Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕನ್ನಡದಲ್ಲಿ ಸೂರ್ಯಾ ಶರೀರಕ್ಕೆ ಶಾರೀರವಾದ ಸುಮಂತ್ ಭಟ್
'ಸೂರರೈ ಪೊಟ್ರು' ತಮಿಳಿನ ಈ ಸಿನಿಮಾ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸದ್ದು ಮಾಡುತ್ತಿದೆ. ಎಲ್ಲರೂ ಸಿನಿಮಾ ಬಗ್ಗೆ ಮಾತನಾಡುತ್ತಿದ್ದಾರೆ.
ಕನ್ನಡಿಗ ಕ್ಯಾಪ್ಟನ್ ಗೋಪಿನಾಥ್ ಅವರ ಜೀವನ ಆಧರಿಸಿದ 'ಸೂರರೈ ಪೊಟ್ರು' ಸಿನಿಮಾ ಬಗ್ಗೆ ಬಹಳ ಒಳ್ಳೆಯ ವಿಮರ್ಶೆಗಳು ಕೇಳಿಬರುತ್ತಿವೆ. ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ಬಿಡುಗಡೆ ಆಗಿದೆ ಈ ಸಿನಿಮಾ.
ಸಿನಿಮಾ ನೋಡಿದವರು, ಕನ್ನಡದಲ್ಲಿ ಡಬ್ಬಿಂಗ್ ಆಗಿರುವ ಸಿನಿಮಾ ಸಹ ಚೆನ್ನಾಗಿಯೇ ಇದೆ ಎನ್ನುತ್ತಿದ್ದಾರೆ. ಅದರಲ್ಲಿಯೂ ಸ್ವತಃ ಸೂರ್ಯಾ ಅವರೇ ಕನ್ನಡದಲ್ಲಿ ಡಬ್ಬಿಂಗ್ ಮಾಡಿದ್ದಾರೆ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ಆದರೆ ಸೂರರೈ ಪೊಟ್ರು ನ ಕನ್ನಡ ಡಬ್ಬಿಂಗ್ಗೆ ಸೂರ್ಯಾ ಡಬ್ಬಿಂಗ್ ಮಾಡಿಲ್ಲ.
ಸೂರ್ಯಾಗೆ ಧ್ವನಿ ನೀಡಿರುವುದು ನಟ ಸುಮಂತ್ ಭಟ್
ಸೂರರೈ ಪೊಟ್ರು ಕನ್ನಡ ಡಬ್ಬಿಂಗ್ ಸಿನಿಮಾದಲ್ಲಿ ಸೂರ್ಯಾಗೆ ಧ್ವನಿ ನೀಡಿರುವುದು ಕನ್ನಡದ ನಟ ಸುಮಂತ್ ಭಟ್. ಹೌದು, ಕನ್ನಡದ ಸುಮಂತ್ ಭಟ್, ನಟ ಸೂರ್ಯಾ ಪಾತ್ರಕ್ಕೆ ಕನ್ನಡದಲ್ಲಿ ಧ್ವನಿ ನೀಡಿದ್ದಾರೆ. ಸೂರ್ಯಾ ರ ಕನ್ನಡದ ಧ್ವನಿಯನ್ನು ಸಿನಿಮಾ ನೋಡಿದವರು ಮೆಚ್ಚಿಕೊಂಡಿದ್ದಾರೆ.
ಟ್ರೇಲರ್ ಬಿಡುಗಡೆ ಆಗಿದ್ದಾಗ ಬರೆದುಕೊಂಡಿದ್ದ ಸುಮಂತ್
ಸಿನಿಮಾದ ಟ್ರೇಲರ್ ಬಿಡುಗಡೆ ಆದಾಗ ಫೇಸ್ಬುಕ್ನಲ್ಲಿ ಬರೆದುಕೊಂಡಿರುವ ನಟ ಸುಮಂತ್ ಭಟ್, 'ಇದೆಲ್ಲಾ ಕೊರೊನಾ ಪ್ರಾರಂಭವಾಗುವ ಮುಂಚೆ ಪ್ರಾರಂಭವಾಯಿತು, ನನ್ನ ಹಿತೈಷಿಯೊಬ್ಬರು ಕರೆ ಮಾಡಿ, ನೀನು ನಟ ಸೂರ್ಯಾ ಗೆ ಕನ್ನಡದಲ್ಲಿ ಡಬ್ ಮಾಡಬೇಕು ಎಂದರು' ಅವರಿಂದಲೇ ಇದು ಸಾಧ್ಯವಾಗಿದ್ದು ಎಂದಿದ್ದಾರೆ ಸುಮಂತ್.
ಚೆನ್ನೈಗೆ ತೆರಳಿ ಡಬ್ಬಿಂಗ್ ಮಾಡಿದ ಸುಮಂತ್
ಅಂತೆಯೇ ನಾನು ಚೆನ್ನೈಗೆ ತೆರಳಿ ಸೂರ್ಯಾ ರವರ ಸೂರರೈ ಪೊಟ್ರು ಸಿನಿಮಾಗೆ ಡಬ್ ಮಾಡಿದೆ, ಅಬ್ಬಾ ಎಂಥಬಾ ಅದ್ಭುತವಾದ ನಟನೆ ಅವರದ್ದು, ಇಂಥಹಾ ಪ್ರೇರಣಾಧಾಯಕ ಸಿನಿಮಾವನ್ನು ನಾನು ನೋಡಿಲ್ಲ' ಎಂದಿದ್ದಾರೆ ಸುಮಂತ್ ಭಟ್.
Recommended Video
ಭಾವನೆಗಳಿಗೆ ತಕ್ಕಂತೆ ಧ್ವನಿ ಏರಿಳಿತ
ಸುಮಂತ್ ಭಟ್ ಕೆಲವು ಯೂಟ್ಯೂಬ್ ಕಂಟೆಂಟ್ಗಳಲ್ಲಿ, ಟಿವಿಗಳಲ್ಲಿ ನಟನೆ ಮಾಡಿದ್ದಾರೆ. ಅವರ ಧ್ವನಿ ಬಹುತೇಕ ಸೂರ್ಯಾ ಅವರ ಧ್ವನಿಯನ್ನು ಹೋಲುತ್ತದೆ. ಸೂರರೈ ಪೊಟ್ರು ಕನ್ನಡ ಅವತರಣಿಕೆಯಲ್ಲಿ, ಸೂರ್ಯಾ ಅವರ ಭಾವ ಏರಿಳಿತಗಳನ್ನು ಸರಿಯಾಗಿ ಗುರುತಿಸಿ ಅಂತೆಯೇ ಧ್ವನಿ ನೀಡಿದ್ದಾರೆ ಸುಮಂತ್ ಭಟ್.