ರೀಲರ್ಸ್‌ಗಳಿಗೆ ಬಿಸಿ ಮುಟ್ಟಿಸಿದ ಸಂಚಾರಿ ಪೊಲೀಸರು: 17500 ದಂಡ!

ವೀಲಿಂಗ್ ಮಾಡುವವರ ವಿರುದ್ಧವೂ ದಂಡ

ರೀಲರ್ಸ್‌ಗಳ ವಿರುದ್ಧ ಮಾತ್ರವಲ್ಲದೆ. ವೀಲಿಂಗ್ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವವರ ವಿರುದ್ಧ ಬೆಂಗಳೂರು ಪೊಲೀಸರು ಕ್ರಮ ಜರುಗಿಸಿದ್ದಾರೆ. ಅಂಥಹಾ ಬೈಕ್ ರೈಡರ್‌ಗಳನ್ನು ಹುಡುಕಿ ಅವರ ಮೇಲೆ ದಂಡ ಹೇರಿರುವುದಲ್ಲದೆ ಕೆಲವರ ಬಳಿ ಬೈಕ್ ಸಹ ವಶಪಡಿಸಿಕೊಂಡಿದ್ದಾರೆ.

ಸೂಚನೆ ನೀಡಿದ್ದ ರವಿಕಾಂತೇ ಗೌಡ

ಕೆಲವು ದಿನಗಳ ಹಿಂದೆಯಷ್ಟೆ ಆಯುಕ್ತ ರವಿಕಾಂತೇ ಗೌಡ ಅವರು, ಇನ್ನು ಮುಂದೆ ಸಂಚಾರಿ ಪೊಲೀಸರು ದಾಖಲಾತಿ ತಪಾಸಣೆ ನೆಪದಲ್ಲಿ ಸುಖಾ-ಸುಮ್ಮನೆ ಬೈಕ್ ಚಾಲಕರನ್ನು ಅಡ್ಡಗಟ್ಟಬಾರದು ಎಂದಿದ್ದರು. ಅದರ ಬೆನ್ನಲ್ಲೆ ಈಗ ಯಾರು ಸಂಚಾರಿ ನಿಯಮ ಉಲ್ಲಂಘಿಸುತ್ತಾರೆಯೋ ಅವರನ್ನು ಹುಡುಕಿ ಹೋಗಿ ದಂಡ ಹೇರುವ ಪದ್ಧತಿಗೆ ಚಾಲನೆ ಸಿಕ್ಕಂತಿದೆ.

ಮೇಲ್ನೋಟಕ್ಕೆ ನಿಯಮ ಉಲ್ಲಂಘಿಸಿದ್ದರೆ ಮಾತ್ರ ತಡೆ

ರವಿಕಾಂತೇ ಗೌಡ ಹೇಳಿರುವಂತೆ, ಮೇಲ್ನೋಟಕ್ಕೆ ಸಂಚಾರ ನಿಯಮ ಉಲ್ಲಂಘನೆ ಮಾಡದವರನ್ನು ದಾಖಲಾತಿ ಪರಿಶೀಲನೆ ನೆಪದಲ್ಲಿ ರಸ್ತೆಯಲ್ಲಿ ಅಡ್ಡಗಟ್ಟುವಂತಿಲ್ಲ. ಒಂದೊಮ್ಮೆ ಬೈಕ್ ಸವಾರನು ಹೆಲ್ಮೆಟ್ ಧರಿಸದೆ ಬೈಕ್ ಚಲಾಯಿಸುತ್ತಿದ್ದಲ್ಲಿ, ಒನ್‌ ವೇ ನಲ್ಲಿ ಎದುರಾಗಿ ಬರುತ್ತಿದ್ದರೆ, ಸಿಗ್ನಲ್ ಜಂಪ್ ಮಾಡಿದ್ದನ್ನು ಪೊಲೀಸರು ನೋಡಿದ್ದರೆ ಮಾತ್ರವೇ ಸವಾರರನ್ನು ತಡೆದು ನಿಲ್ಲಿಸಬಹುದಾಗಿ ಇಲ್ಲವಾದರೆ ಯಾವುದೇ ಚಾಲಕರನ್ನು ತಡೆದು ನಿಲ್ಲಿಸಿ ದಾಖಲಾತಿ ಪರಿಶೀಲನೆ ಮಾಡುವಂತಿಲ್ಲ.

ರೀಲರ್ಸ್‌ಗಳ ವಿರುದ್ಧ ಈ ಹಿಂದೆಯೂ ದೂರು ದಾಖಲು

ಇನ್ನು ರೀಲರ್ಸ್‌ಗಳ ಮೇಲೆ ಟ್ರಾಫಿಕ್ ಪೊಲೀಸರ ಕಣ್ಣು ಬೀಳುತ್ತಿರುವುದು ಇದು ಮೊದಲೇನೂ ಅಲ್ಲ ಈ ಹಿಂದೆಯೂ ಒಮ್ಮೆ ಟಿಕ್‌ಟಾಕ್ ಇದ್ದಾಗ ಬೆಂಗಳೂರು ಸೇರಿದಂತೆ ಕೆಲವೆಡೆ ಪೊಲೀಸರು ಈ ಟಿಕ್‌ಟಾಕ್ ಸ್ಟಾರ್‌ಗಳಿಗೆ ಎಚ್ಚರಿಕೆ ನೀಡಿದ್ದರು. ಪೊಲೀಸರು ಮಾತ್ರವೇ ಅಲ್ಲದೆ, ಮಹಿಳೆಯರ ಬಗ್ಗೆ ನಿಂದನಾತ್ಮಕವಾಗಿ ವಿಡಿಯೋ ಮಾಡಿದ ಕೆಲವು ಟಿಕ್‌ ಟಾಕ್‌ ಸ್ಟಾರ್‌ಗಳ ಮೇಲೆ ದೂರು ಸಹ ದಾಖಲಾಗಿತ್ತು. ಮಕ್ಕಳನ್ನು ಹೊಡೆದಿದ್ದ ವಿಡಿಯೋ ವಿರುದ್ಧವೂ ದೂರು ದಾಖಲಾಗಿತ್ತು.