ಯೂರೋಪಿನಲ್ಲಿ ರಾಕಿಂಗ್ ಜೋಡಿ; ಅಭಿಮಾನಿಗಳಿಗೆ ಅದೊಂದೇ ಚಿಂತೆ!

ಲೇಕ್ ಬ್ಲಡ್ ಚರ್ಚ್ ನಲ್ಲಿ ರಾಕಿಂಗ್ ಜೋಡಿ

ಇಟಲಿ, ಸ್ಲೋವೆನಿಯಾ ದೇಶಗಳಲ್ಲಿ ಸುತ್ತಾಡುತ್ತಿರುವ ಜೋಡಿ ರಜೆಯ ಮಜಾ ಸವಿಯುತ್ತಿದೆ. ಸ್ಲೋವೆನಿಯಾದ‌ ಲೇಕ್ ಬ್ಲಡ್ ಚರ್ಚ್ ಮೆಟ್ಟಿಲುಗಳ ‌ಮೇಲೆ ನಿಂತು ರಾಧಿಕಾ ಪಂಡಿತ್ ಕ್ಯಾಮರಾಗೆ ಪೋಸ್ ಕೊಟ್ಟಿದ್ದಾರೆ. ಒಂದು ಪುಟ್ಟ ದ್ವೀಪದಲ್ಲಿರೋ ಲೇಕ್ ಬ್ಲಡ್ ಚರ್ಚ್ ಪ್ರವಾಸಿಗರ ಹಾಟ್ ಫೇವರಿಟ್ ಸ್ಪಾಟ್.

ವಿಶಿಷ್ಟ ಖಾದ್ಯಗಳ ರುಚಿಗೆ ಮಾರು ಹೋದ ದಂಪತಿ

ಯುರೋಪಿನ ಪ್ರವಾಸಿ ತಾಣಗಳಲ್ಲಿ ಸುತ್ತಾಡುತ್ತಿರುವ ಯಶ್- ರಾಧಿಕಾ ಅಲ್ಲಿನ ರೆಸ್ಟೋರೆಂಟ್ ಗಳಲ್ಲಿ ವಿಶಿಷ್ಟ ಖಾದ್ಯಗಳನ್ನು ಸವಿಯುತ್ತಿದ್ದಾರೆ. ಈ ವೇಳೆ ರಾಕಿಂಗ್ ಸ್ಟಾರ್ ಸೆಲ್ಫಿ ಕೂಡ ಕ್ಲಿಕ್ಕಿಸಿಕೊಂಡಿದ್ದಾರೆ. ರಾಧಿಕಾ ಕ್ಯಾಪ್ಷನ್ ನಲ್ಲೂ ಅದನ್ನು ಹೇಳಿದ್ದಾರೆ.

ಗೋವಾ ಪ್ರವಾಸ ಕೈಗೊಂಡಿದ್ದ ಯಶ್- ರಾಧಿಕಾ

ಕೆಜಿಎಫ್- 2 ರಿಲೀಸ್ ಬೆನ್ನಲ್ಲೇ ರಾಕಿಂಗ್ ಜೋಡಿ ಗೋವಾ ಪ್ರವಾಸ ಕೈಗೊಂಡಿತ್ತು.‌ ಈ ವೇಳೆ ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಅವರನ್ನು ಭೇಟಿ ಮಾಡಿದ್ದರು. ಪ್ರವಾಸದ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡಿತ್ತು.

ರಾಕಿಂಗ್ ಜೋಡಿ ಚಿತ್ರರಂಗಕ್ಕೆ ಕಾಲಿಟ್ಟು 14 ವರ್ಷ

ಯಶ್- ರಾಧಿಕಾ ಪಂಡಿತ್ 'ಮೊಗ್ಗಿನ ಮನಸು' ಸಿನಿಮಾ ಮೂಲಕ‌ ಚಿತ್ರರಂಗಕ್ಕೆ ಎಂಟ್ರಿ‌ಕೊಟ್ಟರು. ಅದೇ ಸಿನಿಮಾದಲ್ಲಿ ಶುರುವಾದ ಸ್ನೇಹ ಮುಂದೆ ಪ್ರೀತಿಗೆ ತಿರುಗಿ ಇಬ್ಬರು ಮದುವೆ ಆದರು. ಇತ್ತೀಚೆಗೆ ಇಬ್ಬರು ಚಿತ್ರರಂಗದಲ್ಲಿ 14 ವರ್ಷ ಪೂರೈಸಿದ ಸಂಭ್ರಮವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.

ಯಾವಾಗ ಶುರುವಾಗುತ್ತೆ ಯಶ್ 19 ಸಿನಿಮಾ ?

ಕೆಜಿಎಫ್- 2 ನಂತರ ವಾಟ್ ನೆಕ್ಸ್ಟ್ ಅನ್ನೋ ಪ್ರಶ್ನೆ ಅಭಿಮಾನಿಗಳನ್ನು ಕಾಡುತ್ತಿದೆ.‌ ನರ್ತನ್ ನಿರ್ದೇಶನದ ಸಿನಿಮಾ ತಡವಾಗುವ ಸುಳಿವು ಸಿಕ್ತಿದ್ದು, ಮತ್ಯಾವ ಚಿತ್ರಕ್ಕೆ ಯಶ್ ಗ್ರೀನ್ ಸಿಗ್ನಲ್ ಕೊಡುತ್ತಾರೋ ಅಂತ ಅಭಿಮಾನಿಗಳು ಕಾಯುವಂತಾಗಿದೆ. ಸ್ಟಾರ್ ನಟರು ಸಾಮಾನ್ಯವಾಗಿ ಒಂದು ಸಿನಿಮಾ ಮುಗಿಯೋಕು ಮೊದಲೇ ಮತ್ತೊಂದು ಸಿನಿಮಾ ಲೈನ್‌ನಲ್ಲಿ ಇಡುತ್ತಾರೆ. ಆದರೆ ಯಶ್ ನಡೆ ಮಾತ್ರ ಕುತೂಹಲ ಕೆರಳಿಸಿದೆ.