ಹೊಸ ವರ್ಷಕ್ಕೆ ದರ್ಶನ್, ಯಶ್ ಕುಟುಂಬ ಹಂಚಿಕೊಂಡ ಮೊದಲ ಪೋಟೋ

ರಾಕಿ ಭಾಯ್ ಫ್ಯಾಮಿಲಿ

ಹೊಸ ವರ್ಷದ ವಿಶೇಷವಾಗಿ ರಾಕಿಂಗ್ ಸ್ಟಾರ್ ದಂಪತಿ ಮೊದಲ ಫ್ಯಾಮಿಲಿ ಫೋಟೋ ಹಂಚಿಕೊಂಡಿದ್ದಾರೆ. ಯಶ್, ರಾಧಿಕಾ ಪಂಡಿತ್, ಮಗಳು ಐರಾ ಹಾಗೂ ಮಗ ಈ ಫೋಟೋದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಫೋಟೋ ನೋಡಿ ಅಭಿಮಾನಿಗಳು ಬಹಳ ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ.

ಡಿ ಬಾಸ್ ಕುಟುಂಬ

ಹೊಸ ವರ್ಷದ ಪ್ರಯುಕ್ತ ನಿರ್ಮಾಪಕಿ ಶೈಲಜಾ ನಾಗ್ ಅವರು ಡಿ ಬಾಸ್ ಫ್ಯಾಮಿಲಿ ಫೋಟೋ ಹಂಚಿಕೊಂಡಿದ್ದಾರೆ. ದರ್ಶನ್, ಅವರ ಪತ್ನಿ ವಿಜಯ್ ಲಕ್ಷ್ಮಿ ದರ್ಶನ್, ಮಗ ವಿನೀಶ್, ಸಂಗೀತ ನಿರ್ದೇಶಕ ಹರಿಕೃಷ್ಣ ಹಾಗೂ ಶೈಲಜಾ ನಾಗ್ ಈ ಫೋಟೋದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ದಿನಕರ್ ತೂಗುದೀಪ

ದರ್ಶನ್ ಸಹೋದರ ದಿನಕರ್ ತೂಗುದೀಪ ಕೂಡ ಹೊಸ ವರ್ಷದ ಪ್ರಯುಕ್ತ, ತಮ್ಮ ಫ್ಯಾಮಿಲಿ ಫೋಟೋ ಹಂಚಿಕೊಂಡಿದ್ದಾರೆ. ''ಈ ಹೊಸ ವರ್ಷ ನಿಮ್ಮನ್ನು ಪ್ರೀತಿ ನಗು ನಲಿವಿನ ಅಲೆಯಿಂದ ಆವರಿಸಲಿ. ಪ್ರತಿಕ್ಷಣವನ್ನೂ ಪ್ರೀತಿಸೋಣ, ಪ್ರತಿದಿನವನ್ನೂ ಸದ್ಬಳಕೆ ಮಾಡೋಣ. ಹೊಸ ವರ್ಷದ ಹಾರ್ಧಿಕ ಶುಭಾಶಯಗಳು'' ಎಂದು ಪತ್ನಿ, ಮಕ್ಕಳ ಜೊತೆ ಇರುವ ಫೋಟೋ ಶೇರ್ ಮಾಡಿದ್ದಾರೆ.

ಮಗು ಫೋಟೋ ಹಂಚಿಕೊಂಡ ಸುನಿ

ನಿರ್ದೇಶಕ ಸುನಿ ಅವರು ಮಗುವೊಂದರ ಫೋಟೋ ಹಂಚಿಕೊಂಡು ಹೊಸ ವರ್ಷಕ್ಕೆ ವಿಶ್ ಮಾಡಿದ್ದಾರೆ. ಸ್ನೇಹಿತರೊಬ್ಬರ ಮಗು ಫೋಟೋವನ್ನು ಸುನಿ ಅವರ ಪತ್ನಿ ಕ್ಲಿಕ್ಕಿಸಿದ್ದಾರೆ. ಆ ಫೋಟೋ ಶೇರ್ ಮಾಡಿ ವಿಶ್ ಮಾಡಿದ್ದಾರೆ ಸುನಿ.

ಮಂತ್ರಾಲಯದಲ್ಲಿ ಜಗ್ಗೇಶ್

ನವರಸ ನಾಯಕ ಜಗ್ಗೇಶ್ ಅವರು ಹೊಸ ವರ್ಷದ ವಿಶೇಷವಾಗಿ ಮಂತ್ರಾಲಯಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ್ದಾರೆ. ''ಮಂತ್ರಾಲಯ ಪ್ರಭುಗಳು ಮುಂದೆ ಇಂದು.. ಈ ವರ್ಷದ ವಿಶೇಷ ಶ್ರೀಗಳು ನನಗೆ ಧನಭಿಕ್ಷೆ ನೀಡಿದರು.. ನನಗೆ ರಾಯರೆ ಕೈಯಾರೆ ಕೊಟ್ಟಷ್ಟು ಆನಂದವಾಯಿತು. ಹರಿಓಂ.. ಸರ್ವೆಜನಃಸುಖಿನೋಭವಂತು'' ಎಂದು ಟ್ವೀಟ್ ಮಾಡಿದ್ದಾರೆ.

ಶುಭ್ರ ಅಯ್ಯಪ್ಪ

ವಜ್ರಕಾಯ ಖ್ಯಾತಿಯ ನಟಿ ಶುಭ್ರ ಅಯ್ಯಪ್ಪ ಹೊಸ ವರ್ಷಕ್ಕೆ ವಿಶ್ ಮಾಡಿದ್ದು, ಸಾಗರತೀರದಲ್ಲಿ ಯೋಗ ಮಾಡುತ್ತಿರುವ ಫೋಟೋ ಹಂಚಿಕೊಂಡಿದ್ದಾರೆ.

ಶ್ರೀಮುರಳಿ ಪತ್ನಿ

ರೋರಿಂಗ್ ಸ್ಟಾರ್ ಶ್ರೀಮುರಳಿ ಅವರ ಪತ್ನಿ ವಿದ್ಯಾ ಅವರು ಹೊಸ ವರ್ಷಕ್ಕೆ ಶುಭಕೋರಿದ್ದು, ಕೈಹಿಡಿದು ಸಾಗುತ್ತಿರುವ ಮೊದಲ ಫೋಟೋ ಹಾಕಿದ್ದಾರೆ. ಕೈಮೇಲೆ ಮುರಳಿ ಎಂದು ಬರೆಸಿಕೊಂಡಿರುವುದು ಗಮನ ಸೆಳೆಯುತ್ತಿದೆ.