ನಟಿ ಸಾಯಿ ಪಲ್ಲವಿ ಬಗ್ಗೆ ಎಂಟು ಕುತೂಹಲಕಾರಿ ಸಂಗತಿಗಳು

ಸಾಯಿ ಪಲ್ಲವಿ ಹುಟ್ಟಿದ್ದು ತಮಿಳುನಾಡಿನಲ್ಲಿ

ಮಲೆಯಾಳಂ ಮೂಲಕ ಸಿನಿಮಾ ಪ್ರವೇಶಿಸಿದರೂ ಸಾಯಿ ಪಲ್ಲವಿ ಹುಟ್ಟಿದ್ದು, ತಮಿಳುನಾಡಿನ ನೀಲಗಿರಿ ಜಿಲ್ಲೆಯ ಕೂಟಗಿರಿಯಲ್ಲಿ ಜನಿಸಿದವರು. ಊಟಿ, ಕೂನೂರಿಗೆ ಸಮೀಪವೇ ಇರುವ ತಾಲ್ಲೂಕು ಕೇಂದ್ರ ಇದು.

ವಿದ್ಯಾವಂತೆ ಸಾಯಿ ಪಲ್ಲವಿ ಏನು ಓದಿದ್ದಾರೆ?

ಅಭಿನಯದಲ್ಲಿ ನಂ 1 ಎನಿಸಿಕೊಂಡಿರುವ ಸಾಯಿ ಪಲ್ಲವಿ, ಓದಿನಲ್ಲೂ ನಂ 1 . ಅವರು ಜಾರ್ಜಿಯಾದಲ್ಲಿ ಎಂಬಿಬಿಎಸ್ ಓದಿದ್ದಾರೆ. ಹೃದಯತಜ್ಞೆ ಆಗಬೇಕೆಂಬುದು ಅವರ ಆಸೆ. ಆದರೆ ಸಾಯಿ ಪಲ್ಲವಿ ಅವರು ಮೆಡಿಕಲ್ ಪ್ರಾಕ್ಟೀಶನರ್ ಆಗಿ ಭಾರತದಲ್ಲಿ ನೊಂದಾಯಿಸಿಕೊಂಡಿಲ್ಲ.

ಸಾಯಿ ಪಲ್ಲವಿ ಮೊದಲ ಸಿನಿಮಾ 'ಪ್ರೇಮಂ' ಅಲ್ಲ

ಎಲ್ಲರೂ ಅಂದುಕೊಂಡಿರುವಂತೆ ಸಾಯಿ ಪಲ್ಲವಿ ಅವರ ಮೊದಲ ಸಿನಿಮಾ ಮಲೆಯಾಳಂ ನ 'ಪ್ರೇಮಂ' ಅಲ್ಲ. ಅದಕ್ಕೂ ಮೊದಲಿಗೆ 2003 ರಲ್ಲಿ 'ಕಸ್ತೂರಿಮನ್' ಎಂಬ ಮಲೆಯಾಳಂ ಸಿನಿಮಾದಲ್ಲಿ ನಟಿಸಿದ್ದರು. ನಂತರ 2008 ರಲ್ಲಿ ಕಂಗನಾ ರನೌತ್ ಅಭಿನಯದ 'ದಾಮ್ ದೂಂ' ಎಂಬ ಸಿನಿಮಾದಲ್ಲಿ ನಾಯಕಿಯ ಗೆಳತಿಯಾಗಿ ಕಾಣಿಸಿಕೊಂಡಿದ್ದರು. ಇಲ್ಲಿದೆ ನೋಡಿ ಚಿತ್ರ.

ಸಿನಿಮಾದಲ್ಲಿ ನಟಿಸುವ ಮುನ್ನಾ ಏನು ಮಾಡುತ್ತಿದ್ದರು ಸಾಯಿ ಪಲ್ಲವಿ?

ಸಾಯಿ ಪಲ್ಲವಿ ಅವರು ಸಿನಿಮಾದಲ್ಲಿ ನಟಿಸುವ ಮೊದಲ 'ಉಂಗಲಿಲ್ ಯಾರ್ ಅಡುತ್ತ ಪ್ರಭುದೇವ' ಎಂಬ ಡಾನ್ಸ್ ರಿಯಾಲಿಟಿ ಶೋ ನಲ್ಲಿ ಭಾಗವಹಿಸಿ ಜನರ ಮನಸ್ಸು ಗೆದ್ದಿದ್ದರು. ಇದು ಮಾತ್ರವಲ್ಲದೆ ಡೀ 4 ಎಂಬ ಡಾನ್ಸ್ ರಿಯಾಲಿಟಿ ಶೋ ನಲ್ಲಿ ಸಹ ಭಾಗವಹಿಸಿದ್ದರು.

ಸಾಯಿ ಪಲ್ಲವಿ ಅದ್ಭುತ ನೃತ್ಯದ ಹಿಂದಿನ ಗುಟ್ಟು ಏನು?

ಸಾಯಿ ಪಲ್ಲವಿ ಅವರ 'ಪ್ರೇಮಂ' ಬ್ರೇಕ್ ಡಾನ್ಸ್, ಫಿಧಾ ಸಿನಿಮಾದ ನೃತ್ಯ, ರೌಡಿ ಬೇಬಿಯಾಗಿ ಮಾಡಿದ ಟಪಾಂಗುಚಿ ನೃತ್ಯ ಯಾರೂ ಮರೆಯುವಂತಿಲ್ಲ. ನಿಜವೆಂದರೆ ಸಾಯಿ ಪಲ್ಲವಿ ಯಾವುದೇ ನೃತ್ಯ ತರಬೇತಿ ಇಲ್ಲಿಯವರೆಗೆ ಪಡೆದಿಲ್ಲ. ನೃತ್ಯ ಅವರ ಹವ್ಯಾಸವಷ್ಟೆ.

ಸಾಯಿ ಪಲ್ಲವಿ ಸಹೋದರಿ ಯಾರು?

ಸಾಯಿ ಪಲ್ಲವಿ ತಂದೆ ಹೆಸರು ಸೆಂಥಮಾರಾಯ್ ಕನ್ನನ್, ತಾಯಿ ಹೆಸರು ರಾಧಾ. ಸಾಯಿ ಪಲ್ಲವಿ ಅವರಿಗೆ ಕಿರಿಯ ಸಹೋದರಿ ಇದ್ದು ಅವರ ಹೆಸರು ಪೂಜಾ ಕನ್ನನ್, ಇವರು ಈಗಾಗಲೇ ಕೆಲವು ಕಿರು ಚಿತ್ರಗಳಲ್ಲಿ ಅಭಿನಯಿಸಿದ್ದು, ಬೆಳ್ಳಿ ತೆರೆಗೆ ಬರಲು ತಯಾರಾಗಿದ್ದಾರೆ.