'ಬಾಹುಬಲಿ 2' ರೆಕಾರ್ಡ್ ಮುರಿದ ಕಮಲ್ ಹಾಸನ್ 'ವಿಕ್ರಂ'!

350 ಕೋಟಿ ರೂ. ದಾಟಿದ ವಿಕ್ರಂ!

ತಮಿಳು ಚಿತ್ರ 'ವಿಕ್ರಂ' ದೊಡ್ಡ ಮಟ್ಟದಲ್ಲಿ ಓಪನಿಂಗ್ ಪಡೆದುಕೊಂಡಿದೆ. ಅಂತೆಯೇ ಸಿನಿಮಾದ ಗಳಿಕೆ ಕೂಡ ಉತ್ತಮ ರೀತಿಯಲ್ಲಿ ಇದೆ. ಸಿನಿಮಾ ರಿಲೀಸ್ ಆಗಿ ಎರಡು ವಾರಗಳು ಆಗುತ್ತಿದ್ದರೂ ಕೂಡ, ಸಿನಿಮಾದ ಗಳಿಕೆ ಹೆಚ್ಚುತ್ತಲೇ ಇದೆ. 'ವಿಕ್ರಂ' 16ನೇ ದಿನಕ್ಕೆ 352.17 ಕೋಟಿ ರೂ. ಕಲೆ ಹಾಕಿದೆ. ಈ ಮೂಲಕ ತಮಿಳಿನ ನಂಬರ್‌ 1 ಸಿನಿಮಾ ಆಗಿದೆ.

'ಬಾಹುಬಲಿ 2' ದಾಖಲೆ ಮುರಿದ 'ವಿಕ್ರಂ'!

ತಮಿಳು ನಾಡಿನಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ, ತಮಿಳಿನ ಸಿನಿಮಾ ಎನ್ನುವ ಹೆಗ್ಗಳಿಕೆಗೆ 'ವಿಕ್ರಂ' ಪಾತ್ರವಾಗಿದೆ. ಯಾಕೆಂದರೆ ಈ ಹಿಂದೆ ತಮಿಳುನಾಡಿನಲ್ಲಿ ಅತಿ ಹೆಚ್ಚು ಗಳಿಕೆ ಕಂಡಿದ್ದ 'ಬಾಹುಬಲಿ 2' ಸಿನಿಮಾದ ರೆಕಾರ್ಡ್ ಬ್ರೇಕ್ ಮಾಡಿದೆ. ತಮಿಳು ನಾಡಿನಲ್ಲಿ 'ವಿಕ್ರಂ' ಒಟ್ಟು 153.65 ಕೋಟಿ ರೂ. ಗಳಿಸಿದೆ. ಈ ಮೂಲಕ ತಮಿಳಿಗೆ ಡಬ್ ಆಗಿ, ತಮಿಳುನಾಡಿನಲ್ಲಿ ತೆಲುಗಿನ 'ಬಾಹುಬಲಿ 2' ಸಿನಿಮಾ ಮಾಡಿದ್ದ ದಾಖಲೆಯನ್ನು ಮುರಿದು ಹಾಕಿ, ಮೊದಲ ಸ್ಥಾನ ಗಿಟ್ಟಿಸಿಕೊಂಡಿದೆ.

ಕರ್ನಾಟಕದಲ್ಲಿ 'ವಿಕ್ರಂ' ಬಾಚಿದ್ದೆಷ್ಟು!

ತಮಿಳುನಾಡು- 153.65 ಕೋಟಿ ರೂ.

ಆಂಧ್ರಪ್ರದೇಶ/ತೆಲಂಗಾಣ- Rs 25.91 ಕೋಟಿ ರೂ.

ಕರ್ನಾಟಕ- 18.40 ಕೋಟಿ ರೂ.

ಕೇರಳಾ- 33.75 ಕೋಟಿ ರೂ.

ಓವರ್‌ಸೀಸ್- 111.91 ಕೋಟಿ ರೂ.

ವಿಕ್ರಂ ಬ್ರೇಕ್ 'ಕೆಜಿಎಫ್' ರೆಕಾರ್ಡ್!

'ಬಾಹುಬಲಿ' ಬಳಿಕ ಹೆಚ್ಚು ಸದ್ದು ಮಾಡಿದ್ದು, 'ಕೆಜಿಎಫ್ 2'. ಕನ್ನಡದ 'ಕೆಜಿಎಫ್ 2' ತಮಿಳು ನಾಡಿನಲ್ಲಿ ಉತ್ತಮ ಗಳಿಕೆ ಕಂಡಿತ್ತು. ಆದರೆ 'ವಿಕ್ರಂ' ಸಿನಿಮಾ 'ಕೆಜಿಎಫ್ 2' ಸಿನಿಮಾವನ್ನು ಹಿಂದಿಕ್ಕಿ ತಮಿಳುನಾಡಿನಲ್ಲಿ ಹಲವು ದಾಖಲೆಗಳನ್ನು ಬರೆದಿದೆ. ಕೇವಲ ತಮಿಳುನಾಡಿನಲ್ಲಿಯೇ 153.65 ಕೋಟಿ ರೂ ಕಲೆಕ್ಷನ್ ಮಾಡಿದೆ. ಈ ಮೂಲಕ ಅತೀ ಹೆಚ್ಚು ಗಳಿಕೆ ಕಂಡ ತಮಿಳು ಸಿನಿಮಾ ಎನ್ನುವ ಪಟ್ಟಿ ಸೇರಿದೆ.