For Quick Alerts
    ALLOW NOTIFICATIONS  
    For Daily Alerts

    ಸೆಕ್ಸ್ ಅಂದರೆ ತಪ್ಪಂತೆ, ಆದರೆ ರೇಪ್ ಅಂದರೆ ಸರಿಯೇ?: ಕಿಡಿ ಕಾರಿದ ನಿರ್ಮಾಪಕಿ

    |

    ವೆಬ್ ಸಿರೀಸ್ ಟ್ರಿಪಲ್ ಎಕ್ಸ್-2ದಲ್ಲಿ ಸೇನೆಯನ್ನು ಕೀಳಾಗಿ ಚಿತ್ರಿಸಲಾಗಿದ್ದು, ಇಲ್ಲಿ ಸೆಕ್ಸ್ಅನ್ನು ವೈಭವೀಕರಿಸಲಾಗಿದೆ ಎಂದು ನಿರ್ಮಾಪಕಿ ಏಕ್ತಾ ಕಪೂರ್ ಹಾಗೂ ಅವರ ತಾಯಿ ಶೋಭಾ ಕಪೂರ್ ವಿರುದ್ಧ ಭಾರತೀಯ ಸೇನೆಯ ಕೆಲವು ಮಾಜಿ ಸೈನಿಕರು ಪೊಲೀಸರಿಗೆ ದೂರು ನೀಡಿದ್ದರು. ಈ ವೆಬ್ ಸೀರೀಸ್ ತನ್ನ ಕಂಟೆಂಟ್ ಕಾರಣಗಳಿಂದ ವಿವಾದ ಸೃಷ್ಟಿಸಿದ್ದು, ಏಕ್ತಾ ಕಪೂರ್ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ.

    ಈ ಬಗ್ಗೆ ಏಕ್ತಾ ಕಪೂರ್ ಮೌನ ಮುರಿದಿದ್ದು, ವೆಬ್ ಸೀರೀಸ್‌ನಲ್ಲಿನ ಎಲ್ಲ ಆಕ್ಷೇಪಾರ್ಹ ದೃಶ್ಯಗಳನ್ನು ಡಿಲೀಟ್ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ. ತಮ್ಮ ವೆಬ್ ಸೀರೀಸ್ ಮೂಲಕ ಯಾರ ಭಾವನೆಗಳಿಗೆ ಧಕ್ಕೆಯಾಗಿದೆಯೋ ಅವರೆಲ್ಲರ ಕ್ಷಮೆ ಯಾಚಿಸುವುದಾಗಿ ಹೇಳಿದ್ದಾರೆ. ಮುಂದೆ ಓದಿ...

    ಸೆಕ್ಸ್ ದೃಶ್ಯಗಳ ಮೂಲಕ ಸೇನೆಗೆ ಅವಮಾನ: ಏಕ್ತಾ ಕಪೂರ್ ವಿರುದ್ಧ ದೂರುಸೆಕ್ಸ್ ದೃಶ್ಯಗಳ ಮೂಲಕ ಸೇನೆಗೆ ಅವಮಾನ: ಏಕ್ತಾ ಕಪೂರ್ ವಿರುದ್ಧ ದೂರು

    ದೃಶ್ಯಗಳನ್ನು ಡಿಲೀಟ್ ಮಾಡಿದ್ದೇವೆ

    ದೃಶ್ಯಗಳನ್ನು ಡಿಲೀಟ್ ಮಾಡಿದ್ದೇವೆ

    'ಎಫ್‌ಐಆರ್ ದಾಖಲಾಗಿದೆ ಎನ್ನುವುದು ತಿಳಿಯುತ್ತಿದ್ದಂತೆಯೇ ನಾವು ಆ ಕಂಟೆಂಟ್‌ಗಳನ್ನು ಡಿಲೀಟ್ ಮಾಡಿದ್ದೇವೆ. ಕಂಟೆಂಟ್ ಆಚೆಗೆ ಸೇನಾಧಿಕಾರಿಗಳ ಕ್ಷಮೆ ಕೋರಲು ನಾನು ಹಿಂದೇಟು ಹಾಕುವುದಿಲ್ಲ. ಏಕೆಂದರೆ ನಮಗೆ ಅವರ ವಿಚಾರದಲ್ಲಿ ಯಾವುದೇ ಸಮಸ್ಯೆ ಇಲ್ಲ. ಆದರೆ ನನಗೆ ಬಹಳ ಕಿರಿಕಿರಿ ಉಂಟುಮಾಡುತ್ತಿರುವುದು ಸೈಬರ್ ದಾಳಿ' ಎಂದು ತಿಳಿಸಿದ್ದಾರೆ.

    ಅತ್ಯಾಚಾರದ ಬೆದರಿಕೆ

    ಅತ್ಯಾಚಾರದ ಬೆದರಿಕೆ

    'ವರ್ಷದ ದೇಶಭಕ್ತ ಎಂದು ತನ್ನನ್ನು ತಾನು ಭಾವಿಸಿಕೊಂಡಿರುವ ವ್ಯಕ್ತಿಯೊಬ್ಬ ಈ ವಿಚಾರದಲ್ಲಿ ಮುಂದುವರಿದು ನನ್ನ ತಾಯಿಯನ್ನು ನಿಂದಿಸಿದ, ನನ್ನನ್ನು ಬೈಯ್ದ. ಸಾಮಾಜಿಕ ವೇದಿಕೆಯಲ್ಲಿಯೇ ಬಹಿರಂಗವಾಗಿ ಈಗ ನನಗೆ ಅತ್ಯಾಚಾರದ ಬೆದರಿಕೆ ಹಾಕುತ್ತಿದ್ದಾನೆ'.

    ಜನಪ್ರಿಯ ಸೀರಿಯಲ್ 'ನಾಗಿನ್' ಸಿನಿಮಾ ಮಾಡಲು ಬಯಸಿದ್ದರು ಏಕ್ತಾ ಕಪೂರ್, ಆದರೆ...ಜನಪ್ರಿಯ ಸೀರಿಯಲ್ 'ನಾಗಿನ್' ಸಿನಿಮಾ ಮಾಡಲು ಬಯಸಿದ್ದರು ಏಕ್ತಾ ಕಪೂರ್, ಆದರೆ...

    ಅತ್ಯಾಚಾರ ಸರಿಯೇ?

    ಅತ್ಯಾಚಾರ ಸರಿಯೇ?

    'ಸೇನೆ ಅಥವಾ ಲೈಂಗಿಕತೆಯ ವಸ್ತುವಿನ ವಿಚಾರಕ್ಕೆ ಬೆದರಿಕೆ ಉಳಿದಿಲ್ಲ. ಏಕೆಂದರೆ ವ್ಯಂಗ್ಯವೆಂದರೆ ಲೈಂಗಿಕತೆಯ ವಸ್ತುವನ್ನು ಮಾಡಿದ್ದಕ್ಕಾಗಿ ಒಬ್ಬ ಮಹಿಳೆಯನ್ನು, ಆಕೆಯ ಮಗನನ್ನು ಮತ್ತು 71 ವರ್ಷದ ವೃದ್ಧ ತಾಯಿಯನ್ನೂ ಅತ್ಯಾಚಾರ ಮಾಡಲು ಬಯಸಿದ್ದೀರಿ. ಇದರ ಅರ್ಥ ಸೆಕ್ಸ್ ಎಂದರೆ ಕೆಟ್ಟದ್ದು, ಆದರೆ ಅತ್ಯಾಚಾರ ಎಂದರೆ ಸರಿಯೇ?' ಎಂದು ಏಕ್ತಾ ಪ್ರಶ್ನಿಸಿದ್ದಾರೆ.

    ತಪ್ಪನ್ನು ಸರಿ ಮಾಡಿದ್ದೇವೆ

    ತಪ್ಪನ್ನು ಸರಿ ಮಾಡಿದ್ದೇವೆ

    'ನಾನು ಬಹಳ ಹಿಂದೆಯೇ ಕ್ಷಮೆ ಕೇಳುತ್ತಿದ್ದೆ. ಏಕೆಂದರೆ ನನಗದು ದೊಡ್ಡ ಸಂಗತಿಯಲ್ಲ. ಕ್ಷಮೆ ಕೇಳುವುದು ಸಣ್ಣ ಸಂಗತಿ. ನಾನು ಮಾಡುವುದರಲ್ಲಿ ಸೇನೆಗೆ ಗೌರವ ಇದ್ದೇ ಇರುತ್ತದೆ. ಅದು ಚಿತ್ರಿತವಾದ ಪಾತ್ರ. ಇದು ನಮ್ಮ ಕಡೆಯಿಂದ ಆದ ತಪ್ಪು ಮತ್ತು ಅದನ್ನು ಸರಿಪಡಿಸಿದ್ದೇವೆ. ಈಗ ನಾನು ಸೈಬರ್ ದಾಳಿಯ ವಿರುದ್ಧ ಕ್ರಮ ತೆಗೆದುಕೊಳ್ಳಲು ಮುಂದಾಗಿದ್ದೇನೆ' ಎಂದು ಹೇಳಿದ್ದಾರೆ.

    ''ಬಾಲ್ಯದಲ್ಲಿಯೇ ಅತ್ಯಾಚಾರಕ್ಕೆ ಒಳಗಾಗಿದ್ದೆ'' ತೆಲುಗು ಹಾಸ್ಯ ನಟ ಹೇಳಿಕೆ''ಬಾಲ್ಯದಲ್ಲಿಯೇ ಅತ್ಯಾಚಾರಕ್ಕೆ ಒಳಗಾಗಿದ್ದೆ'' ತೆಲುಗು ಹಾಸ್ಯ ನಟ ಹೇಳಿಕೆ

    ನಿಮ್ಮಿಂದ ಸಾಧ್ಯವಿಲ್ಲ

    ನಿಮ್ಮಿಂದ ಸಾಧ್ಯವಿಲ್ಲ

    'ನನ್ನ ನಗ್ನ ಚಿತ್ರಗಳನ್ನು ತೆಗೆಯಲು ಅವರು ಬಯಸಿದ್ದರೆ, ಅಂತರ್ಜಾಲದಲ್ಲಿ ನನ್ನ ನಗ್ನ ಚಿತ್ರಗಳನ್ನು ಹಾಕಲು ಬಯಸಿದ್ದರೆ, ನನ್ನನ್ನು ವೇಶ್ಯೆ ಎಂದು ಕರೆಯಲು ಬಯಸಿದ್ದರೆ, ನಾಳೆ ಅವರು ಯಾವ ಮಹಿಳೆಗೆ ಬೇಕಾದರೂ ಹೀಗೆ ಮಾಡಬಹುದು. ನೀವು ನನ್ನನ್ನು ನೆಲಕ್ಕೆ ಬಗ್ಗಿಸಲು ಬಯಸಿದ್ದೀರಾ? ನಿಮಗೆ ಖಂಡಿತಾ ಆ ಅವಕಾಶ ಸಿಗುವುದಿಲ್ಲ' ಎಂದು ತಮ್ಮ ವಿರುದ್ಧ ಅಶ್ಲೀಲ ಚಿತ್ರಗಳನ್ನು, ಮಾತುಗಳನ್ನು ಹಂಚಿಕೊಳ್ಳುತ್ತಿರುವ ಜನರ ವಿರುದ್ಧ ಕಿಡಿಕಾರಿದ್ದಾರೆ.

    English summary
    Producer Ekta Kapoor said she has decided to take action against the people who making cyber bullying.
    Tuesday, June 9, 2020, 23:48
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X