ಸುದೀಪ್ 16 ಕೆಜಿ ತೂಕ ಇಳಿಸಿಕೊಳ್ಳಲು ಕಾರಣ ಯಾರು.?

16 ಕೆಜಿ ತೂಕ ಇಳಿಕೆ

ಇಷ್ಟು ದಿನ ಸುದೀಪ್ ಯಾವ ಚಿತ್ರಕ್ಕಾಗಿಯೂ ಇಷ್ಟೊಂದು ದೇಹ ದಂಡಿಸಿರಲಿಲ್ಲ. ಇದೇ ಮೊದಲ ಭಾರಿಗೆ ಜಿಮ್ ನಲ್ಲಿ ಭಾರಿ ಕಸರತ್ತು ಮಾಡಿರುವ ಸುದೀಪ್ ಬರೋಬ್ಬರಿ 16 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ. ಸದ್ಯ, ಸುದೀಪ್ 73 ಕೆಜಿ ತೂಕ ಇದ್ದಾರೆ.

ಈ ಮೊದಲು ಎಷ್ಟಿದ್ದರು.?

ಪೈಲ್ವಾನ್ ಚಿತ್ರಕ್ಕಾಗಿ 16 ಕೆಜಿ ತೂಕ ಕಡಿಮೆ ಮಾಡಿಕೊಂಡಿರುವ ಸುದೀಪ್ ಈ ಹಿಂದೆ 89 ಕೆಜಿ ಇದ್ದರು. ಬಟ್, ಈಗ ಇಷ್ಟೊಂದು ಸ್ಲಿಮ್ ಆಗಿರುವುದಕ್ಕೆ ಕೆಲವು ಖುಷಿ ವ್ಯಕ್ತಪಡಿಸಿದ್ರೆ, ಮತ್ತೆ ಕೆಲವರು ವಿರೋಧಿಸುತ್ತಿದ್ದಾರೆ. ಸುದೀಪ್ ಅವರ ತುಂಬಾ ಸಣ್ಣ ಆಗಿದ್ದಾರೆ. ಬೇಡ, ಅವರು ಮೊದಲು ಇದ್ಹಾಗೆ, ಇರಲಿ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಸಿನಿಮಾ ಎಂದು ಬಂದಾಗ, ಇದೆಲ್ಲಾ ಮಾಡಬೇಕು ಎನ್ನುವುದು ಚಿತ್ರಪ್ರೇಮಿಗಳ ಮಾತು.

ಸೊಂಟದ ಅಳತೆಯೂ ಸಣ್ಣವಾಗಿದೆ

16 ಕೆಜಿ ತೂಕ ಇಳಿಸಿಕೊಂಡಿರುವ ಕಾರಣ ಸುದೀಪ್ ಅವರ ಸೊಂಟದ ಅಳತೆ ಕೂಡ ಚಿಕ್ಕದಾಗಿದೆ. ಈ ಹಿಂದೆ 36 ಇದ್ದ ಸುದೀಪ್ ಸೊಂಟ ಈಗ 31.5 ಆಗಿದೆ. ಇದನ್ನ ಗಮನಿಸಿದ್ರೆ, ಪೈಲ್ವಾನ್ ಚಿತ್ರಕ್ಕಾಗಿ ಕಿಚ್ಚ ಎಷ್ಟರ ಮಟ್ಟಿಗೆ ಹಾರ್ಡ್ ವರ್ಕ್ ಮಾಡ್ತಿದ್ದಾರೆ ಎಂಬುದು ಗೊತ್ತಾಗ್ತಿದೆ.

ಕಿಚ್ಚನಿಗೆ ಸ್ಫೂರ್ತಿ ನೀಡಿದ್ದು ಯಾರು.?

ಸುದೀಪ್ ಈ ಹಿಂದೆ ಹೇಳಿರುವಂತೆ ಈ ಮಟ್ಟಿಗೆ ದೇಹ ದಂಡಿಸುಲು ಈ ಹಿಂದೆ ಯಾವತ್ತು ಧೈರ್ಯ ಮಾಡಿರಲಿಲ್ಲ. ಆದ್ರೀಗ, ಗಟ್ಟಿ ಮನಸ್ಸು ಮಾಡಲು ಕಾರಣ ಸಿನಿಮಾ ಕಥೆ. ಹೀಗಿದ್ದರೂ, ಸುದೀಪ್ ಅವರಿಗೆ ಖಳನಟ ಕಬೀರ್ ದುಹಾನ್ ಸಿಂಗ್ ಅವರು ಸ್ಫೂರ್ತಿ ನೀಡಿದ್ದಾರಂತೆ. ಸುದೀಪ್ ಅವರನ್ನ ಬಾಡಿಬಿಲ್ಡ್ ಮಾಡಲು ಕಬೀರ್ ಪ್ರೋತ್ಸಾಹಿಸಿದ್ದಾರೆ. ಎಂದು ಸ್ವತಃ ಸುದೀಪ್ ಥ್ಯಾಂಕ್ಸ್ ಹೇಳಿದ್ದಾರೆ.

9 ಭಾಷೆಗಳಲ್ಲಿ ಸುದೀಪ್ ಪೈಲ್ವಾನ್.!

ಸದ್ಯದ ಮಾಹಿತಿ ಪ್ರಕಾರ ಪೈಲ್ವಾನ್ ಸಿನಿಮಾ ಭಾರತದ ಒಂಭತ್ತು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಕನ್ನಡದ ಜೊತೆ ತೆಲುಗು, ತಮಿಳು, ಹಿಂದಿ, ಮಲಯಾಳಂ, ಮರಾಠಿ, ಪಂಜಾಬಿ, ಬೋಜ್ ‍ಪುರಿ (ಬಿಹಾರದ ಭಾಷೆ), ಬೆಂಗಾಲಿಯಲ್ಲಿ ಪೈಲ್ವಾನ್ ತೆರೆ ಕಾಣಲಿದೆ. ಹೆಬ್ಬುಲಿ ಖ್ಯಾತಿಯ ಕೃಷ್ಣ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳ್ತಿದ್ದಾರೆ.