ಉಪೇಂದ್ರ-ಪ್ರಿಯಾಂಕಾ ದಂಪತಿಗೆ 17ನೇ ವರ್ಷ ವಿವಾಹ ವಾರ್ಷಿಕೋತ್ಸವ

ಸ್ಯಾಂಡಲ್‌ವುಡ್ ತಾರಾ ಜೋಡಿ ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಪ್ರಿಯಾಂಕಾ ದಂಪತಿ 17ನೇ ವರ್ಷದ ವಿವಾಹ ವಾರ್ಷಿಕೋತ್ಸವ ಸಂಭ್ರಮದಲ್ಲಿದ್ದಾರೆ.

ವಿಷ್ಣುವರ್ಧನ್-ಭಾರತಿ, ಅಂಬರೀಶ್-ಸುಮಲತಾ ನಂತರ ಕನ್ನಡ ಚಿತ್ರರಂಗದ ಮಾದರಿ ತಾರಾಜೋಡಿ ಎಂದು ಗುರುತಿಸಿಕೊಂಡಿರುವ ಉಪ್ಪಿ-ಪ್ರಿಯಾಂಕಾ ಜೋಡಿ 17 ವಸಂತಗಳನ್ನು ಪೂರೈಸಿದೆ. ಈ ಹಿನ್ನೆಲೆಯಲ್ಲಿ ಸ್ಯಾಂಡಲ್ವುಡ್ ಚಿತ್ರ ಪ್ರೇಮಿಗಳು ಉಪ್ಪಿ-ಪ್ರಿಯಾಂಕಾಗೆ ಶುಭಹಾರೈಸಿದ್ದಾರೆ.

2003ರಲ್ಲಿ ಮದುವೆಯಾದ ಈ ತಾರಾಜೋಡಿ ಕಷ್ಟ-ಸುಖವನ್ನ ಸಮನಾಗಿ ಸ್ವೀಕರಿಸಿ, 17 ವರ್ಷಗಳು ಯಶಸ್ವಿಯಾಗಿ ಪೂರೈಸಿದೆ. ಅಂದ್ಹಾಗೆ, ಉಪ್ಪಿ-ಪ್ರಿಯಾಂಕ ದಂಪತಿಗೆ ಆಯುಶ್-ಐಶ್ವರ್ಯ ಎಂಬ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ.

ಪ್ರಜಾಕೀಯದ ಜೊತೆಗೆ ಸಿನಿಮಾ ಇಂಡಸ್ಟ್ರಿಯಲ್ಲಿ ಬ್ಯುಸಿಯಾಗಿರುವ ಉಪೇಂದ್ರ ಕಬ್ಜ ಎಂಬ ಮೆಗಾ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆರ್ ಚಂದ್ರು ನಿರ್ದೇಶನದ ಈ ಚಿತ್ರ ಏಳು ಭಾಷೆಯಲ್ಲಿ ಬಿಡುಗಡೆಯಾಗಲಿದೆ.

ಮತ್ತೊಂದೆಡೆ ಪ್ರಿಯಾಂಕಾ ಉಪೇಂದ್ರ ಸಹ ಸತತ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಉಗ್ರಾವತಾರ, ಸೆಂಟ್ ಮಾರ್ಕ್ಸ್ ರೋಡ್, ಖೈಮೆರಾ, 1980 ಎಂಬ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಉಪ್ಪು-ಪ್ರಿಯಾಂಕಾ ಸಿನಿಮಾಗಳು

ಉಪೇಂದ್ರ ಹಾಗೂ ಪ್ರಿಯಾಂಕಾ ಉಪೇಂದ್ರ ಅವರು ಹಲವು ಸಿನಿಮಾಗಳಲ್ಲಿ ಒಟ್ಟಾಗಿ ಅಭಿನಯಿಸಿದ್ದಾರೆ. ತೆಲುಗಿನ 'ರಾ' ಸೇರಿದಂತೆ 2002 ರಲ್ಲಿ ತೆರೆಕಂಡ 'ಹೆಚ್2ಓ' ಹಾಗೂ 2011 ರಲ್ಲಿ ಬಿಡುಗಡೆಯಾದ 'ಶ್ರೀಮತಿ' ಚಿತ್ರಗಳಲ್ಲಿ ತೆರೆ ಹಂಚಿಕೊಂಡಿದ್ದಾರೆ.