ಅಂಬಿ ಅಂತ್ಯಕ್ರಿಯೆಗೆ ಸುದೀಪ ಯಾಕೆ ಬರಲಿಲ್ಲ : ಕಿಚ್ಚ ಹೇಳಿದ ನಿಜವಾದ ಕಾರಣ

ಕಣ್ಣಾರೆ ನೋಡಲು ಸಾಧ್ಯವಿಲ್ಲ

ಖಾಸಗಿ ವಾಹಿನಿಯ ಸಂದರ್ಶನವೊಂದರಲ್ಲಿ ಮಾತನಾಡಿದ ಸುದೀಪ ಅಂಬರೀಶ್ ಅವರ ಅಂತ್ಯಕ್ರಿಯೆ ಕೊನೆಯ ವೇಳೆ ಗೈರು ಆದ ಬಗ್ಗೆ ಸ್ಪಷ್ಟಪಡಿಸಿದ್ದಾರೆ. ಕಿಚ್ಚನಿಗೆ ತುಂಬ ಹತ್ತಿರವಾದವರನ್ನ ಇಂತಹ ಸ್ಥಿತಿಯಲ್ಲಿ ನೋಡಲು ಸಾಧ್ಯವಾಗುವುದಿಲ್ಲವಂತೆ. ಆ ಸ್ಥಿಯಲ್ಲಿ ನೋಡಲು ಭಯಸುವುದಿಲ್ಲವಂತೆ. ಮನಸ್ಸಿಗೆ ತುಂಬಾ ನೋವಾಗುತ್ತಂತೆ. ಹಾಗಾಗಿ ಅನೇಕರ ಅಂತ್ಯ ಕ್ರಿಯೆಯಲ್ಲಿ ಸುದೀಪ್ ಭಾಗಿಯಾಗುವುದಿಲ್ಲವಂತೆ.

ಮನಸ್ಸಿಗೆ ತುಂಬ ಕಾಡುತ್ತೆ

ಕೆಲವುದನ್ನು ನನ್ನ ಕೈಯಲ್ಲಿ ನೋಡಲು ಸಾಧ್ಯವಿಲ್ಲ. ಅಂಬರೀಶ್ ಅವರು ಅಂತಲ್ಲ ಎಷ್ಟೋ ಜನರನ್ನು ಆ ಸ್ಥಿತಿಯಲ್ಲಿ ನೋಡಲು ಸಾಧ್ಯವಾಗುವುದಿಲ್ಲ. ಮನಸ್ಸಿಗೆ ತುಂಬ ಕಾಡುತ್ತೆ. ಕಣ್ಣಾರೆ ನೋಡಲು ಸಾಧ್ಯವೆ ಇಲ್ಲ, ಇದು ನನ್ನ ವೀಕ್ ನೆಸ್ ಅಂತ ಹೇಳಬಹುದು. ನಾನು ತುಂಬ ನೊಂದು ಕೊಳ್ಳುತ್ತೇನೆ. ಹಾಗಾಗಿ ನೋಡೋಕೆ ಇಷ್ಟಪಡಲ್ಲ.

ಸುದೀಪ ಸದಾ ನೋಡುವ ಸಿನಿಮಾ

ಕಿಚ್ಚ ಸುದೀಪ್ ಅವರು ಯಾವಾಗಲು ನೋಡುವ ಸಿನಿಮಾ ಅಂದ್ರೆ ಅಂಬಿ ನಿಂಗೆ ವಯಸ್ಸಾಯ್ತೋ. ತುಂಬ ಖುಷಿ ಕೊಟ್ಟ ಸಿನಿಮಾಗಳಲ್ಲಿ ಈ ಸಿನಿಮಾ ಕೂಡ ಒಂದು ಅಂತೆ. ಈ ಸಿನಿಮಾದ ಎಡಿಟಿಂಗ್ ಮಾಡಿದ್ದು ಸುದೀಪ ಅವರೆ. ಅಂಬರೀಶ್ ಅವರಿಗಾಗಿ ತುಂಬಾ ಪ್ರೀತಿಯಿಂದ ಮಾಡಿದ ಸಿನಿಮಾ ಇದಾಗಿದೆ. ಹಾಗಾಗಿ ಈ ಸಿನಿಮಾವನ್ನು ಮನೆಯಲ್ಲಿ ಯಾವಾಗಲು ನೋಡುತ್ತಿದ್ದಾರಂತೆ.

ಪೈಲ್ವಾನ್ ರಿಲೀಸ್ ಗೆ ತಯಾರಿಗೆ

ಸುದೀಪ್ ಸದ್ಯ ಪೈಲ್ವಾನ್ ಚಿತ್ರದ ರಿಲೀಸ್ ಗೆ ಎದುರುನೋಡುತ್ತಿದ್ದಾರೆ. ಈಗಾಗಲೆ ಬಹು ನಿರೀಕ್ಷೆಯನ್ನು ಮೂಡಿಸಿರುವ ಪೈಲ್ವಾನ್ ಸಿನಿಮಾ ಆಗಸ್ಟ್ 29ಕ್ಕೆ ರಿಲೀಸ್ ಆಗುವ ಸಾಧ್ಯತೆ ಇದೆ. ಅಲ್ಲದೆ ಸುದೀಪ 'ಕೋಟಿಗೊಬ್ಬ-3' ಮತ್ತು 'ದಬಾಂಗ್ 3' ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ.