ಮೂರು ದಿನ ಜೀ 5 ಉಚಿತ: 60 ಬ್ಲಾಸ್ಟರ್ ಸಿನಿಮಾ ನೋಡಲು ಅವಕಾಶ

ಜೀ 5 ವಿಭಿನ್ನ ಪ್ರಯೋಗ

ಕನ್ನಡ ಸಿನಿಮಾಗಳನ್ನು ಒಟಿಟಿ ಖರೀದಿ ಮಾಡುತ್ತಿಲ್ಲ ಎಂಬುದು ನಿರ್ಮಾಪಕರ ಅಳಲು. ಇತ್ತೀಚೆಗೆ ಕನ್ನಡದ ಬಹುತೇಕ ನಿರ್ಮಾಪಕರು ಇಂತಹ ಆರೋಪ ಮಾಡುತ್ತಿದ್ದಾರೆ. ಇದರ ಮಧ್ಯೆ ಜೀ 5 ಕನ್ನಡ ಸಿನಿಮಾಗಳನ್ನು ಖರೀದಿ ಮಾಡುತ್ತಿದೆ. ಶಿವಣ್ಣ ನಟನೆಯ 'ಭಜರಂಗಿ 2', 'ಗರುಡ ಗಮನ ವೃಷಭ ವಾಹನ' ಈ ಸಿನಿಮಾಗಳು ಒಟಿಟಿಯಲ್ಲೂ ಗೆದ್ದಿವೆ. ಈ ವಿಷಯವನ್ನು ಜೀ 5 ಸಂಸ್ಥೆಯೇ ಹೇಳಿಕೊಂಡಿದೆ. ಈ ಮಧ್ಯೆ ವಿನೂತನ ಪ್ರಯತ್ನಕ್ಕೆ ಕೈ ಹಾಕಿದ್ದು, ಸಿನಿಪ್ರಿಯರಿಗೆ ಮೂರು ದಿನ ಉಚಿತವಾಗಿ ಸಿನಿಮಾ ವೀಕ್ಷಿಸುವ ಆಫರ್ ನೀಡುತ್ತಿದೆ.

ಫೆ. 12 ರಿಂದ 14ರವರೆಗೆ ಜೀ5 ಫ್ರೀ

ಜೀ 5 ಫೆಬ್ರವರಿ 12 ರಿಂದ 14ರವರೆಗೆ ಉಚಿತವಾಗಿ ಸಿನಿಮಾ ನೋಡಲು ಅವಕಾಶ ನೀಡುತ್ತಿದೆ. ಜೀ 5 ಸಬ್‌ಸ್ಕ್ರೈಬ್ ಆಗದೆ ಇರುವವರೂ ಜೀ 5ನಲ್ಲಿ ಈ ಮೂರು ದಿನ ಸಿನಿಮಾವನ್ನು ನೋಡಬಹುದಾಗಿದೆ. ಹಣ ನೀಡದೆ ಉಚಿತವಾಗಿ 3 ಫ್ರೀಯಾಗಿ ಸಿನಿಮಾ ನೋಡಬಹುದು. ಸುಮಾರು 72 ಗಂಟೆಗಳ ಕಾಲ ಜೀ 5 ಉಚಿತ ಸೇವೆ ಒದಗಿಸಲಿದೆ. ಈ ವಿಭಿನ್ನ ಪ್ರಯತ್ನಕ್ಕೆ ಕಾರಣ ಜೀ 5 ಇದೇ ಫೆಬ್ರವರಿ 12ಕ್ಕೆ ನಾಲ್ಕು ವರ್ಷಗಳನ್ನು ಯಶಸ್ವಿಯಾಗಿ ಪೂರೈಸಲಿದೆ.

60 ಬ್ಲಾಕ್ ಬಸ್ಟರ್ ಸಿನಿಮಾ ಉಚಿತ

ಜೀ 5ನಲ್ಲಿ ಸಾಕಷ್ಟು ಉತ್ತಮ ಸಿನಿಮಾಗಳಿವೆ. ಈ ಮೂರು ಸುಮಾರು 60ಕ್ಕೂ ಹೆಚ್ಚು ವಿವಿಧ ಭಾಷೆಯಲ್ಲಿ ಬ್ಲಾಕ್‌ಬಸ್ಟರ್ ಆಗಿರುವ ಸಿನಿಮಾಗಳನ್ನು ವೀಕ್ಷಿಸ ಬಹುದಾಗಿದೆ. ಕನ್ನಡದಲ್ಲಿ 'ಕುರುಕ್ಷೇತ್ರ', ರಿಷಬ್ ಶೆಟ್ಟಿಯ 'ಹೀರೋ', ಜಗ್ಗೇಶ್ ಅಭಿನಯದ 'ಕಾಳಿದಾಸ ಕನ್ನಡ‌‌ ಮೇಷ್ಟ್ರು', 'ದಿ ವಿಲನ್', 'ಕೆಮಿಸ್ಟ್ರಿ ಆಫ್ ಕರಿಯಪ್ಪ' ಇಂತಹ ಸಾಕಷ್ಟು ಸಿನಿಮಾಗಳಿದ್ದು, ವೆಬ್ ಸೀರೀಸ್‌ನಲ್ಲಿ 'ಕೈಲಾಸಪುರ', 'ಹೈ ಪ್ರಿಸ್ಟ್' ಅಂತಹ ಸಿನಿಮಾಗಳಿವೆ. ಆದರೆ, 72 ಗಂಟೆಗಳಲ್ಲಿ ಎಷ್ಟು ಸಿನಿಮಾಗಳನ್ನು ನೋಡುತ್ತೀರಾ ಅನ್ನುವುದು ನಿಮಗೆ ಬಿಟ್ಟಿದ್ದು.

ಜೀ 5 Vs ಅಮೆಜಾನ್

ಜೀ 5 ನಂತಯೇ ಅಮೆಜಾನ್ ಕೂಡ ಇಂತಹದ್ದೇ ಒಂದು ಪ್ರಯತ್ನಕ್ಕೆ ಕೈ ಹಾಕಿದೆ. ಫೆಬ್ರವರಿ ತಿಂಗಳು ಪೂರ್ತಿ ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಸಿನಿಮಾವನ್ನು ಉಚಿತವಾಗಿ ವೀಕ್ಷಿಸುವ ಅವಕಾಶ ನೀಡಿದೆ. ಆದರೆ, ಜೀ 5 ಒಂದು ತಿಂಗಳ ಬದಲಾಗಿ ಮೂರು ದಿನ 60 ಸಿನಿಮಾ ವೀಕ್ಷಣೆ ಮಾಡುವ ಅವಕಾಶ ನೀಡಿದೆ. ಈ ಮೂಲಕ ಎರಡು ಒಟಿಟಿಗಳು ಪೈಪೋಟಿಗೆ ಬಿದ್ದಿವೆ. ಅಮೆಜಾನ್ ಹಾಗೂ ಜೀ 5 ಕನ್ನಡದ ವೀಕ್ಷಕರನ್ನು ಸೆಳೆಯುವ ಪ್ರಯತ್ನ ಮಾಡುತ್ತಿದ್ದು, ಈ ವಿನೂತನ ಪ್ರಯತ್ನದಿಂದ ಯಾರಿಗೆ ಹೆಜ್ಜೆ ಸಬ್‌ಸ್ಕ್ರೈಬರ್ ಸಿಗುತ್ತಾರೆ ಅನ್ನುವುದು ಕುತೂಹಲ.