ಚಿತ್ರಮಂದಿರದಲ್ಲಿ ಧೂಳೆಬ್ಬಿಸಿದ ಬಳಿಕ ಕಿರುತೆರೆಗೆ 'ಮಾಸ್ಟರ್' ದಾಂಗುಡಿ

ಫೆಬ್ರವರಿ 12 ರಂದು 'ಮಾಸ್ಟರ್' ಬಿಡುಗಡೆ

ಫೆಬ್ರವರಿ 12 ರಂದು 'ಮಾಸ್ಟರ್' ಸಿನಿಮಾ ಅಮೆಜಾನ್ ಪ್ರೈಂ ನಲ್ಲಿ ಬಿಡುಗಡೆ ಆಗುವ ಸಾಧ್ಯತೆ ಇದೆ. ಅಮೆಜಾನ್ ಪ್ರೈಂ ಭಾರಿ ಮೊತ್ತಕ್ಕೆ ವಿಜಯ್ ನಟನೆಯ ಮಾಸ್ಟರ್ ಸಿನಿಮಾದ ಸ್ಟ್ರೀಮಿಂಗ್ ಹಕ್ಕನ್ನು ಖರೀದಿಸಿದೆ. ಸಿನಿಮಾ ಹಳತು ಎನಿಸಿಕೊಳ್ಳುವ ಮುನ್ನವೇ ಬಿಡುಗಡೆ ಮಾಡಿ ಲಾಭ ಮಾಡಲು ಯೋಚಿಸುತ್ತಿದ್ದೆ ಅಮೆಜಾನ್.

ಭಾರಿ ಮೊತ್ತಕ್ಕೆ ಖರೀಸಿದೆ ಅಮೆಜಾನ್ ಪ್ರೈಂ

ಭಾರಿ ಮೊತ್ತಕ್ಕೆ ಮಾಸ್ಟರ್ ಸಿನಿಮಾದ ಸ್ಟ್ರೀಮಿಂಗ್ ಹಕ್ಕನ್ನು ಖರೀದಿಸಿದೆ ಅಮೆಜಾನ್ ಪ್ರೈಂ. ಚಿತ್ರಮಂದಿರದಲ್ಲಿ ತುಂಬಿದ ಗೃಹಗಳ ಪ್ರದರ್ಶನ ಕಾಣುತ್ತಿರುವ ಮಾಸ್ಟರ್ ಹೆಚ್ಚು-ಹೆಚ್ಚು ಜನರಿಗೆ ತಲುಪುವ ಮುನ್ನವೇ ತಮ್ಮ ಮಿತಿಯಲ್ಲಿರುವ ಪ್ರೇಕ್ಷಕರಿಗೆ ತೋರಿಸುವ ಪ್ರಯತ್ನ ಅಮೆಜಾನ್ ಪ್ರೈಂ ನದ್ದು.

ಜನವರಿ 13 ರಲ್ಲಿ ಸಿನಿಮಾ ಬಿಡುಗಡೆ ಆಗಿತ್ತು

'ಮಾಸ್ಟರ್' ಸಿನಿಮಾವನ್ನು ಖರೀದಿಸಿ ನೇರವಾಗಿ ಅಮೆಜಾನ್ ಪ್ರೈಂ ನಲ್ಲಿ ಬಿಡುಗಡೆ ಮಾಡಲು ಪ್ರಯತ್ನ ನಡೆದಿತ್ತು. ಆದರೆ ವಿಜಯ್ ಅವರ ನಿರಾಕರಣೆಯಿಂದಾಗಿ ಅಮೆಜಾನ್ ಆಫರ್ ಅನ್ನು ನಿರ್ಮಾಪಕ ಕ್ಸೇವಿಯರ್ ಬಿಟ್ಟೊ ಬೇಡವೆಂದರು. ಕೊನೆಗೆ ಜನವರಿ 13 ರಂದು ಚಿತ್ರಮಂದಿರದಲ್ಲಿಯೇ ಸಿನಿಮಾ ಬಿಡುಗಡೆ ಆಯಿತು.

ಲೋಕೇಶ್ ಕನಕರಾಜನ್ ನಿರ್ದೇಶನ

ಮಾಸ್ಟರ್ ಸಿನಿಮಾದಲ್ಲಿ ವಿಜಯ್ ಜೊತೆಗೆ ವಿಲನ್ ಆಗಿ ವಿಜಯ್ ಸೇತುಪತಿ ನಟಿಸಿದ್ದಾರೆ. ನಾಯಕಿಯಾಗಿ ಮಾಳವಿಕಾ ಮೋಹನನ್ ಇದ್ದಾರೆ. ಸಿನಿಮಾವನ್ನು ಲೋಕೇಶ್ ಕನಕರಾಜನ್ ನಿರ್ದೇಶಿಸಿದ್ದಾರೆ. ಸಿನಿಮಾದಲ್ಲಿ ವಿಜಯ್ ಹಾಗೂ ವಿಜಯ್ ಸೇತುಪತಿ ನಟನೆ ಜುಗಲ್‌ಬಂಧಿ ಭಾರಿ ಮೆಚ್ಚುಗೆ ಗಳಿಸಿದೆ.