ಬಿಡುಗಡೆ ಆಗದಿದ್ದರೂ ಕೋಟಿಗಟ್ಟಲೆ ಬಾಚಿದ ಸೂರ್ಯಾ ಸಿನಿಮಾ

ಕನ್ನಡಿಗ ಕ್ಯಾಪ್ಟನ್ ಗೋಪಿನಾಥ್ ಜೀವನ ಆಧರಿಸಿದ ಸಿನಿಮಾ

ಕನ್ನಡಿಗ ಕ್ಯಾಪ್ಟನ್ ಗೋಪಿನಾಥ್ ಜೀವನ ಆಧರಿಸಿದ ಸಿನಿಮಾ 'ಸೂರರೈ ಪೊಟ್ರು'ನ ಒಟ್ಟು ಬಜೆಟ್ 45 ಕೋಟಿ. ಇದರಲ್ಲಿ ಸೂರ್ಯ ಸಂಭಾವನೆ 25 ಕೋಟಿ ಸೇರಿದೆ. ಸಿನಿಮಾವು ಅಮೆಜಾನ್ ಪ್ರೈಂ ಗೆ ಮಾರಾಟ ಆಗಿರುವುದು ಬರೋಬ್ಬರಿ 50 ಕೋಟಿ ರೂಪಾಯಿಗೆ. ಒಟಿಟಿ ಒಂದರಿಂದಲೇ ಸಿನಿಮಾಕ್ಕೆ ಐದು ಕೋಟಿ ಲಾಭ.

ಸಿನಿಮಾದ ಸ್ಯಾಟಲೈಟ್ ಹಕ್ಕುಗಳಿಂದ ಹಣ

ಸಿನಿಮಾದ ಸ್ಯಾಟಲೈಟ್ ಹಕ್ಕುಗಳನ್ನು ಸನ್ ನೆಟ್‌ವರ್ಕ್ಸ್ ಖರೀದಿಸಿದೆ. ಸ್ಯಾಟಲೈಟ್ ಹಕ್ಕುಗಳಿಗೆ ಬರೋಬ್ಬರಿ 15 ಕೋಟಿ ಹಣ ನೀಡಲಾಗಿದೆ. ಸಿನಿಮಾವು ದೀಪಾವಳಿ, ದಸರಾ ಸಮಯಕ್ಕೆ ಸನ್‌ನ ಚಾನೆಲ್‌ನಲ್ಲಿ ಪ್ರಸಾರವಾಗಲಿದೆ.

ಹಿಂದಿ ಡಬ್ ಹಾಗೂ ರೀಮೇಕ್ ಹಕ್ಕಿನಿಂದ 20 ಕೋಟಿ

ಸೂರರೈ ಪೊಟ್ರು ಸಿನಿಮಾದ ಹಿಂದಿ ಡಬ್ ಹಕ್ಕುಗಳು ಬರೋಬ್ಬರಿ 10 ಕೋಟಿಗೆ ಮಾರಾಟವಾಗಿವೆ. ಇದರ ಹೊರತಾಗಿ ಹಿಂದಿ ರೀಮೇಕ್‌ ಹಕ್ಕು ಸಹ ಹತ್ತು ಕೋಟಿ ರೂಪಾಯಿಗೆ ಮಾರಾಟವಾಗಿದೆ. ಅಲ್ಲಿಗೆ ಸಿನಿಮಾ ಬಿಡುಗಡೆ ಆಗುವ ಮುನ್ನವೇ 85 ಕೋಟಿ ರೂಪಾಯಿ ಸಂಪಾದಿಸಿದೆ.

ಫ್ಲಾಪ್‌ ಆಗಿದ್ದ ನಿರೀಕ್ಷಿತ ಸಿನಿಮಾ 'ಎನ್‌ಜಿಕೆ'

ಸೂರ್ಯಾ ಅವರ ಇತ್ತೀಚಿನ ಬಹುನಿರೀಕ್ಷಿತ ಸಿನಿಮಾ 'ಎನ್‌ಜಿಕೆ' 40 ಕೋಟಿ ಸಹ ಸಂಪಾದಿಸಲಾಗದೆ ಫ್ಲಾಪ್ ಎನಿಸಿಕೊಂಡಿತ್ತು. ಅದರಿಂದ ಪಾಠ ಕಲಿತಂತಿರುವ ಸೂರ್ಯಾ, ಒಟಿಟಿಯಲ್ಲಿ ಬಿಡುಗಡೆ ಮಾಡಿ ಒಳ್ಳೆಯ ಲಾಭ ಮಾಡಿದ್ದಾರೆ. ಸಿನಿಮಾವು ಅಮೆಜಾನ್ ಪ್ರೈಂನಲ್ಲಿ ಅಕ್ಟೋಬರ್ 30 ರಂದು ಪ್ರಸಾರವಾಗಲಿದೆ.