ಧನುಶ್, ರಾಣಾ ಮತ್ತು ರಕ್ಷಿತ್ ಶೆಟ್ಟಿ ಲಾಂಚ್ ಮಾಡಲಿರುವ ಹೊಸ ಸಿನಿಮಾ ಯಾವುದು?

ಹೊಸ ಸಿನಿಮಾ ಘೋಷಣೆ

ಎಸ್‌ಆರ್‌ಟಿ ಎಂಟರ್‌ಟೈನ್‌ಮೆಂಟ್ ಮತ್ತು ಮಧುರಾ ಫಿಲಂ ಫ್ಯಾಕ್ಟರಿ ನಿರ್ಮಾಣ ಸಂಸ್ಥೆಯಲ್ಲಿ ತಯಾರಾಗುತ್ತಿರುವ ಮೊದಲ ಚಿತ್ರದ ಕುರಿತು ಧನುಶ್, ರಕ್ಷಿತ್ ಶೆಟ್ಟಿ ಹಾಗು ರಾಣಾ ಅವರು ಘೋಷಣೆ ಮಾಡಲಿದ್ದು, ಚಿತ್ರದ ಫಸ್ಟ್ ಲುಕ್ ಸಹ ಬಿಡುಗಡೆ ಮಾಡಲಿದ್ದಾರೆ.

ಯಾರು ಹೀರೋ?

ಈ ಚಿತ್ರದ ಹೆಸರೇನು, ಯಾವೆಲ್ಲ ಕಲಾವಿದರು ಈ ಸಿನಿಮಾದಲ್ಲಿ ಇರಲಿದ್ದಾರೆ ಎಂಬ ಕುತೂಹಲ ಸೃಷ್ಟಿಯಾಗಿದೆ. ಸದ್ಯದ ಮಾಹಿತಿ ಪ್ರಕಾರ ಬಾಬಿ ಸಿಂಹ ಪ್ರಮುಖ ಪಾತ್ರ ಮಾಡಲಿದ್ದಾರೆ. ಜೊತೆಗೆ ನಟಿ ಕಾಶ್ಮೀರಾ ಸಹ ಈ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಮೂರು ಭಾಷೆಯಲ್ಲಿ ಸಿನಿಮಾ

ಅಂದ್ಹಾಗೆ, ಈ ಚಿತ್ರ ಮೂರು ಭಾಷೆಯಲ್ಲಿ ಬಿಡುಗಡೆಯಾಗಲಿದೆ. ತಮಿಳುನಲ್ಲಿ ನಟ ಧನುಶ್ ಫಸ್ಟ್ ಲುಕ್ ರಿಲೀಸ್ ಮಾಡಲಿದ್ದಾರೆ. ತೆಲುಗಿನಲ್ಲಿ ರಾಣಾ ದಗ್ಗುಬಾಟಿ ಹಾಗೂ ಕನ್ನಡದಲ್ಲಿ ರಕ್ಷಿತ್ ಶೆಟ್ಟಿ ಫಸ್ಟ್ ಲುಕ್ ಅನಾವರಣಗೊಳಿಸಲಿದ್ದಾರೆ.

ಇಂಡಿಯನ್ 2 ಚಿತ್ರದಲ್ಲಿ ಬಾಬಿ

ಬಾಬಿ ಸಿಂಹ ತಮಿಳು ಮತ್ತು ತೆಲುಗಿನಲ್ಲಿ ಬೇಡಿಕೆಯ ನಟ. ಸ್ಟಾರ್ ನಟರ ಚಿತ್ರಗಳಲ್ಲಿ ಪ್ರಮುಖ ಪಾತ್ರವಹಿಸುವ ಸಿಂಹ, ಸೋಲೋ ಆಗಿಯೂ ಸಿನಿಮಾಗಳನ್ನು ಮಾಡಿದ್ದಾರೆ. ಪ್ರಸ್ತುತ, ಕಮಲ್ ಹಾಸನ್ ನಟಿಸುತ್ತಿರುವ ಇಂಡಿಯನ್ 2 ಚಿತ್ರದಲ್ಲಿ ನಟಿಸುತ್ತಿದ್ದಾರೆ.