ಐತಿಹಾಸಿಕ ಪ್ಯಾನ್ ಇಂಡಿಯಾ ಚಿತ್ರಕ್ಕೆ ಸಜ್ಜಾದ ಎಆರ್ ಮುರುಗದಾಸ್?

ಐತಿಹಾಸಿಕ ಕಥೆ ಆಯ್ಕೆ

ಪ್ರಸ್ತುತ ಮುರುಗದಾಸ್ ನಿರ್ದೇಶನಕ್ಕಿಂತ ನಿರ್ಮಾಣದ ಕಡೆ ಹೆಚ್ಚು ಆಸಕ್ತಿ ತೋರಿದ್ದಾರೆ. ಓಂ ಪ್ರಕಾಶ್ ಭಟ್ ಜೊತೆ ಸೇರಿ ಪ್ಯಾನ್ ಇಂಡಿಯಾ ಚಿತ್ರವೊಂದನ್ನು ನಿರ್ಮಿಸಲು ಮುಂದಾಗಿದ್ದಾರೆ ಎಂಬ ಸುದ್ದಿ ಹೊರಬದ್ದಿದೆ. ಈ ಚಿತ್ರ ಐತಿಹಾಸಿಕ ಕಥೆಯಾಧರಿಸಿದೆ ಎಂಬ ಪ್ರಾಥಮಿಕ ಮಾಹಿತಿ ಲಭ್ಯವಾಗಿದೆ.

ವಿಜಯ್ 65ನೇ ಚಿತ್ರದಿಂದ ಸ್ಟಾರ್ ನಿರ್ದೇಶಕ ಎಆರ್ ಮುರುಗದಾಸ್ ಔಟ್!

ಚಿತ್ರಕ್ಕೆ 1947 ಶೀರ್ಷಿಕೆ?

ಓಂ ಪ್ರಕಾಶ್ ಭಟ್ ಮತ್ತು ಮುರುಗದಾಸ್ ಜಂಟಿಯಾಗಿ ನಿರ್ಮಾಣ ಮಾಡಲಿರುವ ಚಿತ್ರದ ಕುರಿತು ಇದುವರೆಗೂ ಯಾವ ಮಾಹಿತಿ ಅಧಿಕೃತವಾಗಿ ಸಿಕ್ಕಿಲ್ಲ. ಮೂಲಗಳ ಪ್ರಕಾರ ಬಹಿರಂಗವಾಗಿರುವಂತೆ ಇದೊಂದು ಐತಿಹಾಸಿಕ ವಿಷಯವಾಗಿದ್ದು, ತಾತ್ಕಾಲಿಕವಾಗಿ ಚಿತ್ರಕ್ಕೆ 1947 ಎಂದು ಶೀರ್ಷಿಕೆ ಇರಿಸಲಾಗಿದೆಯಂತೆ. ಇನ್ನುಳಿದಂತೆ ಕಲಾವಿದರು, ತಂತ್ರಜ್ಞರು ಸಹ ಆಯ್ಕೆಯಾಗಿಲ್ಲ.

ಮುರುಗದಾಸ್ ನಿರ್ದೇಶನದಲ್ಲಿ ಮುಂದಿನ ಸಿನಿಮಾ ಯಾವುದು?

ಎಆರ್ ಮುರುಗದಾಸ್ ನಿರ್ದೇಶನದ ಮುಂದಿನ ಸಿನಿಮಾ ಸದ್ಯದಲ್ಲೇ ಘೋಷಣೆಯಾಗಲಿದೆ ಎಂಬ ಸುದ್ದಿ ವರದಿಯಾಗಿದೆ. ದೊಡ್ಡ ಪ್ರಾಜೆಕ್ಟ್‌ನಲ್ಲಿ ಈ ಚಿತ್ರ ಸಿದ್ಧವಾಗಲಿದ್ದು, ಸಂಪೂರ್ಣವಾಗಿ ಆನಿಮೇಷನ್‌ನಿಂದ ಕೂಡಿರುತ್ತದೆ ಎಂದು ವಿಶ್ಲೇಷಿಸಲಾಗಿದೆ. ಕಲಾವಿದರ ಬಗ್ಗೆ ಸುಳಿವು ನೀಡಿಲ್ಲ.

Recommended Video

Drishyam 2 ಸಿನಿಮಾಗೆ ರೆಡಿ ಅಂದ್ರು ಕ್ರೇಜಿಸ್ಟಾರ್ ರವಿಚಂದ್ರನ್ | Filmibeat Kannada

ವಿಜಯ್ 65ನೇ ಪ್ರಾಜೆಕ್ಟ್‌ನಿಂದ ಹೊರಬಂದಿದ್ದ ನಿರ್ದೇಶಕ?

ಸನ್ ಪಿಕ್ಚರ್ಸ್ ಜೊತೆ ವಿಜಯ್ ನಟನೆಯ 65ನೇ ಚಿತ್ರವನ್ನು ಮುರುಗದಾಸ್ ನಿರ್ದೇಶಿಸಬೇಕಿತ್ತು. ಆದರೆ, ನಿರ್ಮಾಣ ಸಂಸ್ಥೆ ಜೊತೆಗಿನ ಭಿನ್ನಾಭಿಪ್ರಾಯದಿಂದ ಈ ಚಿತ್ರ ಮುಂದುವರಿಸಲು ಸಾಧ್ಯವಾಗಲಿಲ್ಲ. ಹಾಗಾಗಿ, ಸಿನಿಮಾ ಆರಂಭಕ್ಕೂ ಮುನ್ನವೇ ಕೈಬಿಟ್ಟರು. ಈ ನಡುವೆ ತೆಲುಗು ನಟ ಮಹೇಶ್ ಬಾಬು ಜೊತೆ ಪ್ರಾಜೆಕ್ಟ್‌ವೊಂದರ ಕುರಿತು ಮಾತುಕತೆ ನಡೆಸುತ್ತಿದ್ದಾರೆ ಎಂಬ ವಿಷಯ ಬಹಿರಂಗವಾಗಿದೆ.