'ವಕೀಲ್ ಸಾಬ್‌'ಗಾಗಿ 'ಯುವರತ್ನ'ವನ್ನು ಬಲಿ ಪಡೆದ ಹೊಂಬಾಳೆ!

ನಾಳೆಗೆ ಕೇವಲ 31 ಚಿತ್ರಮಂದಿರದಲ್ಲಿ 'ಯುವರತ್ನ'

ಇಂದು (ಏಪ್ರಿಲ್ 08) ಬುಕ್‌ಮೈಶೋ ಮಾಹಿತಿ ಪ್ರಕಾರ ಬೆಂಗಳೂರು ವ್ಯಾಪ್ತಿಯ 88 ಮಲ್ಟಿಫ್ಲೆಕ್ಸ್‌ ಮತ್ತು ಚಿತ್ರಮಂದಿರಗಳಲ್ಲಿ 'ಯುವರತ್ನ' ಪ್ರದರ್ಶನ ಆಗುತ್ತಿದೆ. ಕೆಲವು ಚಿತ್ರಮಂದಿರಗಳಲ್ಲಿ ಎಲ್ಲಾ ಶೋಗಳು ಬಹುತೇಕ ಟಿಕೆಟ್ ಬುಕ್ ಆಗಿವೆ. ಆದರೆ 'ವಕೀಲ್ ಸಾಬ್' ಸಿನಿಮಾ ಬಿಡುಗಡೆ ಆಗಲಿರುವ ಏಪ್ರಿಲ್ 09ನೇ ತಾರೀಖಿಗೆ ಕೇವಲ 31 ಚಿತ್ರಮಂದಿರದಲ್ಲಷ್ಟೆ 'ಯುವರತ್ನ' ಇರಲಿದೆ. ಅದರಲ್ಲಿಯೂ ಹಲವು ಚಿತ್ರಮಂದಿರಗಳಲ್ಲಿ ಒಂದು, ಎರಡು ಶೋ ಅನ್ನಷ್ಟೆ 'ಯುವರತ್ನ' ಸಿನಿಮಾಕ್ಕೆ ಮೀಸಲಿಡಲಾಗಿದೆ. ಇದು ಕೇವಲ ಬೆಂಗಳೂರು ನಗರ ವ್ಯಾಪ್ತಿಯ ಚಿತ್ರಮಂದಿರ, ಮಲ್ಟಿಫ್ಲೆಕ್ಸ್‌ಗಳ ಲೆಕ್ಕಾಚಾರವಷ್ಟೆ.

ಬೆಂಗಳೂರಿನಲ್ಲೇ 85ಕ್ಕೂ ಹೆಚ್ಚು ಚಿತ್ರಮಂದಿರ

'ಯುವರತ್ನ' ಸಿನಿಮಾ ಪ್ರದರ್ಶನವಾಗುತ್ತಿರುವ ಬಹುತೇಕ ಚಿತ್ರಮಂದಿರಗಳಲ್ಲಿಯೇ 'ವಕೀಲ್ ಸಾಬ್' ಸಿನಿಮಾ ನಾಳೆ (ಏಪ್ರಿಲ್ 09) ಬಿಡುಗಡೆ ಆಗುತ್ತಿದೆ. ಬುಕ್‌ಮೈ ಶೋ ಮಾಹಿತಿಯಂತೆ ಬೆಂಗಳೂರು ವ್ಯಾಪ್ತಿಯ 85 ಕ್ಕೂ ಹೆಚ್ಚು ಚಿತ್ರಮಂದಿರಗಳನ್ನು 'ವಕೀಲ್ ಸಾಬ್‌'ಗೆ ನೀಡಲಾಗಿದೆ.

ಬೇರೆಡೆಯೂ ಇದೇ ಕತೆ

ಇದು ಬೆಂಗಳೂರು ಒಂದರ ಕತೆಯಲ್ಲ ಆಂಧ್ರ ಗಡಿಯಾದ ಕೋಲಾರ, ಚಿಕ್ಕಬಳ್ಳಾಪುರ, ದೊಡ್ಡಬಳ್ಳಾಪುರಗಳ ಸಿಂಗಲ್ ಸ್ಕ್ರೀನ್‌ ಚಿತ್ರಮಂದಿರಗಳಲ್ಲಿ ಎಲ್ಲೆಲ್ಲಿ 'ಯುವರತ್ನ' ಸಿನಿಮಾ ತೆರೆ ಕಂಡಿತ್ತೊ ಅಲ್ಲೆಲ್ಲಾ 'ವಕೀಲ್ ಸಾಬ್' ತೆರೆಗೆ ಬರಲಿದೆ. ತೆಲುಗು ಸಿನಿಮಾಗಾಗಿ ಕನ್ನಡದ ಒಳ್ಳೆಯ ಸಂದೇಶವುಳ್ಳ ಸಿನಿಮಾವನ್ನು ಬಲಿಕೊಟ್ಟಂತಾಗಿದೆ.

Yuvarathnaa Breaks Yuvarathna KGF Record, KGF ದಾಖಲೆ ಮುರಿದ ಯುವರತ್ನ | Filmibeat Kannada

ಅಮೆಜಾನ್ ಪ್ರೈಂನಲ್ಲಿ 'ಯುವರತ್ನ' ಬಿಡುಗಡೆ

'ಯುವರತ್ನ' ಸಿನಿಮಾವು ಏಪ್ರಿಲ್ 09 ರಿಂದ ಅಮೆಜಾನ್ ಪ್ರೈಂನಲ್ಲಿ ಬಿಡುಗಡೆ ಆಗಲಿದೆ. ಉತ್ತಮ ಪ್ರದರ್ಶನ ಕಾಣುತ್ತಿದ್ದ ಸಿನಿಮಾವನ್ನು ಚಿತ್ರಮಂದಿರಗಳ ಮೇಲಿನ ನಿರ್ಬಂಧ ಇನ್ನಿತರೆ ಕಾರಣ ನೀಡಿ ಬಿಡುಗಡೆ ಆದ ಕೇವಲ ಎಂಟೇ ದಿನಕ್ಕೆ ಅಮೆಜಾನ್‌ ಪ್ರೈಂಗೆ ಕೊಟ್ಟಿರುವ ಬಗ್ಗೆ ಈಗಾಗಲೇ ಪುನೀತ್ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ.