ಲಂಡನ್ ಲಾರ್ಡ್ಸ್ ಮೈದಾನದಲ್ಲಿ ಕಿಚ್ಚನಿಗೆ ಗೆಲುವಿನ ಕಿರೀಟ

'ಕಾರ್ಪೋರೇಟ್ ಕ್ರಿಕೆಟ್ ಡೇ' ಟೂರ್ನಮೆಂಟ್ ನಲ್ಲಿ ಸುದೀಪ್ ತಂಡಕ್ಕೆ ಜಯ

ಲಂಡನ್ ಲಾರ್ಡ್ಸ್ ಮೈದಾನದಲ್ಲಿ ನಡೆದ ಕ್ರಿಕೆಟ್ ಟೂರ್ನಮೆಂಟ್ ನಲ್ಲಿ ಫೈನಲ್ ಪಂದ್ಯದಲ್ಲಿ ಸುದೀಪ್ ರವರ 'Visionnaire)' ತಂಡ 'Deloitte' ಎಂಬ ತಂಡದ ವಿರುದ್ಧ ಗೆಲುವು ಸಾಧಿಸಿದೆ.[ಕಿಚ್ಚ ಸುದೀಪ್ ಗೆ ಲಂಡನ್‌ನಿಂದ ಬಂದಿದೆ ಸಿಹಿ ಸುದ್ದಿ; ಏನದು?]

ಗೆಲುವಿನ ಬಗ್ಗೆ ಸುದೀಪ್ ಟ್ವೀಟ್

ಲಾರ್ಡ್ಸ್ ಮೈದಾನದಲ್ಲಿ ಕ್ರಿಕೆಟ್ ಆಡಿ ಗೆದ್ದಿರುವ ಸುದೀಪ್, "ಲಾರ್ಡ್ಸ್ ಮೈದಾನದಲ್ಲಿ ಆಟವಾಡುವುದೇ ಹೆಮ್ಮೆ... ಇನ್ನು 'Deloitte' ತಂಡದ ವಿರುದ್ಧ ಆಟವಾಡಿ ಗೆಲುವು ಸಾಧಿಸುವುದು ಎಂದೂ ಮರೆಯಲಾಗದ ಕ್ಷಣ. ಆತಿಥ್ಯ ನೀಡಿ ಗೌರವಿಸಿದ ಎಲ್ಲರಿಗೂ ನನ್ನ ಧನ್ಯವಾದಗಳು" ಎಂದು ಟ್ವೀಟ್ ಮಾಡಿದ್ದಾರೆ.

ಎಲ್‌ಇಡಿ ಸ್ಕ್ರೀನ್ ನಲ್ಲಿ ಸುದೀಪ್ ಮತ್ತು ತಂಡದವರ ಫೋಟೋ

ಕ್ರಿಕೆಟ್ ಟೂರ್ನಮೆಂಟ್ ನಲ್ಲಿ ಗೆಲುವು ಸಾಧಿಸಿದ ನಂತರ ಸುದೀಪ್ ಮತ್ತು ತಂಡದವರು ಫೋಟೋಗೆ ನೀಡಿದ ಪೋಸ್ ಲಾರ್ಡ್ಸ್ ಮೈದಾನದಲ್ಲಿಯ ಎಲ್‌ಇಡಿ ಸ್ಕ್ರೀನ್ ನಲ್ಲಿ ಕಾಣಿಸಿದ ಕ್ಷಣದ ಫೋಟೋವನ್ನು ಸುದೀಪ್ ಸಂತೋಷದಿಂದ ಟ್ವಿಟರ್ ನಲ್ಲಿ ಶೇರ್ ಮಾಡಿದ್ದಾರೆ. ಅಲ್ಲದೇ ಗೆಲುವಿಗೆ ಸಪೋರ್ಟ್ ಮಾಡಿದ ಎಲ್ಲಾ ಸ್ನೇಹಿತರಿಗೆ ಶುಭಾಶಯ ಕೋರಿ ಧನ್ಯವಾದಗಳನ್ನು ಹೇಳಿ ಈ ಫೋಟೋ ಸಹಿತ ಟ್ವೀಟ್ ಮಾಡಿದ್ದಾರೆ.

ಸೆಮಿಫೈನಲ್ ತಲುಪಿದ್ದ 'Visionnaire' ಟೀಮ್

ಸುದೀಪ್ ಮುನ್ನೆಡೆಸಿದ್ದ 'Visionnaire' ತಂಡ ಮೂರು ಪಂದ್ಯಗಳನ್ನು ಸತತವಾಗಿ ಗೆದ್ದು ಸೆಮಿಫೈನಲ್ ಗೆ ಆಯ್ಕೆಯಾಗಿತ್ತು. ಇದೊಂದು ಅಪರೂಪದ ಕ್ಷಣ ಎಂದು ಸುದೀಪ್ ಅವರ ತಂಡದವರೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಂಡು ಟ್ವಿಟರ್ ನಲ್ಲಿ ಅಪ್ ಡೇಟ್ ನೀಡಿದ್ದರು.

'ವಿಸನ್ಯಾಯ್ರ್' ಟೀಮ್ ಆಟಗಾರರ ಜೊತೆ ಸೆಲ್ಫಿ

ಸುದೀಪ್ ತಾವು ಮುನ್ನೆಡಿಸಿದ 'Visionnaire' ತಂಡದ ಆಟಗಾರರೊಂದಿಗೆ ತೆಗೆಸಿಕೊಂಡ ಫೋಟೋ.

ಲಂಡನ್ ಕ್ರಿಕೆಟರ್ ಜೊತೆ ಸುದೀಪ್

'ಕಾರ್ಪೋರೇಟ್ ಕ್ರಿಕೆಟ್ ಡೇ' ಟೂರ್ನಮೆಂಟ್ ನ ಪೈನಲ್ ಪಂದ್ಯದಲ್ಲಿ ಎದುರಾಳಿ ತಂಡ Deloitte ಆಟಗಾರರಾದ ಲಂಡನ್ ನ ಖ್ಯಾತ ಕ್ರಿಕೆಟರ್ Alex Tudor ಜೊತೆ ಸುದೀಪ್ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಕ್ಷಣ ಹೇಗಿದೆ ನೋಡಿ.

ಮಾರ್ಕ್ ರಾಮ್‌ಪ್ರಕಾಶ್ ಮತ್ತು ಸುದೀಪ್

ಸುದೀಪ್ ಲಾರ್ಡ್ಸ್ ಮೈದಾನದಲ್ಲಿ ಲಂಡನ್ ಕ್ರಿಕೆಟರ್ ಮಾರ್ಕ್ ರಾಮ್‌ಪ್ರಕಾಶ್ ತಂಡದ ವಿರುದ್ಧವು ಕ್ರಿಕೆಟ್ ಆಡಿದರು. ಅವರೊಂದಿಗೆ ಕ್ರಿಕೆಟ್ ಆಟವಾಡಿದ ಸುಂದರ ಕ್ಷಣಗಳ ನೆನಪಿಗಾಗಿ ಫೋಟೋ ತೆಗೆಸಿಕೊಂಡು, ' ಮಾರ್ಕ್ ರಾಮ್‌ಪ್ರಕಾಶ್ ವಿರುದ್ಧ ಕ್ರಿಕೆಟ್ ಆಡುವ ಅತ್ಯುನ್ನತ ಅವಕಾಶ ನನಗೆ ಸಿಕ್ಕಿತು. ಅತ್ಯಂತ ಮೃದುಸಭಾವದ ವ್ಯಕ್ತಿ ಅವರು. ಥ್ಯಾಂಕ್ ಯು ಸರ್" ಎಂದು ಸುದೀಪ್ ಟ್ವೀಟ್ ಮಾಡಿದ್ದಾರೆ.