'ತಾಯಿಗೆ ತಕ್ಕ ಮಗ'ನ ಬಗ್ಗೆ ನೀವು ತಿಳಿಯಬೇಕಾದ ಆ 'ನಾಲ್ಕು' ಅಂಶಗಳು

ಹ್ಯಾಟ್ರಿಕ್ ಕಾಂಬಿನೇಷನ್

ಅಜಯ್ ರಾವ್ ಮತ್ತು ನಿರ್ದೇಶಕ ಶಶಾಂಕ್ ಅವರದ್ದು ಇದು ಹ್ಯಾಟ್ರಿಕ್ ಸಿನಿಮಾ. ಈ ಹಿಂದೆ 'ಕೃಷ್ಣನ್ ಲವ್ ಸ್ಟೋರಿ' ಮತ್ತು 'ಕೃಷ್ಣಲೀಲಾ' ಎಂದು ಎರಡು ದೊಡ್ಡ ಸಿನಿಮಾ ನೀಡಿದ್ದ ಜೋಡಿ ಇದು. ಇದೀಗ, ಮೂರನೇ ಸಿನಿಮಾ 'ತಾಯಿಗೆ ತಕ್ಕ ಮಗ' ಇದೇ ವಾರ ಬರ್ತಿದ್ದು, ಈ ಹಿಂದಿನ ಚಿತ್ರಗಳಂತೆ ಅಷ್ಟೇ ದೊಡ್ಡ ಕುತೂಹಲ ಮೂಡಿಸಿದೆ.

ಅಜಯ್ 25ನೇ ಸಿನಿಮಾ

2003ರಲ್ಲಿ 'ಎಕ್ಸ್ ಕ್ಯೂಸ್ ಮೀ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಯಾದ ನಟ ಅಜಯ್ ರಾವ್ ಈಗ ಸಿಲ್ವರ್ ಜ್ಯೂಬ್ಲಿ ಸಿನಿಮಾದ ಸಾಧನೆ ಮಾಡಿದ್ದಾರೆ. 'ತಾಯಿಗೆ ತಕ್ಕ ಮಗ' ಅಜಯ್ ಗೆ 25ನೇ ಸಿನಿಮಾ. ತಾಜ್ ಮಹಾಲ್, ಪ್ರೇಮ್ ಕಹಾನಿ, ಕೃಷ್ಣನ್ ಲವ್ ಸ್ಟೋರಿ, ಕೃಷ್ಣಲೀಲಾ, ರೋಸ್, ಎಂದೆಂದಿಗೂ, ಕೃಷ್ಣ-ರುಕ್ಕು, ಕೊನೆಯದಾಗಿ ಧೈರ್ಯಂ ಸೇರಿದಂತೆ ಹಲವು ಸಿನಿಮಾದಲ್ಲಿ ನಾಯಕನಾಗಿ ಅಭಿನಯಿಸಿದ್ದಾರೆ.

ಶಶಾಂಕ್ ಸಿನಿಮಾಸ್ ಚೊಚ್ಚಲ ಕಾಣಿಕೆ

'ಸಿಕ್ಸರ್' ಚಿತ್ರದ ಮೂಲಕ ಡೈರಕ್ಷನ್ ಆರಂಭಿಸಿದ ನಿರ್ದೇಶಕ ಶಶಾಂಕ್ ಮೊಗ್ಗಿನ ಮನಸ್ಸು, ಜರಾಸಂಧ, ಬಚ್ಚನ್, ಮುಂಗಾರು ಮಳೆ 2, ಸೇರಿದಂತೆ 7 ಚಿತ್ರಗಳನ್ನ ನಿರ್ದೇಶನ ಮಾಡಿ ಯಶಸ್ಸು ಕಂಡಿದ್ದಾರೆ. ಇದೇ ಮೊದಲ ಬಾರಿಗೆ ಸಿನಿಮಾ ನಿರ್ಮಿಸಿದ್ದಾರೆ. 'ತಾಯಿಗೆ ತಕ್ಕ ಮಗ' ಸಿನಿಮಾ 'ಶಶಾಂಕ್ ಸಿನಿಮಾಸ್' ಅಡಿಯಲ್ಲಿ ಬರ್ತಿರುವ ಚೊಚ್ಚಲ ಕಾಣಿಕೆ.

ಸುಮಲತಾ-ಅಜಯ್ ಜೋಡಿ

15 ವರ್ಷಗಳ ನಂತರ ಹಿರಿಯ ನಟಿ ಸುಮಲತಾ ಮತ್ತು ಅಜಯ್ ರಾವ್ ಅಮ್ಮ ಮತ್ತು ಮಗನಾಗಿ ಮತ್ತೆ ಕಾಣಿಸಿಕೊಳ್ಳುತ್ತಿದ್ದಾರೆ. 'ಎಕ್ಸ್ ಕ್ಯೂಸ್ ಮೀ' ಚಿತ್ರದಲ್ಲಿ ಅಜಯ್ ರಾವ್ ಗೆ ಸುಮಲತಾ ಅಮ್ಮನ ಪಾತ್ರ ಮಾಡಿದ್ದರು. ಇದೀಗೆ, 'ತಾಯಿಗೆ ತಕ್ಕ ಮಗ' ಸಿನಿಮಾದಲ್ಲಿ ಅದೇ ಕಾಂಬಿನೇಷನ್ ವಾಪಸ್ ಆಗಿದೆ. ಇದು ಸಿನಿಪ್ರಿಯರಿಗೆ ಸರ್ಪ್ರೈಸ್ ಎಲಿಮೆಂಟ್.