ಯಶ್‌ಗೆ ಮಾಸ್ ಇಮೇಜ್ ತಂದುಕೊಟ್ಟ 'ರಾಜಾಹುಲಿ' ಚಿತ್ರಕ್ಕೆ 7 ವರ್ಷ

ರಾಕಿಂಗ್ ಸ್ಟಾರ್ ವೃತ್ತಿ ಜೀವನದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸಿದ್ದ ರಾಜಾಹುಲಿ ಸಿನಿಮಾ ಬಿಡುಗಡೆಯಾಗಿ ಏಳು ವರ್ಷ ಕಳೆದಿದೆ. 'ಗೂಗ್ಲಿ' ಚಿತ್ರದವರೆಗೂ ಲವರ್ ಬಾಯ್ ಇಮೇಜ್‌ನಲ್ಲಿದ್ದ ಯಶ್‌ಗೆ ಮಾಸ್ ಇಮೇಜ್ ತಂದುಕೊಟ್ಟಿದ್ದು ರಾಜಾಹುಲಿ.

ಕನ್ನಡ ರಾಜ್ಯೋತ್ಸವದ ಪ್ರಯುಕ್ತ 2013ರ ನವೆಂಬರ್ 1 ರಂದು ರಾಜಾಹುಲಿ ಬಿಡುಗಡೆಯಾಗಿತ್ತು. ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿತ್ತು.

ಗುರುದೇಶಪಾಂಡೆ ನಿರ್ದೇಶನದ ಈ ಚಿತ್ರದಲ್ಲಿ ಮೇಘನಾ ರಾಜ್ ನಾಯಕಿಯಾಗಿ ನಟಿಸಿದ್ದರು. ಯಶ್ ಜೊತೆ ಹರ್ಷ, ವಸಿಷ್ಠ, ಚಿಕ್ಕಣ್ಣ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಕೆ ಮಂಜು ನಿರ್ಮಿಸಿದ್ದರು.

ತಮಿಳಿನ 'ಸುಂದರಪಾಂಡಿಯನ್' ಚಿತ್ರದ ರೀಮೇಕ್ ಇದಾಗಿದ್ದು, ತಮಿಳಿನಲ್ಲಿ ಶಶಿಕುಮಾರ್ ನಿರ್ವಹಿಸಿದ್ದ ಪಾತ್ರವನ್ನ ಕನ್ನಡದಲ್ಲಿ ಯಶ್ ಮಾಡಿದ್ದರು.

ಹಂಸಲೇಖ ಅವರು ಈ ಚಿತ್ರಕ್ಕೆ ಸಂಗೀತ ನೀಡಿದ್ದು, ಎಲ್ಲ ಹಾಡುಗಳು ಸೂಪರ್ ಹಿಟ್ ಆಗಿತ್ತು. ಈ ಚಿತ್ರದ ಬಳಿಕ ವಸಿಷ್ಠ ಸಿಂಹ ಬೇಡಿಕೆಯ ನಟ ಎನಿಸಿಕೊಂಡರು. ರಾಜಾಹುಲಿ ಚಿತ್ರದ ಬಳಿಕ ಯಶ್ ಸಂಪೂರ್ಣವಾಗಿ ಮಾಸ್‌ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಗಜಕೇಸರಿ, ಮಾಸ್ಟರ್ ಪೀಸ್, ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ, ಸಂತು ಸ್ಟ್ರೈಟ್ ಫಾರ್ವಡ್, ಕೆಜಿಎಫ್ ಸಿನಿಮಾ ಮಾಡಿದ್ದಾರೆ.

Recommended Video