ಅಭಿಮಾನಿಗಳಿಗಿರುವ ಕೋಪ ಸುದೀಪ್ ಗಿಲ್ಲ.! ಅದಕ್ಕೆ ಸಾಕ್ಷಿ ಈ ಮಾತು...

ಕಿಚ್ಚ ಸುದೀಪ್ ಕೊಟ್ಟ ಮೊದಲ ಪ್ರತಿಕ್ರಿಯೆ ಏನು.?

ಸುದೀಪ್ ಹಾಕಿದ ಚಾಲೆಂಜ್ ಸ್ವೀಕರಿಸಿ ಯಶ್ ವಿಡಿಯೋ ಪೋಸ್ಟ್ ಮಾಡಿದ್ಮೇಲೆ, ಅದನ್ನ ನೋಡಿ ಕಿಚ್ಚನ ಹುಡುಗರು ಗರಂ ಆದರು. ಆದ್ರೆ, ಯಶ್ ಮಾಡಿದ ವಿಡಿಯೋ ನೋಡಿ ಸುದೀಪ್ ಕೊಟ್ಟ ಪ್ರತಿಕ್ರಿಯೆ ಏನ್ಗೊತ್ತಾ.? ''Awesome... ನಿಮ್ಮ ಸ್ನೇಹಿತನಿಗೆ ನನ್ನ ಶುಭಾಶಯಗಳು. ನಿಮ್ಮ ಸ್ನೇಹಿತನಿಗೆ ಒಳ್ಳೆಯ ಟ್ರೇನರ್ ಸಿಕ್ಕಿರುವ ಹಾಗಿದೆ'' ಎಂದು ಟ್ವೀಟ್ ಮಾಡಿದರು ನಟ ಸುದೀಪ್.

ಸೋಷಿಯಲ್ ಮೀಡಿಯಾದಲ್ಲಿ ಕೋಲಾಹಲ

ಈ ನಡುವೆ ಸೋಷಿಯಲ್ ಮೀಡಿಯಾದಲ್ಲಿ ಕಲಹ-ಕೋಲಾಹಲವೇ ಸೃಷ್ಟಿಯಾಯಿತು. ನಟ ಯಶ್ ವಿರುದ್ಧ ಸುದೀಪ್ ಅಭಿಮಾನಿಗಳು ಯುದ್ಧಕ್ಕೆ ನಿಂತರು. ಯಶ್ ಫ್ಯಾನ್ಸ್ ಹಾಗೂ ಕಿಚ್ಚನ ಫ್ಯಾನ್ ನಡುವೆ ಕಿತ್ತಾಟ ಶುರುವಾಗಿದ್ದನ್ನ ನೋಡಿ ಕಿಚ್ಚ ಸುದೀಪ್ ಒಂದು ಟ್ವೀಟ್ ಮಾಡಿದ್ದಾರೆ.

ಅಭಿಮಾನಿಗಳಲ್ಲಿ ಸುದೀಪ್ ವಿನಂತಿ

''ನನ್ನ ಫಿಟ್ನೆಸ್ ಚಾಲೆಂಜ್ ನ ಸ್ವೀಕರಿಸಿ, ಆ ವಿಡಿಯೋನ ಯಶ್ ಪೋಸ್ಟ್ ಮಾಡಿದ್ದು ಪ್ರೀತಿ ಹಾಗೂ ಗೌರವದಿಂದಲೇ. ದಯವಿಟ್ಟು ಯಶ್ ವಿರುದ್ಧ ಕಿಡಿಕಾರಬೇಡಿ. ಇದು ನನ್ನ ಅಭಿಮಾನಿಗಳು ಹಾಗೂ ಸ್ನೇಹಿತರ ಬಳಿ ನಾನು ಮಾಡಿಕೊಳ್ಳುತ್ತಿರುವ ವಿನಂತಿ. ಇದನ್ನ ಗೌರವಿಸುತ್ತೀರಿ ಎಂದು ಭಾವಿಸುವೆ'' ಎಂದು ನಟ ಸುದೀಪ್ ಟ್ವೀಟ್ ಮಾಡಿದ್ದಾರೆ.

ಅಭಿಮಾನಿಗಳ ಕೋಪ ತಣ್ಣಗೆ ಆಗಿಲ್ಲ

ಅಭಿಮಾನಿಗಳಲ್ಲಿ ಸುದೀಪ್ ವಿನಂತಿ ಮಾಡಿಕೊಂಡಿದ್ದಾಗಿದೆ. ಆದರೂ ಸುದೀಪ್ ಅಭಿಮಾನಿಗಳ ಕೋಪ ಕಮ್ಮಿ ಆಗಿಲ್ಲ. ಯಶ್-ಕಿಚ್ಚನ ಫ್ಯಾನ್ ನಡುವೆ ಮಾತಿನ ಚಕಮಕಿ ನಡೆಯುತ್ತಲೇ ಇದೆ.