ವಿಷ್ಣು ಸಿಂಪಲ್ ಬದುಕಿನ ಬಗ್ಗೆ ಇಂಟ್ರೆಸ್ಟಿಂಗ್ ವಿಚಾರ ಇಲ್ಲಿದೆ!

ಸಾಕಷ್ಟು ಜನರಿಗೆ ಸ್ಪೂರ್ತಿಯಾದ ವಿಷ್ಣು

ವಿಷ್ಣು ಸಾಕಷ್ಟು ಜನರಿಗೆ ಸ್ಪೂರ್ತಿಯಾದ ನಟ. ಸರಳತೆಯಿಂದಲೇ ಬದುಕಬೇಕು ಎನ್ನುವುದನ್ನು ರೂಡಿಸಿಕೊಂಡ ಕಲಾವಿದ. ಚಿತ್ರೀಕರಣಕ್ಕೆ ಬಂದಾಗ ವಿಷ್ಣು ಮೈಸೂರಿನ ಕಿಂಗ್ಸ್ ಕೋರ್ಟ್ ಹೋಟೆಲ್ ನಲ್ಲಿದ್ದ ಸಣ್ಣ ಕೊಠಡಿಯಲ್ಲಿ ಉಳಿದುಕೊಳ್ಳುತ್ತಿದ್ದರಂತೆ ವಿಷ್ಣು.

ಮುಂಚಿತವಾಗಿ ಬುಕ್ ಮಾಡುತ್ತಿರಲಿಲ್ಲ

ವಿಷ್ಣುವರ್ಧನ್ ಸದಾ ಉಳಿದುಕೊಳ್ಳುತಿದ್ದ ರೂಮ್ ನಂಬರ್ 334. ಹಾಗಂತ ಸಾಮಾನ್ಯ ದಿನಗಳಲ್ಲಿ ವಿಷ್ಣುಗಾಗಿ ಎಂದಿಗೂ ಈ ಕೊಠಡಿ ಬುಕ್ ಮಾಡುತ್ತಿರಲಿಲ್ಲ. ವಿಷ್ಣು ಮೈಸೂರಿನಲ್ಲಿ ಇಲ್ಲದ ದಿನ ಸಾಮಾನ್ಯವಾಗಿ ಹೋಟೆಲ್ ಗೆ ಭೇಟಿ ನೀಡುತ್ತಿದ್ದ ವ್ಯಕ್ತಿಗಳು ರೂಮ್ ಅನ್ನು ಬಳಸುತ್ತಿದ್ದರು.

ಪಂಚತಾರಾ ಹೋಟೆಲ್ ಆಸೆ ಇರಲಿಲ್ಲ

ಒಂದು ಕಾಲದಲ್ಲಿ ಸೂಪರ್ ಸ್ಟಾರ್ ಆಗಿದ್ದ ವಿಷ್ಣು ಎಷ್ಟೇ ಶ್ರೀಮಂತರಾದರೂ ಪಂಚ ತಾರಾ ಹೋಟೆಲ್ ನಲ್ಲಿ ಉಳಿದುಕೊಳ್ಳುತ್ತಿರಲಿಲ್ಲವಂತೆ. ನಿರ್ಮಾಪಕರಿಗೆ ಹೊರೆ ಆಗದಂತೆ ಮೈಸೂರಿನ ಕಿಂಗ್ಸ್ ಕೋರ್ಟ್ ಸಾಮಾನ್ಯ ಕೊಠಡಿಯಲ್ಲಿ 1972 ರಿಂದ 2009 ರ ವರೆಗೂ ಬಂದು ಹೋಗುವುದನ್ನು ಮಾಡುತ್ತಿದ್ದರಂತೆ.

ವಿಷ್ಣು ಬಳಸುತ್ತಿದ್ದ ಕೊಠಡಿ ವಿಡಿಯೋ

ಮೈಸೂರಿನಲ್ಲಿ ವಿಷ್ಣು ಉಳಿದುಕೊಳ್ತಿದ್ದ ಹೋಟೆಲ್ ಕೊಠಡಿ ವಿಡಿಯೋ ಸದ್ಯ ಫೇಸ್ ಬುಕ್ ನಲ್ಲಿ ವೈರಲ್ ಆಗ್ತಿದೆ. ಮೈಸೂರು ಮೂಲದ ಪತ್ರಕರ್ತರಾದ ಜನಾರ್ಧನ ರಾವ್ ಸಾಳಂಕೆ ಯವರು ಹೋಟೆಲ್ ವಿಡಿಯೋವನ್ನು ಫೇಸ್ ಬುಕ್ ನಲ್ಲಿ ಅಪ್ಲೋಡ್ ಮಾಡಿದ್ದಾರೆ.