ಸುದೀಪ್ ಬಗ್ಗೆ ನಾಲಿಗೆ ಹರಿಬಿಟ್ಟಿದ್ದ ದರ್ಶನ್ ಅಭಿಮಾನಿಗೆ ಬುದ್ಧಿ ಕಲಿಸಿದ ಕಿಚ್ಚನ ಅಭಿಮಾನಿಗಳು

ಸುದೀಪ್ ಬಗ್ಗೆ ಮಾತನಾಡಿದ್ದ ದರ್ಶನ್ ಅಭಿಮಾನಿ ಸಿಕ್ಕಿಬಿದ್ದ

ದರ್ಶನ್ ಪರವಹಿಸಿ ಸುದೀಪ್ ಬಗ್ಗೆ ಮಾತನಾಡಿದ್ದ ಆ ಅಭಿಮಾನಿಯನ್ನು ಹುಡುಕಿರುವ ಸುದೀಪ್ ಅಭಿಮಾನಿಗಳು, 'ನಿನ್ನ ಅಭಿಮಾನ ಇದ್ದರೆ ನೀನು ತೋರಿಸಿಕೊ, ಇನ್ನೊಬ್ಬ ನಟನ ಬಗ್ಗೆ ನೀನು ಹೇಗೆ ಮಾತನಾಡಿದೆ' ಎಂದು ಪ್ರಶ್ನೆ ಮಾಡಿದ್ದಾರೆ.

'ಸುದೀಪ್ ಅಣ್ಣನ ಬಗ್ಗೆ ಮಾತನಾಡಿದ್ದು ತಪ್ಪಾಯಿತು ಕ್ಷಮಿಸಿ'

ಸುದೀಪ್ ಅಭಿಮಾನಿಗಳ ಮಾತಿಗೆ ಬಗ್ಗಿರುವ ದರ್ಶನ್ ಅಭಿಮಾನಿ ಹರೀಶ್, 'ದರ್ಶನ್ ಸಿನಿಮಾ ಬಿಡುಗಡೆ ಆಗಿದ್ದಾಗ. ಸುದೀಪ್ ಅಣ್ಣನ ಬಗ್ಗೆ ಮಾತನಾಡಿದ್ದು ತಪ್ಪಾಗಿದೆ ಇನ್ನೊಮ್ಮೆ ಹೀಗೆ ಮಾತನಾಡುವುದಿಲ್ಲ. ಸುದೀಪ್ ಅಣ್ಣನ ಬಗ್ಗೆ ಮಾತನಾಡಿದ್ದಕ್ಕೆ ನನಗೂ ಬೇಜಾರಾಗಿದೆ ಕ್ಷಮಿಸಿ' ಎಂದು ಕ್ಷಮೆ ಕೇಳಿದ್ದಾನೆ.

ಮನವಿ ಮಾಡಿದ ಸುದೀಪ್ ಅಭಿಮಾನಿಗಳು

ನಂತರ ಮಾತನಾಡಿರುವ ಸುದೀಪ್ ಅಭಿಮಾನಿಗಳು, 'ಎಲ್ಲ ನಾಯಕ ನಟರ ಅಭಿಮಾನಿಗೆ ಮನವಿ ಮಾಡುವುದೆಂದರೆ ನಿಮ್ಮ ಮೆಚ್ಚಿನ ನಾಯಕನನ್ನು ಹೊಗಳುವ ಭರದಲ್ಲಿ ಮತ್ತೊಬ್ಬ ನಾಯಕನನ್ನು ತೆಗಳಬೇಡಿ. ಸಿನಿಮಾ ಬಿಡುಗಡೆ ಆದಾಗ ನಿಮ್ಮ ಸಂಭ್ರಮಕ್ಕೆ ನೀವು ಏನಾದರೂ ಮಾಡಿ ಆದರೆ ಮತ್ತೊಬ್ಬ ನಟನನ್ನು ನಿಂದಿಸಬೇಡಿ' ಎಂದಿದ್ದಾರೆ.

ಮತ್ತೊಬ್ಬ ನಾಯಕ ನಟನ ತೇಜೋವಧೆ ಬೇಡ: ಮನವಿ

'ಒಬ್ಬ ನಾಯಕನ ನಟನ ಅಭಿಮಾನಿಗಳು ಮತ್ತೊಬ್ಬ ನಟನ ತೇಜೋವಧೆ ಮಾಡುವುದು ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ಈಗಲೇ ಮೊದಲ ಬಾರಿಗೆ ಕಂಡು ಬರುತ್ತಿದೆ. ಇದು ಒಳ್ಳೆಯ ಬೆಳವಣಿಗೆ ಇಲ್ಲ. ಹೀಗೆ ಮತ್ತೊಬ್ಬ ನಟನನ್ನು ತೇಜೋವಧೆ ಮಾಡುವುದು ಸ್ವತಃ ನಿಮ್ಮ ಹೀರೋ ಗೂ ಇಷ್ಟವಾಗುವುದಿಲ್ಲ' ಎಂದಿದ್ದಾರೆ ಸುದೀಪ್ ಅಭಿಮಾನಿಗಳು.