ಉಪ್ಪಿಗೂ 'ಕಾಂತಾರ'ದಂತಹ ಸಿನಿಮಾ ಮಾಡೋ ಆಸೆ: ಶೀಘ್ರದಲ್ಲೇ ರಿಷಬ್ ಜೊತೆ ಚರ್ಚೆ!

'ಕಾಂತಾರ'ದಂತಹ ಸಿನಿಮಾ ಮಾಡುವ ಆಸೆಯಿದೆ'

ಉಪೇಂದ್ರ ಹಾಗೂ ರಿಷಬ್ ಶೆಟ್ಟಿ ಇಬ್ಬರ ಊರು ಒಂದೆನೇ. ಹೀಗಾಗಿ ರಿಯಲ್‌ ಸ್ಟಾರ್ ಉಪೇಂದ್ರಗೂ ಭೂತ ಕೋಲ ಆಚರಣೆ ಬಗ್ಗೆ ಅರಿವಿದೆ. ಹೀಗಾಗಿ 'ಕಾಂತಾರ'ದಂತಹ ಸಿನಿಮಾ ಮಾಡೋ ಆಸೆ ಅನ್ನು ಉಪೇಂದ್ರ ವ್ಯಕ್ತಪಡಿಸಿದ್ದಾರೆ. " ನಾನು ಸಿನಿಮಾ ಮಾಡಿದ್ದರೆ ಕಾಂತಾರ ಮಾಡಲು ಆಗುತ್ತಿರಲಿಲ್ಲ. ಕಾಂತಾರ ಸಿನಿಮಾವನ್ನು ತುಂಬಾ ಎಫೆಕ್ಟಿವ್ ಆಗಿ ಮಾಡಿದ್ದಾರೆ. ಸಂತೋಷ, ನನಗೂ ಮುಂದೆ ಇಂತಹ ಸಿನಿಮಾ ಮಾಡುವುದಕ್ಕೆ ಆಸೆಯಿದೆ. ರಿಷಬ್ ಹತ್ತಿರ ಮಾತಾಡುತ್ತೇನೆ." ಎಂದು ಉಪೇಂದ್ರ ಸುಳಿವು ನೀಡಿದ್ದಾರೆ.

ಧೈವಾರಾಧನೆ ಬಗ್ಗೆ ಉಪ್ಪಿ ಹೇಳಿದ್ದೇನು?

'ಕಾಂತಾರ' ಸಿನಿಮಾದಲ್ಲಿ ಕರಾವಳಿ ಭಾಗ ಭೂತ-ಕೋಲಾದ ಬಗೆಗಿನ ನಂಬಕೆ, ಆಚರಣೆಯನ್ನು ತೋರಿಸಲಾಗಿದೆ. ಇದು ಬಹಳ ಹಿಂದಿನಿಂದಲೂ ಜನರು ಆಚರಣೆ ಮಾಡಿಕೊಂಡು ಬರುತ್ತಿರುವ ನಂಬಿಕೆ. ರಿಯಲ್‌ಸ್ಟಾರ್‌ ಉಪೇಂದ್ರಗೂ ಕೂಡ ಈ ಬಗ್ಗೆ ನಂಬಿಕೆ ಹಾಗೂ ಅರಿವು ಇದೆ. ಹಾಗಾಗಿ ಅಲ್ಲಿನ ಜನರ ನಂಬಿಕೆ ಬಗ್ಗೆನೂ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. "ನಾನು ಅದೇ ಊರಿನವನು. ನಾನೂ ಅದನ್ನು ನೋಡಿದ್ದೀನಿ. ನಮ್ಮಲ್ಲಿ ಅದಕ್ಕೆ ವಿಶೇಷವಾದ ನಂಬಿಕೆ ಇದೆ. ಇವತ್ತಿಗೂ ನಮ್ಮ ತಂದೆ ನಾಗರಪೂಜೆ ತಪ್ಪದೆ ಮಾಡುತ್ತಾರೆ. ಬಹಳ ನಂಬಿಕೆ ಇರುವಂತಹ ಜಾಗ ಅದು. " ಎಂದು ಧೈವಾರಾಧನೆ ಬಗ್ಗೆ ಹೇಳಿದ್ದಾರೆ.

'ಬೆಂಕಿಗೆ ತುಪ್ಪ ಹಾಕೋದು ಸರಿಯಿಲ್ಲ'

ಇದೇ ವೇಳೆ ಚೇತನ್ ಅಹಿಂಸಾ ಮಾಡುತ್ತಿರುವ ಟೀಕೆಯನ್ನು ಉಪೇಂದ್ರ ವಿರೋಧಿಸಿದ್ದಾರೆ. " ಯಾವತ್ತೇ ಆಗಲಿ ಇಂತಹ ವಿಷಯಗಳನ್ನು ಮಾತಾಡಲೇ ಬಾರದು. ಇದನ್ನು ಜಾಸ್ತಿ ಪ್ರೋತ್ಸಾಹ ಮಾಡಬಾರದು. ನೆಗ್ಲೆಕ್ಟ್ ಮಾಡಿಬಿಡಬೇಕು. ಇಲ್ಲಾ ಅಂದರೆ, ನಾವೇ ಯಾವು ಯಾವುದಕ್ಕೋ, ಬೆಂಕಿಗೆ ತುಪ್ಪ ಹಾಕಿ ಜಾಸ್ತಿ ಬೆಳೆಸುವುದು ಸರಿಯಿಲ್ಲ. ಬಿಟ್ಟು ಬಿಡಿ ಅದನ್ನು. ಅದೆಲ್ಲಾ ಪರ್ಸನಲ್. ಅದೆಲ್ಲಾ ನಮ್ಮ ನಂಬಿಕೆಗಳು. ಅದನ್ನು ನಾವು ಸಾಮಾಜಿಕವಾಗಿ ಕಿತ್ತಾಡುವುದು ಸರಿಯಲ್ಲ." ಎಂದು ಟೀಕೆಗಳಿಗೆ ಟಕ್ಕರ್ ಕೊಟ್ಟಿದ್ದಾರೆ.

'ಕಾಂತಾರ' ಆರ್ಭಟ ನಿಂತಿಲ್ಲ

ರಿಷಬ್ ಶೆಟ್ಟಿಯ 'ಕಾಂತಾರ' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಅರ್ಭಟಿಸುತ್ತಿದೆ. ಕನ್ನಡದಲ್ಲೂ ದಾಖಲೆ ಮಾಡುವತ್ತ ಮುನ್ನುಗ್ಗುತ್ತಿದೆ. ಅದೇ ತೆಲುಗಿನಲ್ಲಿ ಹೊಸ ದಾಖಲೆಯನ್ನು ಬರೆಯುವುದಕ್ಕೆ ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿವೆ. ಮತ್ತೊಂದು ಕಡೆ ಹಿಂದಿಯಲ್ಲೂ ಸುಮಾರು 13 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿದೆ. ಹಾಗೇ ಹಬ್ಬದ ದಿನಗಳಲ್ಲಿ 'ಕಾಂತಾರ' ಇfನೂ ಹೆಚ್ಚು ಕಲೆಕ್ಷನ್ ಮಾಡುತ್ತೆ ಎಂದು ನಿರೀಕ್ಷೆ ಮಾಡಲಾಗಿದೆ.