'ಕುಮಾರಿ 21F' ಸಿನಿಮಾ ನೋಡಿ ವಿಮರ್ಶಕರು ಮಾಡಿದ ಕಾಮೆಂಟ್ಸ್ ಏನು.?

ಯುವಕರ ನಿದ್ದೆಗೆಡಿಸುವ ಸಿನಿಮಾ: ವಿಜಯ ಕರ್ನಾಟಕ

ಹಿರಿಯ ನಟ ದೇವರಾಜ್‌ ದ್ವಿತೀಯ ಪುತ್ರ ಪ್ರಣಮ್ ದೇವರಾಜ್‌ ಅಭಿನಯದ ಮೊದಲ ಚಿತ್ರ ಕುಮಾರಿ 21ಎಫ್. ತೆಲುಗಿನಲ್ಲಿ ಇದೇ ಹೆಸರಿನಲ್ಲಿ ತೆರೆಕಂಡ ಚಿತ್ರದ ಕನ್ನಡ ರಿಮೇಕ್ ಇದು. ನಿಧಿ ಕುಶಾಲಪ್ಪ ನಾಯಕಿ ಪಾತ್ರದಲ್ಲಿ ನಟಿಸಿದ್ದಾರೆ. ಮದುವೆಯಾಗುವ ಹೆಣ್ಣು ಶೀಲವಂತಳಾಗಿರಬೇಕು, ಪರಿಶುದ್ಧಳಾಗಿರಬೇಕು ಎಂಬ ಸಿದ್ಧಾಂತಕ್ಕೆ ಕಟ್ಟುಬಿದ್ದವರಿಗೆ ಪ್ರೀತಿ ಎಂದರೆ ಏನು ಎನ್ನುವುದನ್ನು ಹೇಳುವ ಪ್ರಯತ್ನ ಈ ಚಿತ್ರದಲ್ಲಿದೆ. ಮೊದಲ ಚಿತ್ರದಲ್ಲಿ ಪ್ರಣಮ್ ನಟನೆ ಮತ್ತು ಡ್ಯಾನ್ಸ್ ನಿಂದ ಭರವಸೆ ಮೂಡಿಸಿದ್ದಾರೆ. ನಿಧಿ ಕುಶಾಲಪ್ಪ ಪಾತ್ರದ ತೂಕಕ್ಕೆ ತಕ್ಕಂತೆ ನಟಿಸಲು ಇನ್ನಷ್ಟು ಪಳಗಬೇಕಿತ್ತು. ಇಷ್ಟಾಗಿ ಮಾಮೂಲಿ ಮಸಾಲಾ ಚಿತ್ರ ನೋಡಿ ಬೇಸತ್ತವರು, ಹೊಸ ಕಾನ್ಸೆಪ್ಟ್‌ನ ಸಿನಿಮಾ ನೋಡಬಯಸುವವರು ಸಿನಿಮಾ ನೋಡಬಹುದು - ಪದ್ಮಾ ಶಿವಮೊಗ್ಗ

ಕುಮಾರಿಯ ಮಸಾಲ ಚುರುಮುರಿ - ಉದಯವಾಣಿ

"ನಂಬಿಕೆ ಮತ್ತು ದ್ರೋಹ' ಈ ಎರಡರ ನಡುವಿನ ಕಪಟವನ್ನು ಬಿಡಿಸಿಡುವ ಮೂಲಕ ಸಣ್ಣದ್ದೊಂದು ಸಂದೇಶ ಸಾರಿರುವ ನಿರ್ದೇಶಕರ ಪ್ರಯತ್ನ ಸಾರ್ಥಕ. ಕಮರ್ಷಿಯಲ್ ಅಂದಮೇಲೆ ರಂಗು ರಂಗಿನ ಹಾಡುಗಳಿರಬೇಕು, ಮಜವೆನಿಸುವ ದೃಶ್ಯಗಳಿರಬೇಕು, ಡೈಲಾಗ್‌ಗಳಿಗೆ ಶಿಳ್ಳೆ ಬೀಳುವಂತಿರಬೇಕು. ಅದಕ್ಕಿಲ್ಲಿ ಕೊರತೆ ಇಲ್ಲ. ಮೊದಲರ್ಧ ಹಾಡು, ಕುಣಿತ ಮತ್ತು ಕುಡಿತ ಇದರ ಜೊತೆಗೆ ಕಣ್ತುಂಬೋ ಗ್ಲಾಮರ್ರು ನೋಡುಗರನ್ನು ಅತ್ತಿತ್ತ ಅಲ್ಲಾಡಿಸೋದಿಲ್ಲ - ವಿಜಯ್ ಭರಮಸಾಗರ

ಮೆಚ್ಯೂರಿಟಿ ಇಲ್ಲದ ಪ್ರಣಯ ಪ್ರಹಸನ: ಪ್ರಜಾವಾಣಿ

''ನಾಯಕಿ ಪ್ರಧಾನ ಚಿತ್ರ ಎಂದು ಹೇಳಿಕೊಂಡಿದ್ದರೂ ಇಡೀ ಚಿತ್ರದಲ್ಲಿ (ಕೆಲವು ದೃಶ್ಯಗಳನ್ನು ಹೊರತು ಪಡಿಸಿ) ನಾಯಕಿಯ ಪಾತ್ರ 'ಗ್ಲಾಮರ್ ಮಟೀರಿಯಲ್' ಆಗಿಯಷ್ಟೇ ಬಳಕೆಯಾಗಿದೆ. ಪಾರ್ಟಿಯಲ್ಲಿ, ಮನೆಯಲ್ಲಿ, ಬಟ್ಟೆ ಒಣಗಿಸುವಾಗ, ದುಃಖಿಸುವಾಗ, ಮೂವರು ವಿಕೃತರಿಂದ ಅತ್ಯಾಚಾರಕ್ಕೊಳಗಾಗಿ ಬಿದ್ದಿರುವಾಗಲೂ ನಾಯಕಿಯನ್ನು ಮಾದಕವಾಗಿಯೇ ತೋರಿಸಿರುವುದನ್ನು ಹೇಗೆ ಅರ್ಥ ಮಾಡಿಕೊಳ್ಳಬೇಕೋ ತಿಳಿಯದು'' - ಪದ್ಮನಾಭ ಭಟ್

Kumari 21F Review: Times of India

Kumari 21F has a relevant message about stereotyping, and the idea behind the attempt is commendable. The film could have been made a little sharper. Though, it does make a decent one-time watch if you like films that are different from the run-of-the-mill masala entertainers - Sunayana Suresh