ಸಾಮಾಜಿಕ ಜಾಲತಾಣಗಳಲ್ಲಿ ರಜನಿಕಾಂತ್ ಹವಾ ಬಲು ಜೋರು

ಫೇಸ್ ಬುಕ್ ಗೆ ಲಗ್ಗೆ ಇಟ್ಟ ರಜನಿಕಾಂತ್

'ವಣಕ್ಕಂ' (ನಮಸ್ಕಾರ) ಎಂದು ಪೋಸ್ಟ್ ಮಾಡುವ ಮೂಲಕ ನಿನ್ನೆಯಷ್ಟೇ ಫೇಸ್ ಬುಕ್ ಲೋಕಕ್ಕೆ ರಜನಿಕಾಂತ್ ಪದಾರ್ಪಣೆ ಮಾಡಿದ್ದಾರೆ.

ಒಂದೇ ದಿನದಲ್ಲಿ ಲಕ್ಷ ಫಾಲೋವರ್ಸ್

ಫೇಸ್ ಬುಕ್ ಗೆ ರಜನಿಕಾಂತ್ ಕಾಲಿಟ್ಟು ಇನ್ನೂ 24 ಗಂಟೆಗಳು ಕಳೆದಿಲ್ಲ. ಆಗಲೇ, ಫೇಸ್ ಬುಕ್ ನಲ್ಲಿ ರಜನಿಕಾಂತ್ ಗೆ 139,527 ಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಹಾಗೇ ರಜನಿಕಾಂತ್ ಅಕೌಂಟ್ ಕೂಡ ವೆರಿಫೈ ಆಗಿದೆ. ಇದು ದಾಖಲೆ ಅಲ್ಲದೇ ಮತ್ತೇನು.?

ಇನ್ಸ್ಟಾಗ್ರಾಮ್ ಗೆ ಕಾಲಿಟ್ಟ ರಜನಿಕಾಂತ್

'ವಣಕ್ಕಂ.. ವಂದುಟ್ಟೇನ್ ನು ಸೊಲ್ಲು' (ನಮಸ್ಕಾರ.. ಬಂದಿದ್ದೇನೆ ಎಂದು ಹೇಳು) ಎಂದು ಬರೆದುಕೊಂಡು 'ಕಬಾಲಿ' ಚಿತ್ರದ ಒಂದು ಫೋಟೋ ಹಾಕುವ ಮೂಲಕ ಜನಪ್ರಿಯ ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ ಗೂ ರಜನಿಕಾಂತ್ ಕಾಲಿಟ್ಟಿದ್ದಾರೆ.

ಸಾವಿರಾರು ಫಾಲೋವರ್ಸ್

ಇನ್ಸ್ಟಾಗ್ರಾಮ್ ಗೆ ಕಾಲಿಟ್ಟು ಒಂದು ದಿನ ಆಗಿದ್ರೂ, ಹಾಕಿರೋದು ಒಂದೇ ಒಂದು ಪೋಸ್ಟ್ ಆದರೂ, ರಜನಿಕಾಂತ್ ಗೆ ಅದಾಗಲೇ 33 ಸಾವಿರಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ.