ನಂಬಿದ್ರೆ ನಂಬಿ, ತೆಲುಗಿನಲ್ಲಿ ನಿಖಿಲ್ ಕುಮಾರ್ ಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡು.!

ನಿಖಿಲ್ ಕುಮಾರ್ ಎರಡನೇ ಸಿನಿಮಾ ಫಿಕ್ಸ್

ನಿಖಿಲ್ ಕುಮಾರ್ ರವರ ಎರಡನೇ ಚಿತ್ರಕ್ಕೆ ಸದ್ಯದಲ್ಲೇ ಗ್ರ್ಯಾಂಡ್ ಓಪನ್ನಿಂಗ್ ಸಿಗಲಿದೆ. ಈ ಬಾರಿ ನಿಖಿಲ್ ಕುಮಾರ್ ರವರಿಗೆ ನಿರ್ದೇಶನ ಮಾಡಲು ಸಜ್ಜಾಗಿರುವವರು ತೆಲುಗಿನ ಖ್ಯಾತ ನಿರ್ದೇಶಕ ಸುರೇಂದರ್ ರೆಡ್ಡಿ ['ಜಾಗ್ವಾರ್' ಬರೋ ಮುನ್ನವೇ 3 ತೆಲುಗು ಚಿತ್ರಕ್ಕೆ ನಿಖಿಲ್ ಬುಕ್ ಆಗಿದ್ದಾರಾ?]

ಸುರೇಂದರ್ ರೆಡ್ಡಿ ಕುರಿತು

'ಆತನೊಕ್ಕಡೆ', 'ಕಿಕ್', 'ಊಸರವಳ್ಳಿ', 'ರೇಸ್ ಗುರ್ರಂ', 'ಕಿಕ್ 2' ಸೇರಿದಂತೆ ತೆಲುಗಿನಲ್ಲಿ ಸಾಲು ಸಾಲು ಸೂಪರ್ ಹಿಟ್ ಚಿತ್ರಗಳನ್ನ ನೀಡಿರುವ ಸುರೇಂದರ್ ರೆಡ್ಡಿ ಈಗ ನಿಖಿಲ್ ಕುಮಾರ್ ಗೆ ಆಕ್ಷನ್ ಕಟ್ ಹೇಳಲು ಮುಂದೆ ಬಂದಿದ್ದಾರೆ. [ಎಕ್ಸ್ ಕ್ಲೂಸಿವ್ ಫೋಟೋ: 'ಜಾಗ್ವಾರ್' ಅಡ್ಡದಲ್ಲಿ ತಮನ್ನಾ ಜಿಂಗಿಚಕ್ಕ]

ತೆಲುಗಿನಲ್ಲೇ ನೆಲೆಯೂರುತ್ತಾರಾ ನಿಖಿಲ್.?

ಟಾಲಿವುಡ್ ನಲ್ಲಿ ನಿಖಿಲ್ ಕುಮಾರ್ ಗೆ ಸಿಗುತ್ತಿರುವ ರೆಸ್ಪಾನ್ಸ್ ನೋಡಿದರೆ, ನಿಖಿಲ್ ಕುಮಾರ್ ಅಲ್ಲೇ ಭದ್ರವಾಗಿ ನೆಲೆಯೂರುವುದರಲ್ಲಿ ಅನುಮಾನ ಬೇಡ. [ನಿಖಿಲ್ 'ಜಾಗ್ವಾರ್' ಬಗ್ಗೆ ಜನ ಹೀಗೂ ಯೋಚನೆ ಮಾಡ್ತಿದ್ದಾರೆ ಸ್ವಾಮಿ!]

ದ್ವಿಭಾಷೆಯಲ್ಲಿ ತಯಾರಾಗಲಿದೆ ಈ ಚಿತ್ರ

ಸುರೇಂದರ್ ರೆಡ್ಡಿ ನಿರ್ದೇಶಿಸಲಿರುವ, ನಿಖಿಲ್ ಕುಮಾರ್ ಅಭಿನಯಿಸಲಿರುವ ಹೊಸ ಚಿತ್ರ ಕನ್ನಡ ಹಾಗೂ ತೆಲುಗಿನಲ್ಲಿ ಏಕಕಾಲಕ್ಕೆ ಸಿದ್ಧವಾಗಲಿದೆ. ಆ ಮೂಲಕ ಸುರೇಂದರ್ ರೆಡ್ಡಿ ಸ್ಯಾಂಡಲ್ ವುಡ್ ಗೂ ಪದಾರ್ಪಣೆ ಮಾಡಲಿದ್ದಾರೆ.

ಮುಂದಿನ ವರ್ಷ ಶೂಟಿಂಗ್.!

2017 ರ ಫೆಬ್ರವರಿಯಿಂದ ಈ ಸಿನಿಮಾದ ಶೂಟಿಂಗ್ ಶುರುವಾಗಲಿದೆ ಎನ್ನಲಾಗಿದೆ. ತಾರಾಬಳಗ ಹಾಗೂ ತಂತ್ರಜ್ಞರ ತಂಡ ಇನ್ನೂ ಕನ್ಫರ್ಮ್ ಆಗಿಲ್ಲ.

ನಾಳೆ 'ಜಾಗ್ವಾರ್' ನೋಡಲು ರೆಡಿನಾ?

ನಾಳೆ (ಅಕ್ಟೋಬರ್ 6) ಬಿಡುಗಡೆ ಆಗುತ್ತಿರುವ 'ಜಾಗ್ವಾರ್' ಚಿತ್ರವನ್ನ ನೋಡಲು ನೀವು ರೆಡಿನಾ?