ಸುದೀಪ್-ಯಶ್ ಅಭಿಮಾನಿಗಳ ನಡುವಿನ ಕೋಲಾಹಲ ಇನ್ನೂ ಕಮ್ಮಿ ಆಗಿಲ್ಲ.!

ಯುದ್ಧಕ್ಕೆ ಪೂರ್ಣ ವಿರಾಮ ಬಿದ್ದಿಲ್ಲ.!

ಯಶ್ ಫ್ಯಾನ್ಸ್ ಹಾಗೂ ಸುದೀಪ್ ಅಭಿಮಾನಿಗಳ ನಡುವಿನ ಯುದ್ಧಕ್ಕೆ ಇನ್ನೂ ಪೂರ್ಣ ವಿರಾಮ ಬಿದ್ದಿಲ್ಲ. ಸುದೀಪ್ ಬಳಿ ಯಶ್ ಕ್ಷಮೆ ಕೇಳಬೇಕು ಎಂದು ಕಿಚ್ಚನ ಹುಡುಗರು ನಿನ್ನೆ ಪಟ್ಟು ಹಿಡಿದಿದ್ದರು. ಆದ್ರೆ, ಇಂದು ಯಶ್ ಅಭಿಮಾನಿಗಳ ಬಳಿ ಸುದೀಪ್ ಫ್ಯಾನ್ಸ್ ಕ್ಷಮೆ ಕೇಳಬೇಕು ಅಂತ ಯಶ್ ಅಣ್ತಮ್ಮಂದಿರು ಡಿಮ್ಯಾಂಡ್ ಮಾಡ್ತಿದ್ದಾರೆ.

ಯಾಕೆ ಕ್ಷಮೆ ಕೇಳಬೇಕು.?

ರಾತ್ರೋ ರಾತ್ರಿ ಕೆಲ ವಿಡಿಯೋ ಹಾಗೂ ಪೋಸ್ಟ್ ಗಳನ್ನು ಸುದೀಪ್ ಫ್ಯಾನ್ಸ್ ಡಿಲೀಟ್ ಮಾಡಿದ್ದಾರಂತೆ. ಯಶ್ ತಪ್ಪು ಮಾಡದೇ ಇದ್ದರೂ, ಅವರ ವಿರುದ್ಧ ಆರೋಪ ಮಾಡಿದ ಸುದೀಪ್ ಅಭಿಮಾನಿಗಳು ಸದ್ಯ ಯಶ್ ಫ್ಯಾನ್ಸ್ ಗೆ ಕ್ಷಮೆ ಕೇಳಬೇಕಂತೆ.

ಕಿಡಿಕಾರಬೇಡಿ ಎಂದು ಕೇಳಿಕೊಂಡಿದ್ದರು ನಟ ಸುದೀಪ್

''ನನ್ನ ಫಿಟ್ನೆಸ್ ಚಾಲೆಂಜ್ ನ ಸ್ವೀಕರಿಸಿ, ಆ ವಿಡಿಯೋನ ಯಶ್ ಪೋಸ್ಟ್ ಮಾಡಿದ್ದು ಪ್ರೀತಿ ಹಾಗೂ ಗೌರವದಿಂದಲೇ. ದಯವಿಟ್ಟು ಯಶ್ ವಿರುದ್ಧ ಕಿಡಿಕಾರಬೇಡಿ. ಇದು ನನ್ನ ಅಭಿಮಾನಿಗಳು ಹಾಗೂ ಸ್ನೇಹಿತರ ಬಳಿ ನಾನು ಮಾಡಿಕೊಳ್ಳುತ್ತಿರುವ ವಿನಂತಿ. ಇದನ್ನ ಗೌರವಿಸುತ್ತೀರಿ ಎಂದು ಭಾವಿಸುವೆ'' ಎಂದು ನಟ ಸುದೀಪ್ ಟ್ವೀಟ್ ಮಾಡಿದ್ದರು.

ತಣ್ಣಗಾಗಿದ್ದ ಸುದೀಪ್ ಅಭಿಮಾನಿಗಳು.!

ಸುದೀಪ್ ಟ್ವೀಟ್ ಮಾಡಿದ್ಮೇಲೆ, ಅವರ ಫ್ಯಾನ್ಸ್ ಸ್ವಲ್ಪ ಕೂಲ್ ಆಗಿದ್ದರು. ಆದ್ರೆ, ಇಂದು ಸುದೀಪ್ ಫ್ಯಾನ್ಸ್ ವಿರುದ್ಧ ಯಶ್ ಅಭಿಮಾನಿಗಳು ರೊಚ್ಚಿಗೆದ್ದಿದ್ದಾರೆ. ಇದು ಎಲ್ಲಿಗೆ ಹೋಗಿ ತಲುಪುತ್ತದೋ, ನೋಡಬೇಕು.