಿನಿಮಾದಲ್ಲಿ ಸಂದೇಶದ ಜೊತೆಗೆ ಮನರಂಜನೆ ಇರುವುದು ತಿಳಿಯುತ್ತದೆ. ಭಾವನಾತ್ಮಕ ದೃಶ್ಯಗಳ ಜೊತೆಗೆ ಕಾಮಿಡಿ ದೃಶ್ಯಗಳು ಜೊತೆಗೆ ಬೆರೆತಿವೆ.

ಹರಿಪ್ರಿಯಾ ಹಾಗೂ ಯಶ್ ವಂತ್ ಶೆಟ್ಟಿ ಚಿತ್ರದಲ್ಲಿ ನಟಿಸಿದ್ದಾರೆ. ಜೊತೆಗೆ ಸುಚೇಂದ್ರ ಪ್ರಸಾದ್, ಆನಂದ್ ತುಮಕೂರು, ಅಚ್ಚುತ್ ಕುಮಾರ್, ಶ್ರೇಯಾ ಅನ್ಚನ್ ಕಾಣಿಸಿಕೊಂಡಿದ್ದಾರೆ.

ಮೌನೇಶ್ ಬಡಿಗೇರ್ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ. ಭಿನ್ನಷಡ್ಜ ಸಂಗೀತ ನೀಡಿದ್ದಾರೆ. ಮೈಮನ ಪೋಣಿಸೋ 'ಸೂಜಿದಾರ' ಮೇ 10 ರಂದು ಪ್ರೇಕ್ಷಕರ ಮುಂದೆ ಬರಲಿದೆ.