'ರಾಜರಥ'ದಲ್ಲಿ ಸವಾರಿ ಮಾಡಲಿರುವ ಶ್ರುತಿ ಹರಿಹರನ್

ಇತ್ತೀಚೆಗಷ್ಟೇ ತಮಿಳು ನಟ ಆರ್ಯ ಅವರನ್ನ ಕನ್ನಡಕ್ಕೆ ಕರೆ ತಂದಿದ್ದ 'ರಾಜರಥ' ಸಿನಿಮಾ ಈಗ ಮತ್ತೋರ್ವ ನಟಿಯನ್ನ ತಮ್ಮ ತಂಡಕ್ಕೆ ಸೇರಿಕೊಂಡಿದೆ. ಹೌದು, ಸ್ಯಾಂಡಲ್ ವುಡ್ ನ ಸ್ಟಾರ್ ನಟಿ ಶೃತಿ ಹರಿಹರನ್ 'ರಾಜರಾಥ' ಚಿತ್ರದಲ್ಲಿ ಅತಿಥಿ ಪಾತ್ರ ನಿರ್ವಹಿಸಲಿದ್ದಾರೆ.

ಶ್ರುತಿ ಹರಿಹರನ್ ಈ ಹಿಂದೆಯೆ ಭಂಡಾರಿ ಬ್ರದರ್ಸ್ ಅವರ ಚಿತ್ರದಲ್ಲಿ ಅಭಿನಯಿಸಬೇಕಿತ್ತು. ಅನೂಪ್ ಭಂಡಾರಿ ನಿರ್ದೇಶನದ 'ರಂಗಿತರಂಗ' ಚಿತ್ರದಲ್ಲಿ ಶ್ರುತಿ ಕಾಣಿಸಿಕೊಳ್ಳಬೇಕಿತ್ತು. ಆದ್ರೆ, ಆ ಸಮಯದಲ್ಲಿ ಶ್ರುತಿ ಬೇರೆ ಚಿತ್ರದಲ್ಲಿ ಬಿಜಿಯಾಗಿದ್ದ ಕಾರಣ ಆಗಿರಲಿಲ್ಲ. ಈಗ ಮತ್ತೊಂದು ಅವಕಾಶ ಶ್ರುತಿಗೆ ಸಿಕ್ಕಿದ್ದು, ಈ ಬಾರಿ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ಅನೂಪ್ ಭಂಡಾರಿ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದು, ಕನ್ನಡ ಹಾಗೂ ತೆಲುಗು ಭಾಷೆಗಳಲ್ಲಿ ತಯಾರಾಗುತ್ತಿದೆ. ನಿರೂಪ್ ಭಂಡಾರಿ ಈ ಚಿತ್ರದಲ್ಲಿ ನಾಯಕನಾಗಿದ್ದು, 'ರಂಗಿತರಂಗ' ಖ್ಯಾತಿಯ ಅವಂತಿಕಾ ಶೆಟ್ಟಿ ನಾಯಕಿ ಆಗಿ ಅಭಿನಯಿಸುತ್ತಿದ್ದಾರೆ.