ಶಂಕರ್ ಸಿನಿಮಾಕ್ಕೂ ಮುನ್ನ ಕನ್ನಡಿಗ ನಿರ್ದೇಶಕನಿಗೆ ಯೆಸ್ ಎಂದ ಯಶ್

ಯಶ್ ಗೆ ಕತೆ ಹೇಳಿರುವ ನರ್ತನ್?

'ಮಫ್ತಿ' ಅಂಥಹಾ ಸೂಪರ್ ಹಿಟ್ ಸಿನಿಮಾ ನಿರ್ದೇಶಿಸಿರುವ ನರ್ತನ್‌, ಯಶ್ ಗೆ ಕತೆ ಹೇಳಿದ್ದು, ನರ್ತನ್ ಸಿನಿಮಾಕ್ಕೆ ಯಶ್ ಓಕೆ ಎಂದಿದ್ದಾರೆ ಎನ್ನಲಾಗುತ್ತಿದೆ. ಈ ಸಿನಿಮಾದ ಚಿತ್ರೀಕರಣವು ಶಂಕರ್ ಸಿನಿಮಾಕ್ಕೂ ಮುನ್ನವೇ ಪ್ರಾರಂಭವಾಗಲಿದೆಯಂತೆ.

ಇದೂ ಸಹ ಪ್ಯಾನ್ ಇಂಡಿಯಾ ಸಿನಿಮಾ

'ಮಫ್ತಿ' ಅಂತವಾ ಸೂಪರ್ ಹಿಟ್ ಸಿನಿಮಾ ಕೊಟ್ಟಿದ್ದರೂ ಸಹ ನರ್ತನ್ ಆ ನಂತರ ಬೇರೆ ಸಿನಿಮಾ ನಿರ್ದೇಶಿಸಿಲ್ಲ. ಕತೆಯ ಬಗ್ಗೆ ಅತೀವವಾದ ಕಾಳಜಿವಹಿಸುವ ನರ್ತನ್, ಕತೆ ಪಕ್ಕಾ ಆಗಿರುವ ಕಾರಣ ಯಶ್ ಅನ್ನು ಸಂಪರ್ಕಿಸಿದ್ದಾರಂತೆ. ಈ ಸಿನಿಮಾ ಸಹ ಕೆಜಿಎಫ್ ನಂತೆ ಅದ್ಧೂರಿ ಪ್ಯಾನ್ ಸಿನಿಮಾ ಆಗಿರಲಿದೆ.

ಶಂಕರ್ ಸಿನಿಮಾದಲ್ಲಿ ನಟ ಯಶ್

ಇಂಡಿಯನ್, ರೋಬೊ, ಅನ್ನಿಯನ್, ಬಾಯ್ಸ್‌ ನಂಥಹಾ ಸೂಪರ್ ಹಿಟ್ ಸಿನಿಮಾಗಳನ್ನು ನಿರ್ದೇಶಿಸಿರುವ ಶಂಕರ್ ಅವರ ಮುಂದಿನ ಸಿನಿಮಾದಲ್ಲಿ ಯಶ್ ನಟಿಸುವುದು ಬಹುತೇಕ ಖಾತ್ರಿಯಾಗಿದೆ. ಈ ಸಿನಿಮಾದಲ್ಲಿ ಯಶ್ ಜೊತೆಗೆ ತೆಲುಗಿನ ರಾಮ್ ಚರಣ್ ತೇಜ ಸಹ ಇರಲಿದ್ದಾರಂತೆ.

ಜುಲೈ 16 ಕ್ಕೆ ಕೆಜಿಎಫ್ 2

ಇನ್ನು ಕೆಜಿಎಫ್ 2 ಸಿನಿಮಾದ ಬಿಡುಗಡೆ ಕೆಲವೇ ದಿನಗಳಲ್ಲಿ ಆಗಲಿದೆ. ಜುಲೈ 16 ರಂದು ಕೆಜಿಎಫ್ 2 ಸಿನಿಮಾ ತೆರೆಗೆ ಬರಲಿದೆ. ಸಿನಿಮಾದಲ್ಲಿ ಸಂಜಯ್ ದತ್ ವಿಲನ್ ಆಗಿ ನಟಿಸಿದ್ದಾರೆ. ರವೀನಾ ಟಂಡನ್, ಪ್ರಕಾಶ್ ರೈ, ಇನ್ನೂ ಕೆಲವು ಹೊಸ ಪಾತ್ರಗಳು ಸಿನಿಮಾದಲ್ಲಿ ಇರಲಿವೆ.