100 ದಿನ ಪೂರೈಸಿದ 'ಕೆಜಿಎಫ್ 2'!

ಏಪ್ರಿಲ್ 14ರಂದು 'ಕೆಜಿಎಫ್ 2' ರಿಲೀಸ್!

'ಕೆಜಿಎಫ್ 2' ಸಿನಿಮಾ ಇದೇ ವರ್ಷದ ಏಪ್ರಿಲ್ 14 ರಂದು ತೆರೆಗೆ ಬಂತು. 'ಕೆಜಿಎಫ್ 2' ರಿಲೀಸ್ ಮುನ್ನ ಇದ್ದಿದ್ದೂ ನಿರೀಕ್ಷೆಯ ಬೆಟ್ಟ. ಆದರೆ ಸಿನಿಮಾ ರಿಲೀಸ್ ಬಳಿಕ 'ಕೆಜಿಎಫ್ 2' ಮಾಡಿದ್ದೆಲ್ಲವೂ ಬರಿ ದಾಖಲೆ. ಅತಿ ಕಡಿಮೆ ಸಮಯದಲ್ಲಿ 'ಕೆಜಿಎಫ್ 2' ಸಿನಿಮಾ ದೊಡ್ಡ ಮಟ್ಟದಲ್ಲಿ ದಾಖಲೆಯನ್ನು ಮಾಡಿ ಬಿಟ್ಟಿರು. 100 ದಿನ ಹತ್ತಾರು ಚಿತ್ರಮಂದಿರಗಳಲ್ಲಿ ಇರುವ ಸಿನಿಮಾಗಳು ಮಾಡದ ದಾಖಲೆಯನ್ನು ಈ ಚಿತ್ರ ಅತ್ಯಂತ ವೇಗವಾಗಿ ಮಾಡಿತು. ಏಪ್ರಿಲ್ 14ಕ್ಕೆ ತೆರೆಬಂದ ಕೆಜಿಎಫ್ 2 ಚಿತ್ರಕ್ಕೆ ಇಂದು (ಜುಲೈ 22) 100 ದಿನಗಳನ್ನು ಪೂರೈಸಿದೆ.

100 ದಿನ ಪೂರೈಸಿದ 'ಕೆಜಿಎಫ್ 2'!

'ಕೆಜಿಎಫ್ 2' ಸಿನಿಮಾತಂಡ ಸದ್ಯ 100ನೇ ದಿನದ ಸಂಭ್ರಮದಲ್ಲಿ ಇದೆ. ಈ ಸಿನಿಮಾ ರಿಲೀಸ್ ಆದ 50 ದಿನಗಳ ಬಳಿಕ ಓಟಿಟಿಯಲ್ಲಿ ತೆರೆಗೆ ಬಂತು. 'ಕೆಜಿಎಫ್ 2' ಓಟಿಟಿಗೆ ಬಂದರೂ ಕೂಡ, ಭಾರತದಾದ್ಯಂತ ಹಲವು ಕಡೆಗಳಲ್ಲಿ ಸಿನಿಮಾ ಮಂದಿರದಲ್ಲಿ ಇತ್ತು. ಬಿಗ್ ಓಪನಿಂಗ್ ಪಡೆದು ಹಲವು ಪ್ರಥಮಗಳಿಗೆ ಸಾಕ್ಷಿ ಆದ ಕೆಜಿಎಫ್ 2 100 ದಿನಗಳನ್ನು ಪೂರೈಸಿದ ಹಿನ್ನೆಲೆ, ಚಿತ್ರತಂಡ ಈ ಖುಷಿಯನ್ನು ಸಾಮಾಜಿಕ ಜಾಲತಾಣದ ಮೂಲಕ ಅಭಿಮಾನಿಗಳೊಂದಿದೆ ಹಂಚಿಕೊಂಡಿದೆ.

ಕೆಜಿಫ್ 2 ಬಗ್ಗೆ ವಿಜಯ್ ಕಿರಗಂದೂರು ಟ್ವೀಟ್!

'ಕೆಜಿಎಫ್ 2' ಸಿನಿಮಾ ರಿಲೀಸ್ ಆಗಿ 100 ದಿನ ಆದ ಕಾರಣಕ್ಕೆ ನಿರ್ಮಾಪಕ ವಿಜಯ್ ಕಿರಗಂದೂರು ಈ ಬಗ್ಗೆ ಟ್ವೀಟ್ ಮಾಡಿ ಖುಷಿ ಹಂಚಿಕೊಂಡಿದ್ದಾರೆ. " ಅಚಲವಾದ ಬೆಂಬಲಕ್ಕಾಗಿ ಅಭಿಮಾನಿಗಳಿಗೆ ದೊಡ್ಡ ಧನ್ಯವಾದಗಳು. ನಿಮ್ಮ ಬೇಷರತ್ತಾದ ಪ್ರೀತಿಯು, ನಮಗೆ ಅತ್ಯುತ್ತಮವಾದದ್ದನ್ನು ಕೊಡಲು ಉತ್ತೇಜನ ನೀಡಿತು. ಇದನ್ನು ಇನ್ನೂ ದೊಡ್ಡದಾಗಿ ನಿರ್ಮಿಸುತ್ತಲೇ ಇರುತ್ತೇವೆ. ಮತ್ತು ನಮ್ಮ ಮುಂದಿನ ಯೋಜನೆಗಳೊಂದಿಗೆ ನಿಮಗೆ ಮನರಂಜನೆ ನೀಡುವುದಾಗಿ ಭರವಸೆ ನೀಡುತ್ತೇವೆ. 100 ಮಾನ್‌ಸ್ಟರ್ ಡೇಸ್ ಆಫ್ ಕೆಜಿಎಫ್ 2." ಎಂದು ವಿಜಯ್ ಕಿರಗಂದೂರು ಬರೆದುಕೊಂಡಿದ್ದಾರೆ.

'ಕೆಜಿಎಫ್ 2' ಸಾಲು, ಸಾಲು ದಾಖಲೆ!

'ಕೆಜಿಎಫ್ 2' ಸಿನಿಮಾ ಮೊದಲ ದಿನವೇ 100 ಕೋಟಿಯನ್ನು ಕಲೆ ಹಾಕುವುದರ ಮೂಲಕ ಘರ್ಜನೆ ಶುರು ಮಾಡಿತು. ನಂತರ ಕೆಜಿಫ್ ಮಾಡಿದೆಲ್ಲವೂ ದಾಖಲೆಯೇ. ಅತ್ತ ಬಾಲಿವುಡ್‌ನಲ್ಲೂ ಅಲ್ಲಿನ ಸಿನಿಮಾಗಳ ದಾಖಲೆಯನ್ನು ನಿರಾಯಾಸವಾಗಿ ಮುರಿದು ಬಿಟ್ಟಿತು. ಇನ್ನು ವಿಶ್ವದಾದ್ಯಂತ ₹1250 ಕೋಟಿಗೂ ಅಧಿಕ ಗಳಿಸಿದೆ ಎನ್ನಲಾಗಿದೆ. ಜೊತೆಗೆ ಭಾರತದಾದ್ಯಂತ ಸುಮಾರು 5 ಕೋಟಿಗೂ ಅಧಿಕ ಮಂದಿ ಕೆಜಿಎಫ್ 2 ಸಿನಿಮಾ ವೀಕ್ಷಿಸಿದ್ದಾರೆ ಎಂದು ಹೇಳಲಾಗಿದೆ.